


സൈക്കിളും അഗർബത്തിയും പെൺകുട്ടിയും പ്രാർത്ഥനയും തമ്മിൽ എന്താണ് ബന്ധം എന്നു ചോദിക്കരുത്.

എന്നാൽ സൈക്കിൾ ചിഹ്നത്തിൽ പറന്നുയരാൻ  പ്രാർത്ഥിക്കുന്ന ഒരു
ബഡാ സാമ്യവാദി ചുള്ളൻ   യുപിയിൽ പണി തുടങ്ങിക്കഴിഞ്ഞതായി വാർത്തയുണ്ട്. നന്നായി. ബലേ ഭേഷ് !.



കോൺഗ്രസ് മുടിയനായ പുത്രനെ പ്പോലെ മദിച്ചു നടക്കുകയാണ് അവിടെ. ആവിയും തൈലവുമായി ഇതുവരെയും ആരും വന്നിട്ടില്ല. പക്ഷേ. അവകാശം പറഞ്ഞ് അവർ സീറ്റുകൾ ഒപ്പിക്കും. ഇത്തവണ 181 സീറ്റുകൾ അവർ ആവശ്യപ്പെട്ടതായി അഖിലേഷ് തന്നെ വെളിപ്പെടുത്തിയിട്ടുണ്ട്.കിട്ടാവുന്ന പരമാവധി വാങ്ങിയ ശേഷം അറിയാത്ത കൊറെ മൊതലുകളെ 
അണിനിരത്തും. ഒരുപിടി  റോഡ്ഷോകൾ. പൊതുയോഗങ്ങൾ... പ്രസ്താവനാ യുദ്ധങ്ങൾ.. തീർന്നു.അതിനപ്പുറം ആരും ഒന്നും പ്രതീക്ഷിക്കുന്നില്ല
എലി മലയെ പെറ്റിടുമോ ? 

 

യുപിയിലെ സാധാ ജനങ്ങളെല്ലാം വല്ലാതെ ചടച്ചുപോയത് ഈയടുത്ത ദിനങ്ങളിലാണ് ഈ സോഷ്യലിസ്റ്റിന്റെ  ശ്രദ്ധയിൽപ്പെട്ടത് എന്നു തോന്നുന്നു. അധികാരം പിടിച്ചാൽ റേഷൻകടകൾ വഴി പോഷക സാധനങ്ങളും നെയ്യും  സൗജന്യ നിരക്കിൽ വിതരണം ചെയ്യുമെന്നും അദ്ദേഹം സോഷ്യൽ  മീഡിയയിൽ കുറിച്ചിട്ടുണ്ട്



ആസാദ് സമാജ് പാർട്ടി നേതാവായ ചന്ദ്രശേഖറും ഒ വൈ സിയും കൂടി രൂപീകരിക്കുന്ന പരിവർത്തൻ 
മോർച്ചയും അണിയറയിൽ ഒരുങ്ങുന്നുണ്ട്.  ആർക്കാവും പാര എന്ന് ഇനിയേ അറിയാനാകൂ. തിരഞ്ഞെടുപ്പു കാലത്ത് എത്തുന്ന സന്ദർശകൻ മാത്രമാണിവരെന്നും  ബൂത്ത് തലത്തിൽ വർക്കു ചെയ്യുന്ന തങ്ങൾക്ക് ഇവർ ഭീഷണിയല്ലെന്നും ബിജെപിക്ക് ഈ സഖ്യം രണ്ടു ശതമാനം വോട്ടു നഷ്ടപ്പെടുത്തുമെന്നും അഖിലേഷ് യാദവ്  വിലയിരുത്തുന്നു.





അവധാനതയോടെയാണ് ഇത്തവണ നീക്കങ്ങൾ. അയോധ്യയിൽ ഉരുണ്ടു കൂടിയ വിഷയങ്ങളും  മറ്റൊരു കീറാമുട്ടി...അപ്രതീക്ഷീതം..

മുൻകുർ പറന്നു വന്ന  ബിജെപി അനുകൂല സർവ്വേകൾ  പലകാരണം കൊണ്ടും പ്രസക്തമാകുന്നില്ല.ഭരണ വിരുദ്ധ വികാരം ഒഴിവാക്കാൻ സിറ്റിംഗ് അംഗങ്ങളെ ഒഴിവാക്കി 
പുതുമുങ്ങളെ  പരീക്ഷിക്കാനും നീക്കമുണ്ട്.

യോഗി ആദിത്യ നാഥിനു  കൂടുതൽ സ്വതന്ത്രമായ ഇടപെടലുകൾ നടത്താൻ അവസരം നൽകണമെന്ന അഭിപ്രായവും ഉയർന്നു കേൾക്കുന്നു.

യുപി നൽകുന്ന ഏതു ജനവിധിയും ബിജെപിയുടെ ശിരോലിഖിതം തിരുത്തിക്കുറിക്കും എന്നതിൽ  തർക്കമില്ല.

യു.പി യിൽ അഖിലേഷിന്റെ സൈക്കിൾ യജ്ഞം







 

കഴിഞ്ഞ നാലു പതിറ്റാണ്ടായി  ഫാമിലി കൗൺസിലിംഗ് നടത്തിവരുന്ന കോട്ടയത്തെ ഗ്രേസ് മാഡം പറഞ്ഞതാണിത്.

അടിച്ചു പൂസായി വാളുവയ്ക്കുന്ന യുവ കേരളത്തിന്റെ സമകാലിക ഭൂമികയിലേക്കാണ് നാം  ഇന്നു ജീവിക്കുന്നത്.
പതിനാറിനും പതിനഞ്ചിനും മുമ്പു തന്നെ നമ്മുടെ  ചെക്കന്മാരെയും കുമാരിമാരെയും നാലുകാലിൽ നടത്തി വേണം നവകേരളത്തിൽ എത്തിക്കാൻ.



പ്രത്യയശാസ്ത്രങ്ങൾ, മത പ്രബോധനങ്ങൾ സൻമാർഗ ശാസ്ത്രം ഈശ്വര ഭയം, ഗുരു ഭക്തി, മുതിർന്നവരോടുള്ള ആദരവ്.... എല്ലാം ഒടുങ്ങുന്ന മുക്കവലയാണ് നമ്മുടെ ബിവറേജ് ഷോപ്പുകളും മധുശാലകളും ലഹരി പൂക്കുന്ന തെരുവുകളും.



മക്കളുടെ എല്ലാ തെണ്ടിത്തരങ്ങളും ന്യായീകരിച്ചു തള്ളുന്ന, സാമാന്യ വത്കരിക്കുന്ന തള്ളമാരും തന്തമാരു മാണ് നമുക്കുള്ളത്;  മിക്കപ്പോഴും ഗതികേടു കൊണ്ടു മാത്രം.
കരളു പഴുക്കുമ്പോഴും മാതൃകയാണ് അവർക്ക്  മക്കൾ.

അപകടം വരുമ്പോൾ ഈ കണ്മണികൾ ബാധ്യത മുഴുവനും  തന്തയ്ക്ക് ഇഷ്ടദാനമായി നൽകും.  തന്തയ്ക്കു മുന്നേ പിറന്നവരാണവർ..വീടകങ്ങളെ
ഭീഷണിയുടെ മുൾമുനയിൽ നിർത്തിയാണ് മാതാപിതാക്കളുടെ അന്തകരായി പിറന്ന ഈ സന്തതികൾ അവരെ  ഭ്രാന്തരാക്കി മാറ്റുന്നത്.

 

അക്രമം,കൊല,കൊള്ള, പീഢനം, പ്രതികാരം,ക്രൂരമായ പകപോക്കലുകൾ, വണ്ടികളിൽ മരണപ്പാച്ചിൽ നടത്തി നാട്ടാരെ കൊല്ലൽ,ആത്മഹത്യ,...
കുടിയുടെ,വലിയുടെ, പുകയ്ക്കലിന്റെ,ശരീരത്തിൽ കുത്തിക്കയറ്റുന്നതിന്റെ
ബാക്കിപത്രങ്ങളാണിവ.



ഓരോ വീടകവും  ഇന്നു ഭയാശങ്കളുടെ നടുവിലാണ്. വലതു കാൽ  വച്ചു കയറി വരുന്ന ഉഭയജീവികൾ  വഹിക്കുന്നത് വെടിയാണോ തടയാണോ  എന്നു മിശ്ചയമില്ല.. ശനിയിൽ അപഹാരമെങ്കിൽ മാതാപിതാക്കൾ ഉണ്ട തിന്നും. തീർച്ച.  മണിയറയുടെ ബദലാണ് തടവറ!

കേരളത്തിൽ മദ്യം വാങ്ങാനുള്ള
പ്രായം 23 വയസ്.  വലിയ കോമഡിയാണത്.നിയമം നിയമത്തിന്റെ വഴിക്കു പോകും.ചെക്കന്മാർ ബാറിലേക്കും ബിവറേജിലേക്കും.  ഈ നിയമത്തിന്റെ പേരിൽ ഒരാളെയും എവിടെയും തടഞ്ഞിട്ടില്ല.തടയുന്നുമില്ല.അതാണ് പുരോഗമന കേരളത്തിലെ അവസര സമത്വം !.
ഇനി 50 രൂപ കൊടുത്താൽ സാധനം വീട്ടലെത്തും എല്ലാർക്കും ആളോഹരി ആനന്ദം ഫ്രീ..

സാധനം കൈയ്യിലുണ്ടോ?
സാധനം കൈയ്യിലുണ്ടേ !



സാധനം കൈയ്യിലുണ്ടോ.....?




രണ്ടു ദിവസം മുമ്പാണ് കെ.പി.സി സി പ്രസിഡന്റും കരണ്ട് മന്ത്രിയുമായ സണ്ണി വക്കീലുമായി സതീശൻ ഇത് പോലെ കാര്യങ്ങൾ പറഞ്ഞ് കോംപ്ലിമെന്റായത്. രാമായണം സിനിമയിൽ രാവണൻ സഹോദരീ ഭർത്താവായ വിദ്യുജ്ജിഹ്വ നുമായി ഏറ്റുമുട്ടൽ അവസാനിപ്പിച്ച് കോംപ്ലിമെന്റായ ശേഷം ചെയ്തതുപോലെ ഒരു കെട്ടിപ്പിടിത്തം നമ്മുടെ വിദ്യുജ്ജിഹ്വനുമായി സതീശൻ നടത്തിയതുമാണ്. പത്രങ്ങളിൽ പടo വന്നതു മാത്രം മെച്ചം. പിറ്റേ ദിവസം വീണ്ടും സണ്ണി വക്കീൽ ജി എൻ എ കരാറിനെ കുറ്റം പറഞ്ഞ് മുഖ്യമന്ത്രിക്കിട്ട് താങ്ങി.



വി ഡി സതീശൻ പ്രതിപക്ഷ നേതാവായ ശേഷമാണ് എൻ എസ് എസുമായി അകൽച്ചയിലായത്. രാഷ്ട്രീയ നേതാക്കൾ സമുദായ നേതാക്കളുടെ അഭിപ്രായങ്ങൾക്ക് ചെവി കൊടുക്കണമെന്നല്ലാതെ അടിമകളാകരുത് എന്ന രീതിയിൽ സതീശൻ അന്നു പറഞ്ഞതാണ് പ്രകോപനമായത്. നായരുണ്ടോ വിടുന്നു. തെരഞ്ഞെടുപ്പിൽ സഹായം ചോദിച്ച് സതീശൻ തന്നെ വന്നു കണ്ട് ഒരു മണിക്കൂറിലധികം സംസാരിച്ചിട്ടാണ് ഇപ്പോൾ ഈ പഞ്ച് ഡയലോഗ് അടിക്കന്നതെന്ന് സിക്രട്ടറി തുറന്നടിച്ചു. അതോടെ എല്ലാം 'കൈയ്യീന്ന് പോയി.'



സമുദായ നേതാക്കൾ ഇരിക്കാൻ പറയുമ്പോൾ രാഷ്ട്രീയ നേതാക്കൾ കിടക്കരുത് എന്നേ പറഞ്ഞിട്ടുള്ളൂ എന്ന പിന്തിരിപ്പൻ നിലപാട് ആവർത്തിച്ച സതീശനും മുന്നണിക്കും പക്ഷേ ജനങ്ങൾ കൈമെയ് മറന്ന് വോട്ടു കുത്തി. എസ് ഐ ആറിലെ ക്രമക്കേടുകൾ കൂടിയായപ്പോൾ വമ്പിച്ച ഭൂരിപക്ഷത്തോടെ മുന്നണി അധികാരത്തിലെത്തി. നായരെ നോക്കി ഒരു പൂക്കിച്ചിരി ചിരിച്ച് മേനോൻ മുഖ്യമന്ത്രിയുമായി.



അഭിനന്ദനം പറയാൻ സതീശനെ ഫോൺ ചെയ്ത നായരു ചേട്ടൻ ഇളിഭ്യനായി. അദ്ദേഹം വിളിച്ച സബ്സ്ക്രൈബർ തിരക്കിലായിരുന്നു. ശ്ശെടാ... എങ്കിൽ നേരിൽക്കണ്ട് അഭിനന്ദിക്കാമെന്ന് കരുതിയപ്പോൾ അതിന് അനുവാദവും കിട്ടിയില്ല.



അഞ്ചുവർഷത്തിനുശേഷം സതീശൻ എൻ.എസ്.എസ് ആസ്ഥാനമായ പെരുന്നയിൽ മന്നം ജയന്തി പരിപാടിയിൽ പങ്കെടുക്കുന്ന ആ സുദിനത്തിയായി കാത്തിരിക്കുകയാണ് ഇപ്പോൾ ആഗോള നായൻമാർ. സുരക്ഷി പോലീസും പാദുകങ്ങളും ഒഴിവാക്കി സതീശൻ മന്നം സമാധിയിൽ പുഷ്പാർച്ചന നടത്താനും ധാരണയായിരിക്കണം.
അതെന്തെങ്കിലുമാവട്ടെ. താക്കോൽ സ്ഥാനത്ത് കറകളഞ്ഞ ഒരുനായർ വരുമ്പോൾ സമുദായം ചിലവിട്ടുവീഴ്ചകളൊക്കെ കാട്ടേണ്ടിവരില്ലേ...

ഇത് അതാണ് .

നായർ - മേനാൻ ഐക്യം നീണാൾ വാഴ്ക.






രാമായണ കഥ ഭാരതീയരുടെ രക്തത്തിലലിഞ്ഞതാണ്. വാർത്താ വിനിമയ സംവിധാനങ്ങളില്ലാത്ത കാലത്തു തന്നെ അത് രാജ്യത്തിൽ എല്ലായിടത്തുമുള്ള മനുഷരുടെ ഹൃദയം കവർന്നു. ഇന്ത്യയുടെ ഏതിടത്തിലും രാമായണ കഥാ സന്ദർഭങ്ങളുമായി ബന്ധപ്പെട്ട ഐതിഹ്യങ്ങൾ ലയിച്ചു കിടക്കുന്നതായി കാണാം. കഥകളായും പാട്ടായും നാടകങ്ങളും ദൃശ്യ രൂപങ്ങളുമായും നമ്മൾ എത്രയെത്ര രാമായണങ്ങൾ കണ്ടറിഞ്ഞിരിക്കുന്നു.

രാമായണത്തെ വെള്ളിത്തിരയിലെത്തിക്കുക എന്നത് പുതിയ കാലത്ത്  ചെറിയ കളിയല്ല. കോടികളും സാങ്കേതികവിദ്യയും താരപ്രഭയും പോരാ; അതിന് ഒരു ഇതിഹാസത്തിന്റെ ആത്മാവും വേണം. നിതീഷ് തിവാരിയുടെ രാമായണം ഈ വലിയ വെല്ലുവിളി ഏറ്റെടുക്കുമ്പോൾ എടുത്ത പറയേണ്ടത് അത് നൽകുന്ന വിസ്മയകരമായ കാഴ്ചാനുഭവം തന്നെയാണ്. പക്ഷേ കഥയുടെ കാര്യത്തിൽ രാമനെക്കാൾ രാവണനാണ് മുന്നിൽ!



രാവണന്റെ പശ്ചാത്തലത്തിനും അധികാരവ്യവസ്ഥയ്ക്കും നൽകിയ പ്രാധാന്യം കഥയ്ക്ക് പുതുമ നൽകുന്നുണ്ടെങ്കിലും രാമന്റെ ധാർമികവും ആത്മീയവുമായ ലോകത്തിന് വേണ്ടത്ര ആഴം ലഭിക്കുന്നില്ല.

രാക്ഷസർ എന്ന ആദി മാനവരും മനുഷ്യരൂപം പൂണ്ട ദേവനും തമ്മിൽ നടന്ന ധർമ്മയുദ്ധത്തിന്റെ കഥയായാണ് നിതീഷ് തിവാരി രാമായണത്തെ ആവിഷ്കരിക്കുന്നത്. അധികാര പ്രമത്തത തലയ്ക്കു പിടിച്ച് മാനവനാശകാരിയായി ഒരു അധികാരി മാറുമ്പോഴുണ്ടാവുന്ന പ്രകൃതിയുടെ സ്വാഭാവികമായ ഇടപെടൽ. എന്നാൽ രാവണന്റെ പശ്ചാത്തലം വിവരിച്ച് കഥ പറയാൻ സംവിധായകൻ നടത്തിയ ശ്രമങ്ങൾ രാവണനിലേക്ക് നായകസ്ഥാനം കൊണ്ടുവരുന്നതു പോലെയാണ് അനുഭവപ്പെടുന്നത്.



എ.ആർ. റഹ്മാനും ഹാൻസ് സിമ്മറും ചേർന്ന സംഗീതം വലിയ പ്രതീക്ഷ നൽകിയെങ്കിലും മനസ്സിൽ തങ്ങിനിൽക്കുന്ന സംഗീതാനുഭവം  സൃഷ്ടിക്കാനായില്ലെന്നത് പോരായ്മയായി.ഇന്ത്യക്കു പുറത്തുള്ള പ്രേക്ഷകരെ തൃപ്തിപ്പെടുത്തുക എന്നത് പ്രധാന ലക്ഷ്യമായി കണ്ടപ്പോഴുള്ള പ്രശ്നമാണിതെന്ന് കരുതണം.



ശൂർപ്പം അഥവാ മുറം പോലെ നഖങ്ങളുള്ളവളാണ്  വാത്മീകി രാമായണത്തിലെ ശൂർപ്പണഖ, നിതീഷിന്റെ ശൂർപ്പണഖ പക്ഷേ ബ്യൂട്ടി പാർലർ  സുന്ദരിയും ഡിസൈൻഡ് വസ്ത്രധാരിണിയുമാണ്. 

രാമന്റെ സ്വകാര്യതയിലേക്ക് അതിക്രമിച്ചു കടക്കുന്ന അവൾക്ക് ലക്ഷ്മണൻ നൽകുന്ന ശിക്ഷ മൂക്കും മുലയും മുറിച്ചു കളയുക എന്നതായിരുന്നുവെന്നാണ് കവിവാക്യം. എന്നാൽ  ശൂർപ്പണഖയുടെ മൂക്കിന്മേൽ മുറിവേല്പിക്കുക മാത്രം തിവാരിയുടെ ലക്ഷ്മണൻ ചെയ്യുന്നത്. സെൻസർ ബോർഡിനെയും പെണ്ണെഴുത്തുകാരെയും പേടിച്ചിട്ടാവാം.



കാഴ്ചയുടെ പരമാനന്ദം നിങ്ങൾ ആഗ്രഹിക്കുന്നുണ്ടാ? 
എങ്കിൽ നിതീഷ് തിവാരിയുടെ രാമായണം ഒന്നാം ഭാഗത്തിനായി ടിക്കറ്റെടുത്തോളൂ. 

അവതാർ ഉൾപ്പെടെയുള്ള വിദേശ സിനിമകൾ കണ്ട് അന്തം വിട്ട നമുക്ക് ലോകത്തോട് പറയാം.
ഇതാ ഞങ്ങളുടെ അവതാർ...





രാവണന്റെ രാമായണം





പൂക്കാരിൽ നിന്നും കോവിഡ് കാലത്ത് മാസ്ക് വാങ്ങിയ വേന്ദ്രന്മാർ വാണിടത്ത് കരണ്ട്  ഉണ്ടാക്കാത്തവനും കരണ്ട് വിൽക്കാനുള്ള പ്രേമലേഖനം നൽകാം എന്നതിലാണ് ആധുനിക ആക്രിക്കച്ചോടത്തിന്റെ പരലും. പൊരുളും കിടക്കുന്നത്.
അല്ലേലും നല്ല കളിക്കരനെന്തിനാ കളിക്കളം !

പ്രബുദ്ധ  മലയാളികളുടെ, എടുത്താൽ പൊങ്ങാത്തത്ര നീളത്തിലും വണ്ണത്തിലുമുള്ള തനി നാടൻ തെറി വിളികൾ ഓർത്താണ് നേരവും കാലവും നോക്കാതെ കലക്ടർ ബ്രോയെ വിളിച്ചു വരുത്തി കരണ്ടിന്റെ ഉറവിടങ്ങളെ ഗണിച്ചത്. ബീഹാറൂം ത്രിപുരയും കായംകുളവും ചിന്നാറും മഷിയിൽ തെളിഞ്ഞപ്പോൾ വിരേചനത്തിന്റെ അനുഭൂതികളായിരുന്നു.സഖേ



ശമ്പളം തലച്ചുമടായി കൊണ്ടു പോകുന്ന മൊതലുകളെ തുറ കയറ്റി, കരണ്ടുഭവൻ കെടിഡിസിക്കു കൊടുത്താൽ നാട്ടുകാരുടെ ദുരിതം കുറെ മാറിക്കിട്ടും
പഴയ ചെയർമാന് കരണ്ടു കമ്മി.പുതിയ ആൾക്കു മിച്ചം.എന്താ കഥാ ! ഇനി കടം വാങ്ങാതെ നാളെ  മൊതല് നാടെങ്ങും പൊഴപോൽ ഒഴുകുമോ വൈദ്യുതി.തമ്പുരാനറിയാം!



എഴുതാത്ത കരാറിനും പറയാത്ത കഥക്കും ജുഡീഷ്യൽ അന്വേഷണവും പകർപ്പാവകാശവും വേണമെന്നാണ് ഇപ്പോൾ അജയനും വിജയനും പറേണത്.രണ്ടാൾക്കും കുറിപ്പടി എഴുതിയത് ഒരേ കശ്മലനാണെന്നു കാണുന്നു. കഴിഞ്ഞ സർക്കാരിൽ മന്ത്രിസഭയറിയാതെ കേന്ദ്ര കരാറിൽ ഒപ്പിട്ട മൂപ്പിലാനാണ്.  അല്പം മാറ്റി പിടിക്കൂ കൂട്ടുകാരാ...



സഭയിൽ പാണ്ടി ലോറി കയറിയ അവസ്ഥയിലാണല്ലോ !  പൊളിഞ്ഞ് തകർന്ന പെര ആരു പണിയും എന്നു പണിയും ?പേടിയും അനാഥത്വവും തലയ്ക്കു പിടിക്കുന്നു.കൊടുതിയാണ് പരിഹാരമെന്ന് മൂപ്പൻമാർ.അതിനു ആളെ തപ്പുകയാണവർ.



അടൂരിന്റെ രണ്ടാം പാദ  അരങ്ങേറ്റം ഉഷാറായി. മന്ത്രവാദം പഠിച്ചതിന്റെ പവർ  അറിയാൻ തുള്ളിക്കേണ്ടതു അമ്മയെ തന്നെയാണല്ലോ !. മന്ത്രിയും അധ്യക്ഷനും ആയിത്തീരാൻ  കൊതിക്കുന്ന
ഭൈമീകാമുകർ
  വരുന്ന ലോക്സഭാ തെരഞ്ഞെടുപ്പിൽ  തോറ്റും  അടുത്ത നിയമസഭാ ഇലക്ഷനിൽ ജയിച്ചും കയറാം. ജനം  തള്ളിയാൽ  പാർട്ടി അധ്യക്ഷനും പിന്നെ മന്ത്രിയും മുഖ്യനുമാകാം. ഡാൻസർ തമ്പിയുടെ വിചാര തരംഗിണിയിൽ.

63  കോൺഗ്രസ് സമാജികരിൽ അറുപതും കേസിക്കാർ.  പിന്നെ നേതാവും അണിയുമായി  രണ്ടു  ഏകാംഗ ഗ്രൂപ്പുകൾ ;ചെന്നിത്തല സതീശൻ. ഒടുവിൽ എവിടെ പായണമെന്ന് അറിയാതെ കുഴങ്ങുന്ന സ്പീക്കറും.. അപ്പോൾ ഒറ്റയാൾക്ക് ഘോഷം മുഴക്കി  സ്വയം ഖേദമില്ലാതെ സഭക്കു പുറത്തു പോകാം.അകത്തു വരാം  ഇത്തരത്തിൽ എന്തു ചെയ്താലും സതീശനു ചിതം തന്നെ !


ഇനി യുഡിഎഫ് ജയിച്ചാൽ  
ഡാൻസർ തമ്പിമാർക്ക് മന്ത്രിയും മുഖ്യമന്തറിയുമാകാം.
തോറ്റാൽ തമ്പിമാർ.....?
സ്വാഹാ....

അടിക്കുറിപ്പ്:
ഈ  സന്ദർഭത്തിൽ ചോദിക്കാമോ എന്നറിയില്ല. എങ്കിലും രാഷ്ട്രീയക്കാരേ... നമുക്ക് യഥാർത്ഥത്തിൽ പവർ കട്ടില്ലാതെ പോവാൻ പറ്റ്വോ....?


കരണ്ടു തിന്നുന്ന ജീവികൾ

ഇന്ത്യൻ രാഷ്ട്രീയത്തിലെ ഏറ്റവും നിഗൂഢവും ശക്തവുമായ വ്യക്തിത്വങ്ങളിലൊന്നായ സോണിയാ ഗാന്ധി തന്റെ മൗനം വെടിയുമ്പോൾ, അത് കേവലമൊരു രാഷ്ട്രീയ പ്രസ്താവനയല്ല, മറിച്ച് ഒരു കാലഘട്ടത്തിന്റെ അകംപുറങ്ങൾ തുറന്നുകാട്ടുന്ന ചരിത്രരേഖയായി മാറുന്നു. ഇന്നലെ പുറത്തിറങ്ങിയ ‘ബിലോങ്ങിങ്: എ ജേണി ഓഫ് ലവ്’ (Belonging: A Journey of Love) എന്ന ഓർമ്മക്കുറിപ്പ്, ഇറ്റലിയിലെ ഒരു ചെറിയ പട്ടണത്തിൽ നിന്ന് ഇന്ത്യയുടെ അതിശക്തമായ അധികാര കുടുംബത്തിലേക്ക് എത്തിയ ഒരു പെൺകുട്ടിയുടെ ആത്മകഥാംശമുള്ള യാത്രയാണ്.

അധികാരത്തിന്റെ അകത്തളങ്ങളിൽ നിന്ന് ഒരു പ്രണയത്തിന്റെയും അതിജീവനത്തിന്റെയും ഓർമ്മക്കുറിപ്പ് എന്ന് ഈ പുസ്തകത്തെ വിശേഷിപ്പിക്കാം.







"ഇതൊരു രാഷ്ട്രീയ പുസ്തകമല്ല" എന്ന് സോണിയാ ഗാന്ധി ആവർത്തിക്കുമ്പോഴും, ഇന്ത്യ കണ്ട ഏറ്റവും വലിയ രാഷ്ട്രീയ കുടുംബത്തിലെ അകത്തളങ്ങളിൽ നടന്ന സംഭവവികാസങ്ങളാണ് പുസ്തകത്തിന്റെ ജീവൻ. തന്റെ 21-ാം വയസ്സിൽ ഇന്ത്യയിലെത്തിയത്,  ഇന്ദിരാഗാന്ധിയുടെയും രാജീവ് ഗാന്ധിയുടെയും ദാരുണമായ വേർപാടുകൾ, തുടർന്ന് മനസ്സില്ലാമനസ്സോടെ ഏറ്റെടുക്കേണ്ടി വന്ന പൊതുജീവിതം എന്നിവയെല്ലാം വൈകാരികമായ സത്യസന്ധതയോടെ അവർ ഇതിൽ വരച്ചുകാട്ടുന്നു.  

​കുടുംബബന്ധങ്ങളിലെ അസ്വാരസ്യങ്ങൾ സോണിയ മറയില്ലാതെവെളിപ്പെടുത്തുന്നുണ്ട്. ഗാന്ധി കുടുംബത്തിലെ അധികാരത്തർക്കങ്ങളും വ്യക്തിബന്ധങ്ങളിലെ വിള്ളലുകളും സ്വാഭാവികമായും പുസ്തകത്തിൽ പരാമർശ വിഷയമാകുന്നു.



ഇന്ദിരാഗാന്ധിയുടെ അപ്രതീക്ഷിതമായ ദേഷ്യപ്രകടനങ്ങളെക്കുറിച്ചും, അടിയന്തരാവസ്ഥ ഒരു തെറ്റായിരുന്നുവെന്ന വിലയിരുത്തലിനെക്കുറിച്ചും പുസ്തകത്തിൽ പരാമർശമുണ്ട്.

​ 2004-ൽ തന്നിലേക്കെത്തിയ പ്രധാനമന്ത്രിപദം നിരസിച്ചതിന് പിന്നിലെ യഥാർത്ഥ കാരണം മക്കളായ രാഹുലിന്റെയും പ്രിയങ്കയുടെയും സുരക്ഷ സംബന്ധിച്ച ഭയമായിരുന്നുവെന്ന് അവർ വ്യക്തമാക്കുന്നു. അമ്മൂമ്മയുടെയും അച്ഛന്റെയും കൊലപാതകങ്ങൾ നേരിൽ കണ്ട മക്കളും, ആ പദവിയെ ഭയത്തോടെയാണ് കണ്ടിരുന്നതെന്ന് സോണിയ പറയുന്നു.





​പ്രധാനമന്ത്രി നരേന്ദ്ര മോദിയുമായുള്ള തന്റെ ബന്ധത്തെക്കുറിച്ച് സോണിയ എഴുതുന്നത് ഏറെ ശ്രദ്ധേയമാണ്. പൊതുവേദികളിൽ കാണുമ്പോൾ ഔപചാരികമായി നമസ്തേ പറയാറുണ്ടെങ്കിലും, കണ്ണിൽ നോക്കി സംസാരിക്കാത്ത വ്യക്തിയാണ് അദ്ദേഹം. യാതൊരുവിധ വ്യക്തിബന്ധവും തങ്ങൾക്കിടയിലില്ലെന്നും അവർ കുറിക്കുന്നു. വ്യത്യസ്ത രാഷ്ട്രീയ ചേരികളിലുള്ള നേതാക്കൾ മുൻകാലങ്ങളിൽ പുലർത്തിയിരുന്ന സൗഹൃദത്തിൽ നിന്നുള്ള മാറ്റമായും അവർ ഇതിനെ  നിരീക്ഷിക്കുന്നു.




​
എതിരാളികളെ വിമർശിക്കാനുള്ള ഒരു രാഷ്ട്രീയ ആയുധമായി സോണിയ തന്റെ  പുസ്തത്തെ ഉപയോഗിക്കുന്നില്ല എന്നത് എടുത്തു പറയേണ്ടതാണ്. 

പ്രിയപ്പെട്ടവരുടെ വിയോഗവും ചരിത്രപരമായ ഉത്തരവാദിത്തങ്ങളും വേട്ടയാടിയ ഒരു സ്ത്രീയുടെ ആത്മഭാഷണമായാണ് ‘ബിലോങ്ങിങ്’ വായിക്കപ്പെടേണ്ടത് എന്ന് അവർ തീരുമാനിച്ചതായി തോന്നും പുസ്തകത്തിലൂടെ കടന്നുപോവുമ്പോൾ.

അടിയന്തരാവസ്ഥയും അയോധ്യാ വിഷയവും പോലുള്ള ചരിത്രത്തിലെ കറുത്ത അധ്യായങ്ങളെ കോൺഗ്രസ്സ് എങ്ങനെ നേരിട്ടു എന്നതിനെക്കുറിച്ച് വിമർശനാത്മകമായ ചോദ്യങ്ങൾ അവശേഷിപ്പിക്കുന്നുണ്ടെങ്കിലും, ആധുനിക ഇന്ത്യൻ രാഷ്ട്രീയ ചരിത്രത്തെയും നെഹ്റു-ഗാന്ധി കുടുംബത്തെയും അടുത്തറിയാൻ ആഗ്രഹിക്കുന്ന ഏതൊരാൾക്കും  ഒഴിച്ചുകൂടാനാവാത്ത ഒരു പുസ്തകമാണിത്.  

അവനിലലിഞ്ഞ്- ഒരു പ്രണയ സഞ്ചാരം


ഇഎം ശങ്കരൻ നമ്പൂതിരിപ്പാടിന്റെ ചരമോപചാരച്ചടങ്ങിൽ തിരുവനന്തപുരത്ത് പങ്കെടുത്തത് ബിജെപിയിലെ അന്നത്തെ രണ്ടാമനായ എൽ കെ അദ്വാനിയായിരുന്നു.





ഇന്ന് ഒരു നൂറ്റാണ്ടിന്റെ ചരിത്ര സാക്ഷിയാണ് ലാൽ കൃഷ്ണ  അദ്വാനി.പത്ര പ്രവർത്തകൻ, വക്കീൽ, തൊഴിലാളി സംഘടനാ പ്രവർത്തകൻ, രാഷ്ട്രീയ നേതാവ് എന്നീ നിലകളിൽ ജീവിതം.
1 9 4 7 ലെ വിഭജനത്തിന്റെ നേർ സാക്ഷിയും, ഇരയും. കറാച്ചിയിൽ നിന്നും ദില്ലിയിൽ നിർബ്ബന്ധിതമായ പുതുജീവിതം.
ആർഎസ്എസ് പ്രചാരകനും ജനസംഘം നേതാവുമായി. 1 9 6 7ൽ ദില്ലി മെട്രോപൊലിറ്റൻ കൗൺസിൽ ചെയർമാൻ. എമർജസിയിൽ രണ്ടു വർഷം തടവിലായിരുന്നു. ബിജെപിയുടെ സഹസ്ഥാപകനും അധ്യക്ഷനുമായി.
1999-2004 കാലത്ത് കേന്ദ്ര ആഭ്യന്തരമന്ത്രിയും ഉപപ്രധാനമന്ത്രിയും..വാർത്താ വിതരണ വകുപ്പും കൈകാര്യം ചെയ്തിട്ടുണ്ട്.



2004 ൽ മുഹമ്മദലി ജിന്നയുടെ ശവകുടീരം സന്ദർശിച്ച ശേഷം അദ്വാനി കുറിച്ചത് ഹിന്ദു മുസ്ലിം ഐക്യത്തിന്റെ വക്താവായിരുന്നു ജിന്ന എന്നായിരുന്നു.ആ കുറിപ്പ് പാർട്ടിയിൽ വിവാദമായി. അദ്ദേഹത്തിനു തന്റെ നിലപാടിൽ നിന്നും മാറേണ്ടിയും വന്നു.

ന്യൂട്ടന്റെ ചലന നിയമങ്ങൾ പോലെ സമൂഹത്തിന്റെ താത്പര്യങ്ങളാണ്  സംഘടനകളായി  പിറക്കുന്നത്.. പലപ്പോഴും അതൊരു പ്രതിപ്രവർത്തനത്തിന്റ ഫലമാകാം.സംഘവും ജനസംഘവും ബിജെപിയും സംഘപരിവാർ സംഘടനകളും എല്ലാം ആ ജനുസിലാണ് ഉയിർ കൊണ്ടത്.

ശൂരൻമാരെയും നിപുണന്മാരെയുമല്ല ഭാഗ്യവാൻമാരെ പെറ്റിടാനാണ് കുന്തി പാഞ്ചാലിയോട് ആവശ്യപ്പെടുന്നത്. നിപുണരെ പ്രസവിച്ച് കാട്ടിലലഞ്ഞ അനുഭവമാണ് കുന്തീദേവിക്ക്.വിജയകരമായി പടനയിച്ചു വന്നിട്ടും അദ്വാനി നായകനായില്ല. അഭിഷേകവും നടന്നില്ല വിധി വൈപരീത്യം!


അദ്വാനിക്ക് മുന്നിൽ രാജയോഗം കുതറി വീണു.

ഭാഗ്യമെന്നത് ഒരു മാജിക്കാണ്. .

താങ്ങിപ്പിടിച്ച് പരസഹായത്താൽ  വീട്ടിൽ വിശ്രമ ജീവിതത്തിനു പോയ നരസിംഹറാവു ചുറുചുറുക്കോടെ പ്രധാനമന്ത്രി പദവുമായാണ് ദില്ലിയിൽ തിരിച്ചു വന്നത്.. ഗജകേസരിയോഗം.!
 
തന്റെ തന്നെ ആത്മാംശം തുടിക്കുന്ന നോവലും  അദ്ദേഹം രചിച്ചു.
ഇൻസൈഡർ..



വിദേശ പൗരത്വം പറഞ്ഞ് സോണിയയുടെ അവസരം തെറിപ്പിച്ച പവാർ ഇന്നു ക്ഷീണിതനാണ്. അദ്ദേഹവും ലക്ഷ്യം കണ്ടില്ല.ഇനി മകളുടെ രാഷ്ട്രീയ ഭാവിമാത്രം ലക്ഷ്യമിടുന്നു.ബിജെപിയുടെ നാവ് പണ്ട് കടം കൊണ്ട പവാർ ഇന്നു തിരയുന്നതും ബിജെപിയെയാണ്...;
മകൾക്കു വേണ്ടി.

കടലാഴങ്ങളും ചുഴികളും താണ്ടിയ  ഒരു  സ്ഥൈര്യം  ധന്യമായ നൂറിലേക്കു കടക്കുമ്പോൾ  ഭാരതം മാറിമറിയുകയാണ്.

പുതിയപെരുമകളും സുകൃതങ്ങളും  ഘോഷിച്ചു കൊണ്ട്. .

തിരസ്കാരത്തിന്റെ പനിനീർപ്പൂവ്




മലയാളി പിള്ളേരുടെ വിക്രമവും കാപട്യവും പാറ്റകൾക്കു വഴിയെ തെളിയും എന്നു സമാധാനിക്കാം. വോട്ടു സമരത്തിന് കേരളത്തിൽ ഒരു  ശുംഭന്റെയും  പിന്തുണ വേണ്ടന്ന് കോൺഗ്രസ് പറഞ്ഞു കഴിഞ്ഞു. തഥാസ്തു എന്നാണ് ഇടതിന്റെയും മനസ്സിലിരിപ്പ്.

ദില്ലിയിൽ നടത്തിയ സമരം വച്ച് കേരളത്തെ അളക്കരുത് എന്നാണ് പാറ്റകൾക്കുള്ള  പൊതുവായ താക്കീത്. പാറ്റാ പാർട്ടിയിൽ  ഓൺലൈനായി അംഗത്വമെടുത്തവരെല്ലാം  അടിമച്ചങ്ങല പൊട്ടാൻ ഏകാദശി നോറ്റവരാകണം. അപ്പോൾ പാറ്റകൾ കരളുന്നതും ആരെയെന്ന് തീർച്ച.ഭയം വേണ്ട ജാഗ്രത മതി.






എൽ പി റാങ്കുകാരുടെ സമരം പാറ്റകൾ ദത്തെടുക്കുമെന്ന് കേൾക്കുന്നു.എങ്കിൽ വളർമതിക്ക് ആശ്വസിക്കാം. ഇൻസ്റ്റന്റ് പരിഹാരം തലമുടി കിളുർക്കും പോലെ ഉടനെ വരും. കേരളത്തിൽ അനാഥമായി കിടക്കുന്ന സമരങ്ങളെ ഏറ്റെടുക്കാൻ പാറ്റകൾക്കു കഴിയുമാറാകട്ടെ.അതിൽ ആദ്യത്തെ ഐറ്റം പി എസ് സി ഭരിപ്പുകാരുടെ തോന്ന്യാസങ്ങൾ തന്നെ ആകട്ടെ. അതൊടെ കാര്യങ്ങൾ തെളിയും.
ഇപ്പോൾ പൂച്ചെണ്ടു പിടിച്ച കരങ്ങളിൽ അപ്പോൾ കുറുവടി കാണാം.ബീഹാറിൽ ഓടിത്തള്ളാൻ കണ്ടങ്ങൾ ധാരാളമായിരുന്നു എന്നും ഓർക്കുക.





പാറ്റാ നേതാവിന്  ത്രികാല ജ്ഞാനമേറും. സംശയമില്ല.തനി രാവണൻ!. കെജ്രിവാളിന്റെ കളരിയിൽ പയറ്റിയ മൊതലാ..

2029  മുതൽ ഭാരതം പാറ്റകൾക്കു മാത്രം സ്വന്തം. അന്നു തൊട്ട് പാറ്റാ റിപ്പബ്ളിക് നിലവിൽ വരും. കൂടെ നിന്നാൽ ഇന്ത്യാ മുന്നണിയിലെ കലാകായിക താരങ്ങളെ വാല്യക്കാരും കുന്തക്കാരും മുതൽ പിടിക്കാരുമാക്കി ജീവനം ഉറപ്പിച്ച്  അവരിലെ തൊഴിലില്ലായ്മ  പാറ്റകൾ പരിഹരിക്കും.



മോദിയെ എതിർക്കാനും തോൽപ്പിക്കാനും  കാനഡയിൽ നിന്നും വായു മാർഗം വരേണ്ട ഗതികേടിലാണ് ശതാബ്ദി കഴിഞ്ഞ രാഷ്ട്രീയസ്വത്വങ്ങൾ..
എന്തൊരു ഗതി കേടാണ്.



ഇരിക്കേണ്ടവർ ഇരുന്നില്ലെങ്കിൽ  അവിടെ പാറ്റയും കൂറയും ഇരിക്കും.  അതാണിപ്പോൾ സംഭവിക്കുന്നത്. രാജ്യത്തെ എതിർ ശബ്ദം ഇപ്പോൾ വരുന്നത് നാടിനെ അറിയാത്ത വാണാലുകളിൽ നിന്നാണ്. അതൊരു രാഷ്ട്രീയ ദുരന്തമാണ്. അവരെ പൊക്കി നടക്കുന്ന പ്രതിപക്ഷത്തിനാണ് ഇന്ന് ജനങ്ങളുടെ ഹിതപരിശോധന വേണ്ടത്.

ദില്ലിയിൽ ഉമ്മ കൈമാറി ഒന്നാകുകയും കേരളത്തിലെത്തി വെളുപ്പിനു തന്നെ പരസ്പരം പുലഭ്യം പറഞ്ഞ് രണ്ടാണെന്ന് വരുത്തി തീർക്കുകയും ചെയ്യുന്ന  പണിയെ, എങ്ങനെയാണ് വിശേഷിപ്പിക്കേണ്ടത്.?
കേരള ബിജെപിയിൽ ഒരു ജനകീയ നേതാവിന്റെ അഭാവമാണ് ഇന്ന്  ഇരു മുന്നണികളുടെയും
അതിജീവനം ഉറപ്പാക്കുന്നത്.

കേരളത്തിൽ അണികളെ നിയോഗിച്ച്  രക്ഷാപ്രവർത്തനം കൊണ്ടു  തങ്ങളെ വീർപ്പു മുട്ടിച്ച വിജയനെയും ബംഗാളിൽ ഓടിച്ചിട്ടു വെട്ടിപ്പിരുത്ത മമതയെയും ഒക്കത്തിരുത്തി കോൺഗ്രസ്സ് ഏതു പാതാളത്തിലാണോ പോകുന്നത്?

തമ്പുരാനറിയാം!

പാറ്റയെ വിളിക്കൂ...
കേരളത്തെ രക്ഷിക്കൂ..





ഭാരതത്തിന്റെ പ്രധാന സേവകനും രാജ്യസുരക്ഷയിൽ  ഏർപ്പെട്ടിരിക്കുന്ന നമ്മുടെ വീര ജവാന്മാരും  തമ്മിലുള്ള ഈ സവിശേഷ ബന്ധം കേവലം യാദൃശ്ചികതയല്ല; മറിച്ച്, രാജ്യസുരക്ഷയ്ക്കായി കുടുംബവും സുഖസൗകര്യങ്ങളും മാറ്റിവെച്ച് അതിർത്തികളിൽ ഉറക്കമിളയ്ക്കുന്ന ജവാന്മാരുടെ ത്യാഗത്തിന് നൽകുന്ന ആദരവാണ്. മുൻകാല പ്രധാനമന്ത്രിമാർക്ക് ആർക്കും ഇല്ലാതിരുന്ന ശീലം. ജനങ്ങളുടെ സേവകൻ മാത്രമാണ് താനെന്ന ബോധ്യത്തിൽ നിന്നാണ് ഉടലെടുക്കുന്നതിൻ്റെ പരിണത ഫലം കൂടിയാണ് സൈനികരും ഒത്തുള്ള ദീപാവലി ദിനം പങ്കിടൽ.  തിന്മയുടെയും അജ്ഞതയുടെയും അഹങ്കാരത്തിന്റെയും അന്ധകാരത്തിനെതിരെ പൊരുതാനുള്ള പ്രതിജ്ഞാബദ്ധത വിളിച്ചോതുന്ന ദീപാവലി രാവുകളിൽ ഭാരതത്തിലെ കോടിക്കണക്കിന് ജനങ്ങളും അതിർത്തി കാക്കുന്ന സൈനികരുമാണ് തന്റെ കുടുംബമെന്ന് പ്രവൃത്തിയിലൂടെ കാട്ടിക്കൊടുക്കുകയാണ് നരേന്ദ്ര മോദി. 




പ്രതിപക്ഷ നിരയുടെ അലോസരപ്പെടുത്തുന്ന രാഷ്ട്രീയത്തിനപ്പുറം, രാജ്യത്തിന്റെ പ്രതിരോധ സൈനിക ശേഷി സ്വയംപര്യാപ്തതയിലേക്ക് കുതിക്കുന്ന സുപ്രധാന ഘട്ടത്തിലൂടെയാണ് നാം കടന്നുപോകുന്നത്.  പുൽവാമ ആക്രമണത്തിന് ചുട്ടമറുപടി നൽകിയ നമ്മുടെ പുത്തൻ ആയുധങ്ങളും തദ്ദേശീയമായി വികസിപ്പിച്ച പ്രതിരോധ മാർഗ്ഗങ്ങളും ഇന്ന് ആഗോളതലത്തിൽ ശ്രദ്ധിക്കപ്പെടുന്നുണ്ട്. കോവിഡ് മഹാമാരിയുടെ ഘട്ടത്തിലും പ്രകൃതിദുരന്ത വേളകളിലും പതറാതെ മുന്നിൽ നിന്ന് നയിച്ച മോദിയുടെ നേതൃപാടവം വലിയ വിമർശനങ്ങളെ നേരിട്ടിട്ടുണ്ടെങ്കിലും, ഒടുവിൽ അദ്ദേഹം  ലക്ഷ്യത്തിൽ ഉറച്ചുനിൽക്കുന്നതാണ് നാം കണ്ടത്. അമേരിക്കൻ സമ്മർദ്ദങ്ങളെയും രാജ്യത്തിനകത്തെയും പുറത്തെയും ദേശവിരുദ്ധ ശക്തികളെയും അതിജീവിച്ച് ഇന്ത്യയെ ലോകത്തിന്റെ മൂന്നാം സാമ്പത്തിക ശക്തിയാക്കാനുള്ള കഠിന പരിശ്രമത്തിലാണ് ഈ ഭരണാധികാരി. 2011നും 2023 നും ഇടയിൽ  ഇന്ത്യയിലെ ദാരിദ്ര്യം 27.1 ൽ നിന്ന് 2.6% ആയി കുറഞ്ഞു എന്നും ലോകത്തെ ഏറ്റവും വേഗത്തിലുള്ള ദാരിദ്ര്യമുക്തിയാണ് ഇതെന്നും ചൂണ്ടിക്കാട്ടിയുള്ള ഏറ്റവും ഒടുവിലത്തെ ലോക ബാങ്ക് റിപ്പോർട്ട് സൗകര്യപൂർവ്വം പലരും കണ്ടില്ലെന്ന് നടിക്കുന്നു . 

ഇതിനിടയിലും മാധ്യമങ്ങളെ ആശ്രയിക്കുന്നതിന് പകരം 'മൻ കീ ബാത്' പോലുള്ള റേഡിയോ പരിപാടികളിലൂടെ നേരിട്ട് ജനങ്ങളോട് സംവദിക്കാനും അദ്ദേഹം സമയം കണ്ടെത്തുന്നു. അതുപോലെയൊന്നാണ് ദീപാവലി ദിനത്തിലെ സൈനികരോടൊത്തുള്ള ആഘോഷവും. 




ഗതകാല പ്രൗഢിയുടെ സ്മാരകങ്ങളിൽ ഉച്ചകോടികൾ സംഘടിപ്പിക്കാനും അതിർത്തി പ്രദേശങ്ങളിൽ നേരിട്ടെത്തി സുരക്ഷാ ക്രമീകരണങ്ങൾ വിലയിരുത്താനും കാണിച്ച ഈ ഇച്ഛാശക്തി മുൻകാല പ്രധാനമന്ത്രിമാരിൽ നിന്ന് അദ്ദേഹത്തെ വേറിട്ട് നിർത്തുന്നു.  പടികൾ തൊട്ടുവണങ്ങി പാർലമെന്റിന്റെ ഉള്ളിൽ പ്രവേശിച്ച നരേന്ദ്ര മോദിയുടെ  , ഭരണഘടനയോടും ജാതിമത ഭേദമില്ലാത്ത ഭാരതീയ സംസ്കാരത്തോടുമുള്ള  ആദരവിന്റെ പ്രതീകമാണ് ദീപാവലി ദിനത്തിൽ സൈനികരും ഒത്തുള്ള ആഘോഷം. രാജ്യത്തിനകത്തും അതിർത്തിയിലും വിദേശപര്യടന വേളകളിലും എവിടെ ആയാലും അവിടുള്ള  ഇന്ത്യൻ സമൂഹത്തെ നേരിൽ കണ്ട് അവരുടെ അഭിമാനം വാനോളം ഉയർത്താനും മോദി ശ്രദ്ധാലുവാണ്. വിശ്രമമില്ലാത്ത കർമ്മനിരതനായ ഒരു രാഷ്ട്രീയ നേതാവിനെയാണ് നാം ഇവിടെ കാണുന്നത്. അദ്ദേഹത്തിന്റെ ശൈലികളോട് വിയോജിപ്പുകൾ ഉള്ളവർക്ക് പോലും, രാഷ്ട്രത്തോടുള്ള ഈ അർപ്പണബോധത്തെ നിരാകരിക്കാനാവില്ല.









നരേന്ദ്ര മോദി  ഒരു അമാനുഷികനല്ലെന്നും മനുഷ്യ സഹജമായ തെറ്റുകളും കുറവുകളും അദ്ദേഹത്തിനുമുണ്ടാകാമെന്നും തിരിച്ചറിയുമ്പോഴും, രാജ്യത്തോടുള്ള അദ്ദേഹത്തിന്റെ പ്രതിബദ്ധത ചോദ്യം ചെയ്യപ്പെടാനാവാത്തതാണ്. മറ്റ് ഇന്ത്യൻ പ്രധാനമന്ത്രിമാർ ആരും മോശക്കാരായിരുന്നില്ലെന്നും അവരവരുടേതായ സംഭാവനകൾ രാജ്യത്തിന് നൽകിയവരാണെന്നുമുള്ള വസ്തുത നിലനിൽക്കെത്തന്നെ, ജനങ്ങളുമായും സൈന്യവുമായും വൈകാരികമായ ഒരു ഇഴയടുപ്പം സൃഷ്ടിക്കുന്നതിൽ നരേന്ദ്ര മോദി ഏറെ മുന്നിലാണെന്നത് പരമാർത്ഥമാണ്. 



മോദിയുടെ ദീപാവലികൾ

"പൊതുയോഗങ്ങളിൽ  വലിയ വായിൽ പറയാം ഞങ്ങളാണ് ദുബായ് ഉണ്ടാക്കിയതെന്ന്.നമ്മളില്ലെങ്കിൽ ദുബായ് ഉണ്ടാവില്ലെന്ന്.  അതൊരു അളിഞ്ഞ വാചകമടിയായി മാത്രം കൂട്ടിയാൽ മതി..."

"കഴിഞ്ഞ മൂന്നു പതിറ്റാണ്ടുകളായി ലോകം മുഴുവൻ സഞ്ചരിക്കുന്ന ഒരാളാണ് ഞാൻ.രണ്ടു മാസത്തിൽ ഒരിക്കലെങ്കിലും പ്രവാസി സമൂഹങ്ങളുടെ കൂട്ടായ്മകളിലും നിരന്തരം പങ്കു കൊള്ളുന്നു..
അവരുടെ അനുഭവങ്ങൾ എനിക്ക് നേരിട്ടറിയാം വീടുകളിൽ വിളിച്ചു പറയാത്ത പലതും... "

പ്രവാസത്തിന്റെ പരുഷമായ മറുപുറമാണ് ലോകം കണ്ട സഞ്ചാരിയായ സന്തോഷ് ജോർജ്കുളങ്ങര 
മഥിക്കുന്ന മലയാളത്തിൽ നമ്മോട് പറയുന്നത്.

 


.മക്കളുടെ വിദേശ വാസം ആഘോഷിക്കാനും  ഊറ്റം കൊള്ളാനുമാണ് നമുക്കിഷ്ടം.ഒരു വിവാഹത്തിനു പോയാൽ മക്കളുടെ പ്ര വാസമാകും അന്തസ്സിന്റെ പ്രഘോഷണമായി എവിടെയും മുഴങ്ങുക.

സഹകരണ ബാങ്കുകളിലും ദേശസാൽകൃത ബാങ്കുകളിലും ഹുണ്ടികക്കാരന്റ പെട്ടകങ്ങളിലും  പുരകളുടെ ആധാരങ്ങളാണ് നിറയെ.രജിസ്ട്രാർ ആപ്പീസിലെ കുടികിട രേഖകളിൽ എൻട്രികളും തിടം വയ്ക്കുന്നു. 



ഇന്നത്തെ കങ്കാണിമാർക്ക് പകിട്ടും പത്രാസും ഏറും. മാധ്യമക്കാരുടെ ഉറ്റ തോഴരാണവർ. മനം മയക്കുന്ന ജാക്കറ്റു  പരസ്യങ്ങൾ അവരുടെ തമ്പിടിയാണ്.രാഷ്ട്രീയക്കാരും ഈ കൊള്ളയ്ക്കു കൂട്ടാണ്.ഒറ്റ കൺസൈൻമെന്റിൽ അടിയുന്നത് കോടികളാണ്. എല്ലാവരും ഹാപ്പി.ഹാപ്പിയോട് ഹാപ്പി...



മകനു രക്ഷയാകേണ്ട ഫ്ലൈറ്റ് വെയ്റ്റ് ചെയ്യുന്നു. പണവും പ്രതാപവും സമ്പന്നതയുമാണ് പറന്നുയരുത്. ചാടു വചനങ്ങൾ ...അതോടെ  കിടപ്പാടത്തിന്റ ആധാരവും പൊന്നും താലിയും അരഞ്ഞാണവും ചലിച്ചു തുടങ്ങും.
ഒരു ചെറുക്കന്റെ കഥ അതോടെ കഴിഞ്ഞു. ഒപ്പം ഒരു കുടുബത്തിന്റെയും. . പ്രവാസത്തിന്റെ ഒരറ്റത്ത് എന്നും ദുരന്തമായിരുന്നല്ലോ!


അറുപത് ലക്ഷത്തിന്റെ ലോണും അന്യാധീനമാകുന്ന ആധാരവും ഒരുക്കത്തിന്റെ ലക്ഷങ്ങളും ജലരേഖയാകുമ്പോൾ പഠന- തൊഴിൽ പ്രവാസത്തിന്റെ  വിടനഖങ്ങൾ തെളിയും. അപ്പോഴും വഞ്ചിക്കപ്പെടുന്ന പുതിയ ബാച്ച് വിമാനം കയറാൻ തയ്യാറായി നില്പുണ്ടാകും

ഇനി വിൽക്കാനുള്ളത്
സ്വപ്നങ്ങൾ മാത്രം !!
ബോൺ വോയേജ് !!!

നമുക്കു ബംഗാളി... അവർക്ക് മലയാളി


വിദ്യ കൊണ്ടുള്ള അഭ്യാസങ്ങൾ  
ഇവിടെ ലോക റിക്കാർഡുകൾ ഭേദിച്ചപ്പോൾ വിവേകവും വിശേഷ ബുദ്ധിയും ഹുദാ ഹവ.പാപ്പനെ കൊല്ലാൻ ക്വട്ടേഷൻ കൊടുക്കുന്ന കൊച്ചു മകൾ. പതിനാറിന്റെ ഇളക്കങ്ങളിൽ കാമവും പകയും അരും കൊലകളായി മാറുമ്പോൾ ആയവയുടെ ബാധ്യത കൂടി  കേരളത്തെ കെളച്ചവർ ഏറ്റെടുക്കണം..





ഗുരുധാഥയുടെ പ്രതീകാത്മകമായ ശവസംസ്കാരം നടത്തിയവർ പിതൃ ശൂന്യതയുടെ അസംബന്ധ നാടകവേദിയുടെ സംഭാവനകളായി മാത്രം മാറുകയാണ്.
കാമ്പസുകളിലെ വിദ്യാർത്ഥി രാഷ്ട്രീയം അശ്ലീലവും അരോചകവുമാക്കി കൈകാര്യം ചെയ്യുന്നത് ഇപ്പോൾ സാമൂഹിക വിരുദ്ധരാണ്. അമ്പതോടടുക്കുന്ന കാളക്കൂറ്റൻമാർ മടിയിൽ ആയുധം തിരുകി യൂണിഫോം ധരിച്ച് അക്കാദമിക് ഓട്ടോണമിയെ കുറിച്ചും കാമ്പസിലെ സർഗാത്മകതയെ പറ്റിയും പുലമ്പുന്നു.
ഇതാണ് ഇന്നത്തെ കരാള കേരളത്തിന്റെ നേർപ്പതിപ്പ്.



വീട്ടിൽ തന്തമാരുടെയും തള്ളമാരുടെയും ഉത്തരവാദിത്തം, പിടിച്ചു പറിച്ചിട്ടാണെങ്കിലും പിള്ളേർ ആവശ്യപ്പെടുന്ന തുട്ട് കൊടുക്കുക എന്നതു മാത്രമാണ്. മുന്തിയയിനം മൊബൈൽ മസ്റ്റ്. സ്കൂളുകളിലും കോളേജിലും ഇപ്പോൾ പാഠപുസ്തകങ്ങൾ ചുമന്ന് പോകേണ്ടതില്ല. പേനയും നോട്ടുബുക്കും അനാവശ്യ വസ്തുക്കളാണ്. പഠിപ്പീരും ചാറ്റുമെല്ലാം അധ്യാപകരും മൊബൈലിലൂടെത്തന്നെ.



പണ്ടൊരു നേതാവു പറഞ്ഞതുപോലെ പിറവിയിലേ പിഴവു പറ്റി പോവുകയാണ് നമ്മുടെ കുട്ടികൾ. മക്കളുടെ തെറ്റുകൾ ന്യായീകരിച്ചും അവരെ വെള്ളപൂശിയും വാർത്തകളിലിടം നേടുന്ന രാഷ്ട്രീയ - ജുഡീഷ്യറി തന്തമാരാണ് നമ്മുടെ മഹത്തായ മാതൃക. തന്തയ്ക്കു വിളിക്കുന്ന ദേശീയ നേതാക്കളെയും മാതൃകയാക്കാം. 

കൊന്നാൽ പാപം തിന്നാൽ തീരും. പിറവികൾക്കുള്ള പിഴവ് തന്തമാർ മാനേജ് ചെയ്യും..

മക്കളേ.... യൂ ആർ ഫ്രീ....

എല്ലാം തന്തമാർ  നോക്കിക്കൊള്ളും..



തന്തമാരുടെ കേരളം, സുന്ദര കേരളം..




ദിവസങ്ങൾക്കു മുമ്പ് തന്നെ നമ്മുടെ മാധ്യമ ചെങ്കീരികൾ ഒപ്പാരു തുടങ്ങിയിരുന്നു.ചുട്ടി തോർത്തും വിരിച്ച് ഇന്റർ നാഷണൽ ഡസ്കിൽ നിന്നും  ശത്രുഘ്നൻ പിള്ള ഒറ്റ വെടിയും ഇരട്ട വെടിയും വെച്ചു കളിയും തുടങ്ങി. ഗഡാഗടിയൻ മുക്കവലപ്രസംഗം  മ്യൂസിക്കിന്റെ അകമ്പടിയോടെ, പടലപടലയായി...

അമേരിക്കൻ പൗരന്മാർക്കില്ലാത്ത  തെളപ്പാണിവിടെ കണ്ടത്.ആഗോള ഭൂഗോള മഹാഗോള ഇംപാക്ടുകൾ  ഉരുണ്ടു വീണു. പലരും പലതും ഊന്നി ഊന്നി വിളമ്പുന്നതും കണ്ടു.കേട്ടു.എല്ലാം തെകഞ്ഞ് പുര  നിറഞ്ഞു നിൽക്കയല്ലിയോ ഇവിടുത്തെ ആഗോളമലയാളിയും  മാധ്യമങ്ങളും അവരുടെ ആവിഷ്കാരങ്ങളും..  





വാർത്ത അറിയണം.അറിയിക്കുകയും വേണം.നെഞ്ചത്തടിയും നെലവിളിയും ഒപ്പാരും  മാറ്റിവച്ച് ഒന്നു വിമ്മിയാൽ മതിയായിരുന്നു.

യുഎസ് ഭരണം ഇനി ലോകമെങ്ങും തേനും പാലും ഒഴുക്കും എന്ന മട്ടിലാണ്  വാർത്തകളുടെ  പോക്ക്. 

യാങ്കികൾക്ക് വ്യക്തമായ ഒരു കാഴ്ചപ്പാടുണ്ട്. അത് സ്ഥിതമായ അവരുടെ ദേശീയ കാഴ്ചപ്പാടാണ്..ആളു മാറിയാൽ. പ്രതിനിധി സഭയിൽ ഭൂരിപക്ഷം കുറഞ്ഞാൽ അതു കാരണമായി ഭരണകൂടത്തിനു മൗലികമായ ഒരു മാറ്റവും വരുമാനുമില്ല. അമേരിക്കൻ താത്പര്യം നിലനിർത്താനും ഉയർത്താനും തന്നെയാവും അവരുടെ എല്ലാ തുടരാൻ പരിശ്രമങ്ങളും.





ദില്ലിയിലെ ഇറാൻ എംബസി പുറത്തു വിട്ട ഒരു ട്രോളിൽ ട്രമ്പിനെ നാലുപേർ തൂക്കിയെടുത്ത് ഒരു പെട്ടിയിൽ നിക്ഷേപിക്കുന്നതാണ് ചിത്രീകരിക്കുന്നത്. ഇതു കണ്ടാൽ തോന്നും ഇറാനെ കാപ്പാത്താനാണ് ജനങ്ങൾ വോട്ടു ചെയ്തതെന്ന്. യുഎസ് രാഷ്ട്രീയത്തിന്റെ ഭാഗമാണ് ഈ വിധിയെഴുത്ത്. ആരെയും സംരക്ഷിക്കാനും ലോകഗതി മാറ്റി മറിക്കാനും ദേശസ്നേഹികൾ വോട്ടു ചെയ്യാറില്ല.  ചോറും കൂറും വിഭിന്നമാകുന്ന ഇന്ത്യയിലാണ് അപ്പടി നടക്കുക. .

സിസ്റ്റത്തിന് അനുഗുണമായ രീതിയിലാണ് അമേരിക്കൻ കമ്മ്യൂണിസ്റ്റു പാർട്ടികളുടെ പോലും പ്രവർത്തനമെന്നത് ഇവിടുത്തെ പരിഷകളും കാണട്ടെ..




മിഡിൽ ഈസ്റ്റിലെ ഷിയാ സുന്നി  ഹൂത്തി വിഷയങ്ങൾ,ഇറാൻ മേഖലയിൽ പിൻതുടരുന്ന നിലപാടുകൾ ഇവയൊക്കെയാണ് ഏകദൈവത്തെ ആരാധിച്ചു കൊണ്ടുതന്നെ ഭ്രാതൃഹത്യക്ക് കളമൊരുക്കുന്നത്. താത്പര്യങ്ങൾ എന്നും വിശ്വാസത്തെ അതിലംഘിക്കും. അതെ ഗ്രൗണ്ട് സീറോയിൽ നിന്നും തന്നെയാണ് വിധി  വന്നത്.
ഉല്പത്തി മുതൽ പോരാട്ടവും പ്രതിരോധവും മരണവും ജീവിതവും പീഢനവും പേറി തുടരുന്ന സിയോണിസ്റ്റു മൂവ്മെന്റ് ഒരു തെരഞ്ഞെടുപ്പിൽ  പാടേ ഒലിച്ചു പോകുമെന്നു കഥ എഴുതുന്നവരും പറയുന്നവരും കാനായിലെ കനൽ വഴിയിൽ മഞ്ഞളു പോലെ വെളുത്ത അഞ്ജനം അറിയുന്നവരാണ്. .



ട്രമ്പ് തോറ്റാൽ നമുക്കെന്ത് !





ഹെഡ്മാഷുടെ വരവറിയിച്ച് വടിയും കയ്യിലെടുത്ത് ഉറഞ്ഞു തുള്ളുന്ന ഡ്രിൽ മാഷിൻ്റെ വേഷമണിഞ്ഞ ഖാർഗയുടെ വക ഒരു ചിന്ന വിരട്ട്. കിരീടത്തിലെ തിലകന്റെ നിസ്സഹായ അപേക്ഷയുമാകാം. പിന്നാലെ സത്യാനന്തര  തള്ളുകളുടെ പെരിയ വെടിക്കെട്ട് ഘോഷയാത്ര.

പതിനായിരം  പേരെ പത്തുലക്ഷം പേരാക്കി മാറ്റി രാജ്യത്തെ രക്ഷിക്കാനും മോദിയെ മറിച്ചിടാനും ജനാധിപത്യം സംരക്ഷിക്കാനും കച്ചകെട്ടിയുള്ള സത്യാന്വേഷണ കൺകെട്ട് വിദ്യക്ക് സാക്ഷ്യം വഹിക്കാൻ അണിഞ്ഞൊരുങ്ങി നിന്ന രാംലീല മൈതാനി ഖാർഗെ യുടെ വെടിയുണ്ട വാക്കുകളിൽ വിറങ്ങലിച്ചു.  രാഹുൽ ലീല ആരംഭിക്കുന്നതിന്  മുമ്പ് തന്നെ പ്രജാപതിയുടെ വിരട്ടലും തള്ളലും കേട്ട് ചില കോൺഗ്രസ് കുഞ്ഞുങ്ങൾ കുളിര് കോരി.

‘ജനഗണമന’ സമയത്ത് ബഹളം വയ്ക്കുന്ന കുഞ്ഞുങ്ങളെ ബെല്ലടിച്ചാലും വിടില്ല എന്ന്  പറഞ്ഞ് പേടിപ്പിക്കുന്ന അധ്യാപകരുടേതു  പോലുള്ള  പൊടിക്കൈ ആണെന്ന് മനസ്സിലായ ചിലർ ഞങ്ങളിങ്ങനാ ഭായീ എന്ന ഭാവത്തിൽ  നാവാട്ടം സാകൂതം തുടർന്നു. പ്രജാപതിയുടെ തനിനിറം ഒളിപ്പിച്ചു വച്ച വിരട്ട് വാക്കുകൾ കേട്ട് നെഞ്ചാമുടി തകർന്ന മറ്റുചിലർ സ്ഥലം കാലിയാക്കി.






നേതാക്കളുടെ പ്രസംഗം കഴിഞ്ഞാലേ ജനത്തിന് എഴുന്നേറ്റ് പോകാൻ സാധിക്കൂ എന്നാണാവോ ഇവർ കരുതിയത്. അതിനുള്ള അവകാശമേ പാവം പൗരന്മാർക്കുള്ളോ. രാംലീല മൈതാനത്തിന്റെ നീളവും വീതിയും  പ്രക്ഷോഭത്തിൽ പങ്കെടുത്തു എന്ന് സംഘാടകർ അവകാശപ്പെടുന്ന ആൾക്കാരുടെ എണ്ണവും തമ്മിലെ  ആനയും അങ്ങാടിയും പോലുള്ള പൊരുത്തക്കേട് പുറത്ത് പറയുന്നില്ലെങ്കിലും കോൺഗ്രസ് നേതൃത്വത്തിന്റെ വിശദീകരണ കണക്കുകൾ കേട്ട് ദേശീയ അന്തർദേശീയ മാധ്യമങ്ങൾ പോലും അന്ധാളിച്ചു.
.
കോൺഗ്രസ് അല്ലേ കള്ളം പറയൂ ക്യാമറ കണ്ണുകൾക്ക് കള്ളം പറയാൻ കഴിയില്ലല്ലോ. കള്ളരിപ്പൻ മീശയും നിബിഢ വനങ്ങൾ മാതിരി താടി രോമങ്ങൾ വളർന്നു കഴിഞ്ഞു എന്ന ഭാവത്തിലും താടി - മീശ രോമങ്ങൾ കിളിച്ചു തുടങ്ങുന്ന നാളുകളിൽ നടക്കുന്ന കൗമാരക്കാരെ മനസിലാക്കാം. അങ്ങനെയാകാമോ  മോക്ക് പ്രധാനമന്ത്രിയായി വാഴുന്ന രാഹുലും അദ്ദേഹത്തിലും മുകളിലിരിക്കുന്ന കോൺഗ്രസ് പ്രസിഡൻറും.

നവംബർ ഒന്നിന് രാംലീല മൈതാനി അക്ഷരാർത്ഥത്തിൽ പ്രതിപക്ഷ നേതാക്കളുടെ നുണ പറച്ചിൽ മത്സര വേദിയായി മാറുകയായിരുന്നു. മോദിയും അമിത് ഷായും ഭരണത്തിലേറിയത് ഗ്യാനേഷ് കുമാർ ഇലക്ഷൻ കമ്മീഷണർ ആയതിനുശേഷം ആണ് എന്നുമൊക്കെയുള്ള സത്യവിരുദ്ധമായ പ്രസ്താവനകൾ  ഒരു ഉളുപ്പുമില്ലാതെ ഒന്നൊന്നായി രാഹുൽ തട്ടിവിട്ടു. മഹാരാഷ്ട്ര, ബീഹാർ, ഉത്തർപ്രദേശ് തുടങ്ങിയ സംസ്ഥാനങ്ങളിൽ വോട്ട് ചോരിയിൽ കൂടിയാണ് ബിജെപി ഭരണത്തിൽ എത്തിയത് എന്ന് ഖാർഗെ. എസ് ഐ ആർ ന് മുമ്പ് നടന്ന ഈ സംസ്ഥാനങ്ങളിലെ തിരഞ്ഞെടുപ്പുകളിൽ വോട്ട് ചോരി നടന്നു എന്ന ഞങ്ങൾ പറഞ്ഞാൽ അത് നിങ്ങൾ വിശ്വസിച്ചു കൊള്ളണം എന്ന ഭാവം.  
.


അങ്ങനൊന്നും കുലുങ്ങുന്നവനല്ല മോദി എന്നറിയാവുന്നവരാണ് പ്രതിപക്ഷ നേതാക്കൾ. വാക് ശരങ്ങൾ കൊണ്ട് നിരന്തരമായി ഇത്തരക്കാർ കുഴിക്കുന്ന നുണക്കുഴികളിൽ മോദിയെ വീഴ്ത്താനുള്ള കൂട്ടായ്മയുടെ ഭാഗമായിരുന്നു രാംലീല മൈതാനിയിൽ നവംബർ ഒന്നിന് കണ്ടത്. ഇത്തരം പ്രവൃത്തികൾക്ക് രാജ്യത്തിനകത്തും പുറത്തും നിന്നുള്ള സഹായങ്ങൾ സ്വീകരിക്കുന്നു എന്ന ആരോപണം ശക്തിപ്പെടുന്നതിൻ്റെ പ്രധാന കാരണങ്ങളിൽ ഒന്ന് രാജ്യത്തിനുള്ളിൽ ഇപ്പോൾ രൂപപ്പെട്ടു വരുന്ന  പ്രക്ഷോഭങ്ങളാണ് എന്ന് വെളിപ്പെടുന്ന നുണകളാണ് ഉത്തരവാദിത്തപ്പെട്ട നേതാക്കളുടെ ഭാഗത്തുനിന്ന് ഉയർന്നുവരുന്നത്. ഉയർന്ന ഉത്തരവാദിത്വത്തോടും രാജ്യസ്നേഹത്തോടും ക്രിയാത്മകമായ നിർദ്ദേശങ്ങൾ ജനങ്ങൾക്ക് മുന്നിൽ നിരത്തി വേണം മോദിയെയും കൂട്ടരെയും നേരിടേണ്ടത്.  അല്ലാതെ നുണ കൊട്ടാരങ്ങൾ ഉയർത്തിയല്ല.



വിവാഹം കഴിയാത്തവനോട് ആദ്യരാത്രിയുടെ അനുഭവം ചോദിച്ചാൽ ബബ്ബബ്ബ എന്നല്ലേ പറയൂ . എന്നാൽ രാഹുൽ അങ്ങനല്ല. രണ്ടാം വിവാഹത്തിലെ  ആദ്യരാത്രിക്ക് ഒരുങ്ങുന്ന കാശ്മീർ മുഖ്യൻ ഒമർ അബ്ദുള്ളക്ക്;  സംഭവങ്ങളുടെ കിടപ്പുവശം മനസ്സിലാക്കിയ രാഹുൽ സ്പെഷ്യൽ കാഷ്വൽ ലീവ് അനുവദിച്ചു.  ആദ്യ രാത്രിയിലെ ലീലകൾക്ക് രാംലീല മൈതാനിലെ ലീലകളിലും രുചിയേറും എന്നറിയാവുന്ന കാശ്മീർ മുഖ്യൻ അങ്ങനെ രക്ഷപ്പെട്ടു. കഴിഞ്ഞ കാല പ്രക്ഷോഭങ്ങൾക്കിടയിൽ രാഹുൽ പിടിച്ചു വലിച്ച് കീറിയ ഖദർ കുപ്പായം  തുന്നി കിട്ടാത്തത് കൊണ്ടാണോ ആവോ കന്നട മുഖ്യൻ ഡി കെ ശിവകുമാരനെ മഷിയിട്ടു നോക്കിയിട്ടും കണ്ടില്ല.




Latest News