
വിദ്യ കൊണ്ടുള്ള അഭ്യാസങ്ങൾ  
ഇവിടെ ലോക റിക്കാർഡുകൾ ഭേദിച്ചപ്പോൾ വിവേകവും വിശേഷ ബുദ്ധിയും ഹുദാ ഹവ.പാപ്പനെ കൊല്ലാൻ ക്വട്ടേഷൻ കൊടുക്കുന്ന കൊച്ചു മകൾ. പതിനാറിന്റെ ഇളക്കങ്ങളിൽ കാമവും പകയും അരും കൊലകളായി മാറുമ്പോൾ ആയവയുടെ ബാധ്യത കൂടി  കേരളത്തെ കെളച്ചവർ ഏറ്റെടുക്കണം..





ഗുരുധാഥയുടെ പ്രതീകാത്മകമായ ശവസംസ്കാരം നടത്തിയവർ പിതൃ ശൂന്യതയുടെ അസംബന്ധ നാടകവേദിയുടെ സംഭാവനകളായി മാത്രം മാറുകയാണ്.
കാമ്പസുകളിലെ വിദ്യാർത്ഥി രാഷ്ട്രീയം അശ്ലീലവും അരോചകവുമാക്കി കൈകാര്യം ചെയ്യുന്നത് ഇപ്പോൾ സാമൂഹിക വിരുദ്ധരാണ്. അമ്പതോടടുക്കുന്ന കാളക്കൂറ്റൻമാർ മടിയിൽ ആയുധം തിരുകി യൂണിഫോം ധരിച്ച് അക്കാദമിക് ഓട്ടോണമിയെ കുറിച്ചും കാമ്പസിലെ സർഗാത്മകതയെ പറ്റിയും പുലമ്പുന്നു.
ഇതാണ് ഇന്നത്തെ കരാള കേരളത്തിന്റെ നേർപ്പതിപ്പ്.



വീട്ടിൽ തന്തമാരുടെയും തള്ളമാരുടെയും ഉത്തരവാദിത്തം, പിടിച്ചു പറിച്ചിട്ടാണെങ്കിലും പിള്ളേർ ആവശ്യപ്പെടുന്ന തുട്ട് കൊടുക്കുക എന്നതു മാത്രമാണ്. മുന്തിയയിനം മൊബൈൽ മസ്റ്റ്. സ്കൂളുകളിലും കോളേജിലും ഇപ്പോൾ പാഠപുസ്തകങ്ങൾ ചുമന്ന് പോകേണ്ടതില്ല. പേനയും നോട്ടുബുക്കും അനാവശ്യ വസ്തുക്കളാണ്. പഠിപ്പീരും ചാറ്റുമെല്ലാം അധ്യാപകരും മൊബൈലിലൂടെത്തന്നെ.



പണ്ടൊരു നേതാവു പറഞ്ഞതുപോലെ പിറവിയിലേ പിഴവു പറ്റി പോവുകയാണ് നമ്മുടെ കുട്ടികൾ. മക്കളുടെ തെറ്റുകൾ ന്യായീകരിച്ചും അവരെ വെള്ളപൂശിയും വാർത്തകളിലിടം നേടുന്ന രാഷ്ട്രീയ - ജുഡീഷ്യറി തന്തമാരാണ് നമ്മുടെ മഹത്തായ മാതൃക. തന്തയ്ക്കു വിളിക്കുന്ന ദേശീയ നേതാക്കളെയും മാതൃകയാക്കാം. 

കൊന്നാൽ പാപം തിന്നാൽ തീരും. പിറവികൾക്കുള്ള പിഴവ് തന്തമാർ മാനേജ് ചെയ്യും..

മക്കളേ.... യൂ ആർ ഫ്രീ....

എല്ലാം തന്തമാർ  നോക്കിക്കൊള്ളും..



തന്തമാരുടെ കേരളം, സുന്ദര കേരളം..




ദിവസങ്ങൾക്കു മുമ്പ് തന്നെ നമ്മുടെ മാധ്യമ ചെങ്കീരികൾ ഒപ്പാരു തുടങ്ങിയിരുന്നു.ചുട്ടി തോർത്തും വിരിച്ച് ഇന്റർ നാഷണൽ ഡസ്കിൽ നിന്നും  ശത്രുഘ്നൻ പിള്ള ഒറ്റ വെടിയും ഇരട്ട വെടിയും വെച്ചു കളിയും തുടങ്ങി. ഗഡാഗടിയൻ മുക്കവലപ്രസംഗം  മ്യൂസിക്കിന്റെ അകമ്പടിയോടെ, പടലപടലയായി...

അമേരിക്കൻ പൗരന്മാർക്കില്ലാത്ത  തെളപ്പാണിവിടെ കണ്ടത്.ആഗോള ഭൂഗോള മഹാഗോള ഇംപാക്ടുകൾ  ഉരുണ്ടു വീണു. പലരും പലതും ഊന്നി ഊന്നി വിളമ്പുന്നതും കണ്ടു.കേട്ടു.എല്ലാം തെകഞ്ഞ് പുര  നിറഞ്ഞു നിൽക്കയല്ലിയോ ഇവിടുത്തെ ആഗോളമലയാളിയും  മാധ്യമങ്ങളും അവരുടെ ആവിഷ്കാരങ്ങളും..  





വാർത്ത അറിയണം.അറിയിക്കുകയും വേണം.നെഞ്ചത്തടിയും നെലവിളിയും ഒപ്പാരും  മാറ്റിവച്ച് ഒന്നു വിമ്മിയാൽ മതിയായിരുന്നു.

യുഎസ് ഭരണം ഇനി ലോകമെങ്ങും തേനും പാലും ഒഴുക്കും എന്ന മട്ടിലാണ്  വാർത്തകളുടെ  പോക്ക്. 

യാങ്കികൾക്ക് വ്യക്തമായ ഒരു കാഴ്ചപ്പാടുണ്ട്. അത് സ്ഥിതമായ അവരുടെ ദേശീയ കാഴ്ചപ്പാടാണ്..ആളു മാറിയാൽ. പ്രതിനിധി സഭയിൽ ഭൂരിപക്ഷം കുറഞ്ഞാൽ അതു കാരണമായി ഭരണകൂടത്തിനു മൗലികമായ ഒരു മാറ്റവും വരുമാനുമില്ല. അമേരിക്കൻ താത്പര്യം നിലനിർത്താനും ഉയർത്താനും തന്നെയാവും അവരുടെ എല്ലാ തുടരാൻ പരിശ്രമങ്ങളും.





ദില്ലിയിലെ ഇറാൻ എംബസി പുറത്തു വിട്ട ഒരു ട്രോളിൽ ട്രമ്പിനെ നാലുപേർ തൂക്കിയെടുത്ത് ഒരു പെട്ടിയിൽ നിക്ഷേപിക്കുന്നതാണ് ചിത്രീകരിക്കുന്നത്. ഇതു കണ്ടാൽ തോന്നും ഇറാനെ കാപ്പാത്താനാണ് ജനങ്ങൾ വോട്ടു ചെയ്തതെന്ന്. യുഎസ് രാഷ്ട്രീയത്തിന്റെ ഭാഗമാണ് ഈ വിധിയെഴുത്ത്. ആരെയും സംരക്ഷിക്കാനും ലോകഗതി മാറ്റി മറിക്കാനും ദേശസ്നേഹികൾ വോട്ടു ചെയ്യാറില്ല.  ചോറും കൂറും വിഭിന്നമാകുന്ന ഇന്ത്യയിലാണ് അപ്പടി നടക്കുക. .

സിസ്റ്റത്തിന് അനുഗുണമായ രീതിയിലാണ് അമേരിക്കൻ കമ്മ്യൂണിസ്റ്റു പാർട്ടികളുടെ പോലും പ്രവർത്തനമെന്നത് ഇവിടുത്തെ പരിഷകളും കാണട്ടെ..




മിഡിൽ ഈസ്റ്റിലെ ഷിയാ സുന്നി  ഹൂത്തി വിഷയങ്ങൾ,ഇറാൻ മേഖലയിൽ പിൻതുടരുന്ന നിലപാടുകൾ ഇവയൊക്കെയാണ് ഏകദൈവത്തെ ആരാധിച്ചു കൊണ്ടുതന്നെ ഭ്രാതൃഹത്യക്ക് കളമൊരുക്കുന്നത്. താത്പര്യങ്ങൾ എന്നും വിശ്വാസത്തെ അതിലംഘിക്കും. അതെ ഗ്രൗണ്ട് സീറോയിൽ നിന്നും തന്നെയാണ് വിധി  വന്നത്.
ഉല്പത്തി മുതൽ പോരാട്ടവും പ്രതിരോധവും മരണവും ജീവിതവും പീഢനവും പേറി തുടരുന്ന സിയോണിസ്റ്റു മൂവ്മെന്റ് ഒരു തെരഞ്ഞെടുപ്പിൽ  പാടേ ഒലിച്ചു പോകുമെന്നു കഥ എഴുതുന്നവരും പറയുന്നവരും കാനായിലെ കനൽ വഴിയിൽ മഞ്ഞളു പോലെ വെളുത്ത അഞ്ജനം അറിയുന്നവരാണ്. .



ട്രമ്പ് തോറ്റാൽ നമുക്കെന്ത് !





ഹെഡ്മാഷുടെ വരവറിയിച്ച് വടിയും കയ്യിലെടുത്ത് ഉറഞ്ഞു തുള്ളുന്ന ഡ്രിൽ മാഷിൻ്റെ വേഷമണിഞ്ഞ ഖാർഗയുടെ വക ഒരു ചിന്ന വിരട്ട്. കിരീടത്തിലെ തിലകന്റെ നിസ്സഹായ അപേക്ഷയുമാകാം. പിന്നാലെ സത്യാനന്തര  തള്ളുകളുടെ പെരിയ വെടിക്കെട്ട് ഘോഷയാത്ര.

പതിനായിരം  പേരെ പത്തുലക്ഷം പേരാക്കി മാറ്റി രാജ്യത്തെ രക്ഷിക്കാനും മോദിയെ മറിച്ചിടാനും ജനാധിപത്യം സംരക്ഷിക്കാനും കച്ചകെട്ടിയുള്ള സത്യാന്വേഷണ കൺകെട്ട് വിദ്യക്ക് സാക്ഷ്യം വഹിക്കാൻ അണിഞ്ഞൊരുങ്ങി നിന്ന രാംലീല മൈതാനി ഖാർഗെ യുടെ വെടിയുണ്ട വാക്കുകളിൽ വിറങ്ങലിച്ചു.  രാഹുൽ ലീല ആരംഭിക്കുന്നതിന്  മുമ്പ് തന്നെ പ്രജാപതിയുടെ വിരട്ടലും തള്ളലും കേട്ട് ചില കോൺഗ്രസ് കുഞ്ഞുങ്ങൾ കുളിര് കോരി.

‘ജനഗണമന’ സമയത്ത് ബഹളം വയ്ക്കുന്ന കുഞ്ഞുങ്ങളെ ബെല്ലടിച്ചാലും വിടില്ല എന്ന്  പറഞ്ഞ് പേടിപ്പിക്കുന്ന അധ്യാപകരുടേതു  പോലുള്ള  പൊടിക്കൈ ആണെന്ന് മനസ്സിലായ ചിലർ ഞങ്ങളിങ്ങനാ ഭായീ എന്ന ഭാവത്തിൽ  നാവാട്ടം സാകൂതം തുടർന്നു. പ്രജാപതിയുടെ തനിനിറം ഒളിപ്പിച്ചു വച്ച വിരട്ട് വാക്കുകൾ കേട്ട് നെഞ്ചാമുടി തകർന്ന മറ്റുചിലർ സ്ഥലം കാലിയാക്കി.






നേതാക്കളുടെ പ്രസംഗം കഴിഞ്ഞാലേ ജനത്തിന് എഴുന്നേറ്റ് പോകാൻ സാധിക്കൂ എന്നാണാവോ ഇവർ കരുതിയത്. അതിനുള്ള അവകാശമേ പാവം പൗരന്മാർക്കുള്ളോ. രാംലീല മൈതാനത്തിന്റെ നീളവും വീതിയും  പ്രക്ഷോഭത്തിൽ പങ്കെടുത്തു എന്ന് സംഘാടകർ അവകാശപ്പെടുന്ന ആൾക്കാരുടെ എണ്ണവും തമ്മിലെ  ആനയും അങ്ങാടിയും പോലുള്ള പൊരുത്തക്കേട് പുറത്ത് പറയുന്നില്ലെങ്കിലും കോൺഗ്രസ് നേതൃത്വത്തിന്റെ വിശദീകരണ കണക്കുകൾ കേട്ട് ദേശീയ അന്തർദേശീയ മാധ്യമങ്ങൾ പോലും അന്ധാളിച്ചു.
.
കോൺഗ്രസ് അല്ലേ കള്ളം പറയൂ ക്യാമറ കണ്ണുകൾക്ക് കള്ളം പറയാൻ കഴിയില്ലല്ലോ. കള്ളരിപ്പൻ മീശയും നിബിഢ വനങ്ങൾ മാതിരി താടി രോമങ്ങൾ വളർന്നു കഴിഞ്ഞു എന്ന ഭാവത്തിലും താടി - മീശ രോമങ്ങൾ കിളിച്ചു തുടങ്ങുന്ന നാളുകളിൽ നടക്കുന്ന കൗമാരക്കാരെ മനസിലാക്കാം. അങ്ങനെയാകാമോ  മോക്ക് പ്രധാനമന്ത്രിയായി വാഴുന്ന രാഹുലും അദ്ദേഹത്തിലും മുകളിലിരിക്കുന്ന കോൺഗ്രസ് പ്രസിഡൻറും.

നവംബർ ഒന്നിന് രാംലീല മൈതാനി അക്ഷരാർത്ഥത്തിൽ പ്രതിപക്ഷ നേതാക്കളുടെ നുണ പറച്ചിൽ മത്സര വേദിയായി മാറുകയായിരുന്നു. മോദിയും അമിത് ഷായും ഭരണത്തിലേറിയത് ഗ്യാനേഷ് കുമാർ ഇലക്ഷൻ കമ്മീഷണർ ആയതിനുശേഷം ആണ് എന്നുമൊക്കെയുള്ള സത്യവിരുദ്ധമായ പ്രസ്താവനകൾ  ഒരു ഉളുപ്പുമില്ലാതെ ഒന്നൊന്നായി രാഹുൽ തട്ടിവിട്ടു. മഹാരാഷ്ട്ര, ബീഹാർ, ഉത്തർപ്രദേശ് തുടങ്ങിയ സംസ്ഥാനങ്ങളിൽ വോട്ട് ചോരിയിൽ കൂടിയാണ് ബിജെപി ഭരണത്തിൽ എത്തിയത് എന്ന് ഖാർഗെ. എസ് ഐ ആർ ന് മുമ്പ് നടന്ന ഈ സംസ്ഥാനങ്ങളിലെ തിരഞ്ഞെടുപ്പുകളിൽ വോട്ട് ചോരി നടന്നു എന്ന ഞങ്ങൾ പറഞ്ഞാൽ അത് നിങ്ങൾ വിശ്വസിച്ചു കൊള്ളണം എന്ന ഭാവം.  
.


അങ്ങനൊന്നും കുലുങ്ങുന്നവനല്ല മോദി എന്നറിയാവുന്നവരാണ് പ്രതിപക്ഷ നേതാക്കൾ. വാക് ശരങ്ങൾ കൊണ്ട് നിരന്തരമായി ഇത്തരക്കാർ കുഴിക്കുന്ന നുണക്കുഴികളിൽ മോദിയെ വീഴ്ത്താനുള്ള കൂട്ടായ്മയുടെ ഭാഗമായിരുന്നു രാംലീല മൈതാനിയിൽ നവംബർ ഒന്നിന് കണ്ടത്. ഇത്തരം പ്രവൃത്തികൾക്ക് രാജ്യത്തിനകത്തും പുറത്തും നിന്നുള്ള സഹായങ്ങൾ സ്വീകരിക്കുന്നു എന്ന ആരോപണം ശക്തിപ്പെടുന്നതിൻ്റെ പ്രധാന കാരണങ്ങളിൽ ഒന്ന് രാജ്യത്തിനുള്ളിൽ ഇപ്പോൾ രൂപപ്പെട്ടു വരുന്ന  പ്രക്ഷോഭങ്ങളാണ് എന്ന് വെളിപ്പെടുന്ന നുണകളാണ് ഉത്തരവാദിത്തപ്പെട്ട നേതാക്കളുടെ ഭാഗത്തുനിന്ന് ഉയർന്നുവരുന്നത്. ഉയർന്ന ഉത്തരവാദിത്വത്തോടും രാജ്യസ്നേഹത്തോടും ക്രിയാത്മകമായ നിർദ്ദേശങ്ങൾ ജനങ്ങൾക്ക് മുന്നിൽ നിരത്തി വേണം മോദിയെയും കൂട്ടരെയും നേരിടേണ്ടത്.  അല്ലാതെ നുണ കൊട്ടാരങ്ങൾ ഉയർത്തിയല്ല.



വിവാഹം കഴിയാത്തവനോട് ആദ്യരാത്രിയുടെ അനുഭവം ചോദിച്ചാൽ ബബ്ബബ്ബ എന്നല്ലേ പറയൂ . എന്നാൽ രാഹുൽ അങ്ങനല്ല. രണ്ടാം വിവാഹത്തിലെ  ആദ്യരാത്രിക്ക് ഒരുങ്ങുന്ന കാശ്മീർ മുഖ്യൻ ഒമർ അബ്ദുള്ളക്ക്;  സംഭവങ്ങളുടെ കിടപ്പുവശം മനസ്സിലാക്കിയ രാഹുൽ സ്പെഷ്യൽ കാഷ്വൽ ലീവ് അനുവദിച്ചു.  ആദ്യ രാത്രിയിലെ ലീലകൾക്ക് രാംലീല മൈതാനിലെ ലീലകളിലും രുചിയേറും എന്നറിയാവുന്ന കാശ്മീർ മുഖ്യൻ അങ്ങനെ രക്ഷപ്പെട്ടു. കഴിഞ്ഞ കാല പ്രക്ഷോഭങ്ങൾക്കിടയിൽ രാഹുൽ പിടിച്ചു വലിച്ച് കീറിയ ഖദർ കുപ്പായം  തുന്നി കിട്ടാത്തത് കൊണ്ടാണോ ആവോ കന്നട മുഖ്യൻ ഡി കെ ശിവകുമാരനെ മഷിയിട്ടു നോക്കിയിട്ടും കണ്ടില്ല.




ഖാർഗെയാടാ പറയുന്നെ; ചുപ് ബൈഠെടാ..

രാജ്യത്തെ 21 രാഷ്ട്രീയ കക്ഷികളും 
200 ഓളം എൻജിഒകളും കലാകായിക സാംസ്കാരിക സംഘടനകളും ഒന്നിച്ചു ചേർന്നാണ് കഴിഞ്ഞ ദിവസം ദില്ലിയിൽ സ്കലിച്ചത്. രാംലീലാ മൈതാൻ മേം പദ സഞ്ചലൻ!.വോട്ടു  ചോർത്തലാണ്  കുറ്റം. വിചാരണയും ശിക്ഷയും വിധിക്കാനാണ് കാശും മുടക്കി  പരാധീനങ്ങളെല്ലാം ദില്ലി ചലിയെ ചലി നടത്തിയത്.

ഈ നാടിന്റെ ഗതിയോർത്ത്  സോകോൾഡ്  ദേശാഭിമാനികൾക്ക് ഒരു സമാധാനവുമില്ല. പരിഹാരം വേണ്ടേ . അതിനാണി ഈ പങ്കപ്പാടൊക്കെ.
മഹാകവി പറഞ്ഞ വിധി അനുസരിച്ച് ഭാരതത്തെ  നിനച്ച് അഭിമാന പൂരിതവും കേരളത്തെയോർത്ത് ചോര ഞരമ്പുകളിൽ മൂന്നു വിസിൽ കേട്ട് തിളയ്ക്കുകയും വേണമല്ലോ.




പ്രാദേശിക സങ്കുചിത വാദത്തിന്റെ ചിറകേറുന്ന  മത ജാതി മേലാള അധീശ പരിവാറുകരുടെ വർണ രാജിയാണ് ദേശീയ പ്രതിപക്ഷ സഖ്യം എന്നത് പറയാതെ വയ്യ. പുട്ടിനു പീര പൊലെയാണ് അവർക്ക് ദേശീയത.  വേറെ ഒരു കുന്തളിപ്പുമില്ല.

മുഖാമുഖം കണ്ടാൽ ദ്വന്ദ്വ യുദ്ധത്തിനു ഗദ തപ്പുന്ന ആ ജന്മ വൈരികളെയും ഇവിടെ  കാണാം. അല്പമെങ്കിലും നാണവും മാനവും ഉളുപ്പും മാന്യതയുമുള്ള സമീപനമല്ല സിപിഎമ്മും കോൺഗ്രസും മമതയുടെ പാർട്ടിയുമൊക്കെ ഇക്കാര്യത്തിൽ പുലർത്തുന്നതെന്നു ചമ്മലോടെ ഓർക്കേണ്ടി വരുന്നു.



അണികളെ കൊന്നും കൊല്ലിച്ചും പൂച്ചട്ടികൾ കൊണ്ട് നിർദ്ദോഷികളുടെ മണ്ടക്കടിച്ചും പൊലീസിനെയും ഗുണ്ടകളായ കേഡർമാരെയും പേഴ്സണൽ സ്റ്റാഫിനെയും കൊണ്ട് മുട്ടൻ പുളിങ്കാതൽ കൊണ്ട് രക്ഷാ പ്രവർത്തനം നടത്തിയും കുടുംബങ്ങൾക്ക് തൂണും തുണയുമാകേണ്ട നിരപരാധികളെ കൊലയ്ക്കു വിട്ടു കൊടുക്കുയും ചെയ്തശേഷം കോൺഗ്രസുകാർ ദില്ലിയിൽ ചെന്ന് ഐക്യപ്പെടുന്നത് പിതൃ ശൂന്യ നടപടിയാണ്. അത് ഏതു മണ്ണാങ്കട്ടയുടെ പേരിലായാലും.

കഴിഞ്ഞ കാലം മുഴുവനും കോൺഗ്ര സുകാരെ പേപ്പട്ടിയെ  പോലെ ഓടിച്ചിട്ട് അക്രമിച്ചത് ആരാണ് മറക്കേണ്ടത്?..എങ്ങാനും ഭരണം നീണ്ടിരു ന്നെങ്കിൽ കോൺഗ്രസുകാരെ വടിച്ചെടുക്കാനെ കഴിയുമായിരുന്നുള്ളു. സമുന്നതരായ നേതാക്കളെയും കുടുംബാംഗങ്ങളെയും കണ്ണിൽ ചോരയില്ലാതെ  പൊതുജന മധ്യത്തിൽ താറടിക്കുകയും അപമാനിക്കുകയും അവഹേളിക്കുകയും ചെയ്തവരോട് ആർക്കാണ് പൊറുക്കാൻ കഴിയുക.. അനുഭവിച്ചവർക്കേ അതിന്റെ നീറ്റലറിയൂ.







ചരിത്രം മറവിലായെന്ന ധാരണയിലാണ് വോട്ട് ചോരിയെന്ന ചാരിത്ര്യ പ്രസംഗം പലരും തട്ടി വിടുന്നത്. ടിഎൻ ശേഷനെ തെറി പറഞ്ഞ് കണ്ണു പൊട്ടിച്ചത്  ഇവരായിരുന്നു. പേപ്പട്ടി എന്നാണ് ജ്യോതിബസു വിളിച്ചത്.

ബീഹാറിൽ പണ്ട് റൈഫിൾ മുനയിൽ വോട്ടു ചെയ്യിച്ച ലാലു മകൻ തേജസ്വിയാണ് ഇന്നത്തെ  ഹീറോ. ഒപ്പം പങ്കുകാരനായി യുപിയിൽ മുലായം മകൻ അഖിലേഷുമുണ്ട്. മറ്റൊരു ഹീറോയിൻ മമതാ ദീതി.. 
 ബംഗാളിൽ എന്നും ഗുണ്ടകളായിരുന്നല്ലോ വരണാധികാരികൾ !.

ഇരട്ടവോട്ടും കള്ളവോട്ടും ആൾമാറാട്ടവും മാറിമാറി പയറ്റിയും ഇൻ ഏജന്റുമാരെ പോലും ബൂത്തുകളിൽ നിന്നും ഭീഷണിപ്പെടുത്തി മാറ്റി നിർത്തിയാണ് ഇവിടെ കേരളത്തിൽ ജനായത്തം നാം  ഘോഷിച്ചത്.  പാർട്ടി വോട്ടുകൾ രാവിലെ പോൾ ചെയ്യിച്ച് ഉച്ചക്ക്  അടിയുണ്ടാക്കി ഫലം അട്ടിമറിച്ച വെടലകളാണ്  ഇപ്പോൾ പാതിവ്രത്യം വിളമ്പുന്നത് 



ഗ്യാനേഷേട്ടന് നന്ദി. നമ്മൾ കേന്ദ്ര ഭരണം പിടിച്ചാൽ ജന്ദർ മന്ദറിൽ ഗ്യാനേട്ടന്റെ ഒരു കൂറ്റൻ പൂർണ്ണകായ പ്രതിമ ഉദ്ദിഷ്ട കാര്യത്തിന് ഉപകാരസ്മരണയായി സ്ഥാപിക്കും. ഭാരതത്തെ അഖണ്ഡമാക്കിയതിനാണല്ലോ മോദി സർദാർ സർദ്ദാർ പട്ടേലിന്റെ ഭീമൻപ്രതിമ സ്ഥാപിച്ചത്. തമ്മിൽ തെറി വിളിക്കുകയും തലകീറുകയും ചെയ്യുന്ന പാർട്ടികളെ ഒന്നിപ്പിച്ചുവെന്ന ചരിത്ര ദൗത്യം നിർവഹിച്ചതിന് ഗ്യാനേഷ്ജി ഒരു പ്രതിമയ്ക്ക്  എന്തുകൊണ്ടും യോഗ്യൻ .
ഗ്യാനേഷ് കുമാറിനെ നമ്മുടെ സർക്കാർ, INDIA യുടെ തങ്ക(മാന)മനുഷ്യൻ എന്ന് നാമകരണവും ചെയ്യും. (ഇൻഡി സഖ്യം നിലനിറുത്തിത്തന്നതിന് നൂറു പൊന്നുമ്മ)

ഗ്യാനേഷ്കുമാർ ജി സിന്ദാബാദ്..

ലാൽ സലാം..ലാൽ സലാം..
ലാൽ സലാം സഖാവ് ഗ്യാനേഷ്...

ഗ്യാനേഷ് കുമാർ - INDIA യുടെ തങ്കമനുഷ്യൻ



അഗസ്ത്യം കളരിയുടെ 130-ാം വാർഷികാഘോഷങ്ങളുടെ ഭാഗമായി കേരളപ്പിറവി ദിനത്തിൽ തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ നടന്ന അഗസ്ത്യം കളരി ഫെസ്റ്റിലാണ് ലോകറെക്കോർഡിലേക്ക് 
ചുവടുവയ്ക്കുന്ന രണ്ട് അഭ്യാസ പ്രകടനങ്ങൾ അരങ്ങേറിയത്.







പ്രിൻസ് ആദിത്യവർമ്മ ഫെസ്റ്റ് ഉദ്ഘാടനം ചെയ്തു. അഡ്വാൻസ്ഡ് കളരി ടി ടി സി,  വനിതകൾക്കു മാത്രമായുള്ള ശക്തി ടി.ടി.സി,പരമ്പരാഗത ക്ലാസിക്കൽ അമ്പെയ്ത്ത്, വാരിയർ യോഗ,കുതിരയോട്ടം  എന്നീ പുതിയ കോഴ്സുകളുടെ ഉദ്ഘാടനം എ.ഡി.ജി.പി. പി. വിജയൻ നിർവഹിച്ചു.

മേജർ ജനറൽ കപിൽ റാണ, കേരള ഗവർണറുടെ സെക്രട്ടറി കെ.വാസുകി ഐ എ എസ്,അഭിനേതാക്കളായ കിഷോർ സത്യ, സാജൻ സൂര്യ തുടങ്ങിയവർ ഫെസ്റ്റിന് ആശംസകൾ നേർന്നു.



 ആയുധാഭ്യാസ പ്രകടനങ്ങൾ, സിലമ്പം അവതരണം എന്നിവയും ഫെസ്റ്റിൽ അരങ്ങേറി. പരമ്പരാഗത അമ്പെയ്ത്തും സിലമ്പവും പരിചയപ്പെടാനുള്ള അവസരവും ഒരുക്കിയിരുന്നു. മൂവായിരത്തിലധികം പേർ പങ്കെടുത്തു.



ഭാരതീയ ആയോധനകലകളുടെ പാരമ്പര്യവും മികവും പുതുതലമുറയിലേക്ക് എത്തിച്ച് ലോകത്തിന് പരിചയപ്പെടുത്തുകയാണ് ഫെസ്റ്റിന്റെ ലക്ഷ്യം.

ഉറുമിയും ചുവടുകളുമായി ലോക റെക്കോർഡിലേക്ക് അഗസ്ത്യം.



ഒരാൾ വധുവിനെ വരിച്ചപ്പോൾ അപരൻ വിവാദങ്ങളെയാണ് വരിച്ചത്. വന്നു കയറി തലയിൽ ചൂടിച്ച വയ്യാവേലി എന്നു ഈ വൺലൈനർ ചുരുക്കാം.
സംവിധാനം ആരണ്ണാ?
ആരുടെ പേരു പറയണം ?
സംവിധാനം ഞാൻ. ഞാനാണ്.
ശരിയണ്ണാ.
സംവിധാനം ..ഞാൻ
പേരു പറയടാ  ശവീ...
സംവിധാനം: ആണ്ടിയിറക്കം സുകു.




വീട്ടിൽ മന:സമാധാനത്തോടെ ഒന്നു തലചായ്ക്കാൻ പോലും സമ്മതിക്കാതെയാണ്  പണി പാലും വെള്ളത്തിൽ  പാർസലായി  കടന്നു വന്നത്.  അതും യുവപ്രതിഭകളുടെ രൂപത്തിൽ.

സദാനന്ദന്റെ സമയം നന്നല്ല. കേതുവിന്റെ അപഹാരമുണ്ട്. മിത്ര ഭാവത്തിൽ കടന്നു വരുന്നവരെ സൂക്ഷിക്കണം. ഉറുക്കും നൂലും കരുതുന്നതിൽ തെറ്റില്ല.



നമ്മുടെ യുവ ഹീറോകൾ എവിടെ പരിപടി അവതരിപ്പിച്ചാലും  ഒന്നുകിൽ പണി വാങ്ങി കൂട്ടും. അല്ലെങ്കിൽ ആർക്കെങ്കിലും  പണി കൊടുക്കും. ഇതിലൊരു മാറ്റവുമില്ലല്ലോ.എന്റീശ്വരാ !

കടവന്ത്ര മിഷനിൽ പങ്കെടുത്ത  ജെൻസികളുടെ ഉച്ചകോടിയിൽ രാജ്യത്തെ യുവതയെ അടുത്ത തലത്തിൽ എത്തിക്കാനാണ് സഗൗരവം മൂന്നു മണിക്കൂർ ചർച്ചിച്ചത്. അഗ്നിയാകാൻ  സംഘടനയിൽ ചേരുക.ഇതാണ് പുതിയ ആഹ്വാനമെന്നും നമ്മുടെ മുത്തായ നേതാവ് പറയുന്നു.

ഈ ഉച്ചകോടിയുടെ അറ്റ ശിഷ്ടപത്രം നിലയ്ക്കാത്ത തെറിവിളികളും.ട്രോളുകളുടെ ട്രോഫികളായും മാറിയത് നിർഭാഗ്യകരം.മെഗാ സ്റ്റാറിന്റെ പ്രകടനങ്ങളെ കടത്തി വെട്ടു ന്നതായിരുന്നു ആക്രമണം.. ഇങ്ങനെ  വേണം  ഭാരതംഅറിയുന്ന  ഒരു സീനിയറായ ഭരത് അവാർഡ് ജേതാവിനെ ഉപചരിക്കാൻ. എന്തോ വരേണ്ടത് ഇങ്ങനെ തീർന്നു എന്ന് മഹാനടന് ആശ്വസിക്കാം.




മാധ്യമ പ്രവർത്തകയും നാല്പൊത്തമ്പതു കാരിയുമായ നിധീ റസ്ദാനാണ് വധു.
ഒരു നവയാത്രയ്ക്ക്  തുടക്കമായെന്ന് ഒമറും. സോദരാ അങ്ങനെ അതു ചെയ്തുവെന്ന് നിധിയും എക്സിൽ കുറിച്ചു.


മമ്മൂട്ടിക്കും ഒമറിനും നിധിക്കും പായലിനും പിന്നെ കണ്ടാലറിയുന്ന  ഈ സംരംഭങ്ങളിൽ പങ്കാളികളായ എല്ലാവർക്കും
രക്താഭിവാദ്യങ്ങൾ.!!! 

വടക്കൻ വീരഗാഥ - 2 പാർട്ട് 





സ്ഥലകാലമില്ലാത്ത ചരിത്രം കെട്ടുകഥയാണ്. അതിൽ വിശ്വസിക്കുന്ന ജനങ്ങളുടെ വിഭ്രാന്തികൾ ഇന്നത്തെ അവബോധത്തെയും നാളത്തെ കാഴ്ചപ്പാടുകളെയും പൂർണമായും വഴി തെറ്റിക്കുമെന്നു ചരിത്രകാരനായ പികെ ബാലകൃഷ്ണൻ.

പരശുരാമൻ ശരിയെങ്കിൽ കേരളത്തിനു ചരിത്രമില്ലെന്നു കാണാം.പിന്നെ മഹാബലി.  അതു വിട്ടാൽ കമ്മ്യുണിസ്റ്റു പാർട്ടിയും ആര്യ വൈദ്യ ശാലയും.  തൊട്ടടുത്ത് അറബി സഹോദരന്റെ ഇടിയും തൊഴിയും മുറ്റുന്ന മണൽപരപ്പും. പാരമ്പര്യം മിത്തായും മിത്ത് എസ്കേപ്പിസവുമായി മാറിയെന്ന്  ഒ വി വിജയൻ.

മൂന്നും കൂട്ടി മുറുക്കിയപ്പോൾ കേരളം ചുവന്നു എന്നാണ് വൈലോപ്പിള്ളി എഴുതിയത്.അതിന്റെ ക്ഷീണം ഇതുവരെ മാറിയില്ലെന്നു കരുതുന്നവരും ഏറെ .വൈചാരിക തലങ്ങളിൽ കത്തിപ്പടർന്ന് ഏടുകളിൽ തെളിഞ്ഞ ആകാശ കുസുമമായിരുന്നോ ഈ സ്വത്വം ?





നാം ആട്ടിപ്പായിച്ച മലയാളികളായ പട്ടാളക്കാർ ബാരക്കുകളിലിരുന്നു വായിച്ചും കരഞ്ഞും തീർത്ത രമണന്റെ പ്രായോജക മൂല്യം എൻബിഎസിനും തപാൽ വകുപ്പിനുമായിരുന്നല്ലോ.

നമ്മുടെ മക്കളെ വാണിജ്യ പുത്രന്മാരായും പുത്രിമാരായും നാം പണ്ടേ വളർത്തി;വടക്കേയിന്ത്യയിലെ മുതലാളിമാരുടെ താത്പര്യം മുൻനിർത്തി.ഇന്നത് ആഗോളമായി.





എല്ലാ കുടിയേറ്റവും കൊടിയിറങ്ങുകയാണ് ഇപ്പോൾ മലയാളിക്ക്. യൂറോപ്യൻ രാജ്യങ്ങൾ പോലും കുടിയേറ്റം തടയുന്നു; ഇതു തെരഞ്ഞെടുപ്പ് വിഷയമാകുന്നതിനാൽ..

കുടിയേറിയ മഹിമകൾ മലയാളത്തെ തകർത്തോ തളർത്തിയോ ?

മാമലയിലെ മരതകപ്പച്ച തകർത്തത് പ്ര വാസമായിരുന്നൂ.ആരോഗ്യം വിദ്യാഭ്യാസം ഉപഭോഗം വീടു വയ്പ് തുടങ്ങിയ കാര്യങ്ങളിൽ നാം വലിയ സായ്പായി മാറി.



മണിയോർഡർ ഇക്കണോമിയാണ് പിന്നീട് റമിറ്റൻസായി മാറിയത്.ഗമയായി.

സെക്രട്ടറിയറ്റ് ഉപരോധങ്ങളും രാപകൽ റിലേ സമരങ്ങളും നിരാഹാര വ്രതങ്ങളും പടപ്പാട്ടുകളും സംസ്ഥാന സമ്മേളന പ്രമേയങ്ങളും വർഗീയ സാമ്രാജ്യത്വ ഫാസിസ്റ്റു വിരുദ്ധ കസർത്തുകളുമായിരുന്നില്ല  ഇവിടുത്തെ പട്ടിണി മാറ്റിയത്.





ജെൻസികൾക്ക്  ഇപ്പൊൾ മൊത്തം പ്രാന്തായിരിക്കുന്നു.ഭാവിയുടെ കാര്യത്തിൽ നിസഹായരാണവർ.
പാറ്റകൾക്കും പഴുതാരകൾക്കും മാത്ര മാണ് ജെൻസി ഒരു പ്രോട്ടീൻ പൗഡർ..

ഐ ടിയിലാണ് നമ്മുടെ ശക്തിമാനെ കുടിയിരുത്തിയിട്ടുള്ളത്. എഐയുടെ അന്താളിഫിക്കേഷൻ തകർക്കുമോ രണ്ടുലക്ഷം പിള്ളേരുടെ  സുഖജീവനം?.

ലോകത്തെ പുലർത്തുന്ന  മലയാളി  നെഴ്സുമാരുടെ എല്ലാ പ്രതാപവും മങ്ങുകയാണ്. അവസരങ്ങളും വരുമാനവും ഡിമാൻഡും താഴോട്ടാണ്.എന്റെശ്വീരാ !

ബാല്യം നഷ്ടപ്പെടുന്ന , അസന്തുലിത ലിംഗാനുപാതം ഏറുന്ന കേരളത്തിലെ നീക്കിബാക്കി വയോധികരാണ്. തൊണ്ണുറു കഴിഞ്ഞവരെ പരിചരിക്കുന്നത് അറുപതൂം എഴുപതും കഴിഞ്ഞവരായി മാറുന്നു.. 16000 കോടി നിക്ഷേപിച്ച് ആഗോള ഹെൽത്ത് ഭീമമന്മാർ നമ്മുടെ അവസാന നിമിഷങ്ങളെയും ഐസി യൂണിറ്റുകളിൽ  തളച്ച് ലൈവാക്കുകയാണിപ്പോൾ..

കാഴ്ചയും കാഴ്ചപ്പാടും മാറുകയാണ്.മാറണം.
ജീർണമായ  ആശയങ്ങളെയും ഡോഗ്മകളെയുംപുലരുക വയ്യ. ധൈഷണികമായ സത്യസന്ധതയോടെ
   ലോകത്തിനൊപ്പം സഞ്ചരിക്കുന്ന ഒരു നവ കേരളത്തിനാണ് നാം പുതിയ കാലത്ത് പുനരർപ്പണം ചെയ്യേണ്ടത്

കേരളമേ..... കരാളമേ....




കേരള നിയമസഭയിൽ ഇനി എല്ലാർക്കും സ്വയം മറന്ന് പുഞ്ചിരിക്കാം.മന്ത്രിമാരുടെ  വേതനം1.08 ലക്ഷം എന്നത് 1.38 ലക്ഷവും എംഎൽഎമാരുടേത് 70,000 രൂപയിൽ നിന്നും  98,000 രൂപയുമായാണ് വർദ്ധിപ്പിച്ചത്. ഇതിനു പുറമെ യാത്രാ ബത്ത,മണ്ഡലബത്ത, വിമാന യാത്രാ അലവൻസ്,അപകട ഇൻഷ്വൻസ് എന്നിവയിലുമുണ്ട് വർദ്ധനവ്. പേഴ്സണൽ അസിസ്റ്റന്റിന്റെ എണ്ണം ഡബിളാക്കാനും ആലോചിക്കുന്നു.



ഭരിപ്പുകാരുടെയും എതിർ വാചികരുടെയും വേതനം കൂട്ടിയത് ഒരു കരിയില പോലും അനങ്ങാതെയാണ്. ആർക്കും ബേജാറില്ലെന്നു മാത്രമല്ല വിരേചനം കഴിഞ്ഞ ആശ്വാസമാണ് ഏവരുടെയും മുഖത്ത്. മന്നവേന്ദ്ര വിളങ്ങുന്നു.നിൻ മുഖം വടക്കേലെ ചന്ദ്രനെ പോലെ.



ഓരോ പഞ്ചവൽസര പദ്ധതികളിലൂടെയും ജനാധിപത്യം ശക്തിപ്പെടുത്താൻ ക്വട്ടേഷൻ എടുത്തിട്ടുള്ളവരവാണ് നാം. കൂടുതൽ ശക്തിപ്പെടുത്തേണ്ടി വന്നാൽ കള്ളവോട്ടും അക്രമവും കച്ചറയും കാട്ടും. കുറവില്ലാതെ.. .എല്ലാം കൗമുദിയുടെ ത്യാഗം പോലെ, ജനായത്തം നീണാൾ വാഴാനുള്ള  ഗ്രൂപ്പ് ഹവനങ്ങളാണ്.



ഒരു വലിയ ടാസ്ക് ഏറ്റെടുക്കാനുള്ള ശേഷി കൈവന്നിട്ടില്ലാത്തവരാണ് ഇന്ത്യക്കാരെന്ന് സായിപ്പ് പറഞ്ഞപ്പോൾ നാം അവരെ പുലഭ്യം പറഞ്ഞാണ് സ്വയം സമാധാനിച്ചത്.  സായ്പ് പറഞ്ഞ പോലെ എല്ലാ കന്നന്തിരിവുകളും അരുതായ്കകളുമാണ് ജനാധിപത്യമായി നാം ഇക്കാലമത്രയും വിളമ്പിയത്..

സഞ്ചിയും മടക്കി കക്ഷത്തുവച്ച്  നടന്ന് റേഷൻ കടയിൽ ചെന്നു വരിനിന്ന് സാധനങ്ങൾ വാങ്ങിയിരുന്ന ഒരു പ്രധാന മന്ത്രി നമുക്കുണ്ടായിരുന്നു.ഇന്നതിന് ഒരു പഞ്ചായത്തംഗം പോലും മടിക്കും.
ജനാധിപത്യവും ധാർമികതയും മൂല്യബോധവും പടവലങ്ങ പോലെയാണ് ഇന്ന് വളർന്ന് പന്തലിക്കുന്നത്.



സംസ്ഥാനത്തെങ്ങും കേട്ടുകേൾവിയില്ലാത്ത ഫോർവേഡ് ബ്ലോക് പാർട്ടി ഐക്യമുന്നണിയുടെ ഭാഗമായപ്പോൾ അതിന്റെ അണിയും ഏക നേതാവുമായ
ജി ദേവരാജന് ദില്ലിയിൽ ജോലിയും പദവിയും നല്ല ശമ്പളവും ഖജനാവിൽ നിന്നു നൽകാൻ നമ്മുടെ ഇല്ലായ്മ പ്രശ്നമായില്ലെന്നത് ജനാധിപത്യത്തിന്റെ പുണ്യം.

ബർണാഡ് ഷാ പറഞ്ഞ അവസാന അഭയ സങ്കേതമാണ് ഒരു പരിധി വരെ ഇവിടവും. ഭിത്തി തകർന്നാലും ജയിലറയിൽ നിന്നും പുറത്തു വരാൻ അർഹതയില്ലാത്തവർ
പൊലീസിന്റെ ആദരവുകളും ഏറ്റുവാങ്ങി കീശയിൽ നിക്ഷേപിച്ച് നിയമ നിർമാണ സാഹസം നടത്താൻ ജയൻ സ്റ്റൈലിൽ  നിയമസഭയിലേക്ക്  തൂങ്ങിയിറങ്ങുന്ന കാഴ്ച ജനാധിപത്യത്തിന്റെ സൗന്ദര്യമേയല്ല. തീർച്ച.

വള്ളിക്കെട്ട്: പൊതുമേഖലാ സ്ഥാപനത്തിൽ  നിയമിതനായ എംഡി ഓഫിസിലെത്തിയപ്പോൾ എൻട്രൻസിൽ നിന്നും സെക്യൂരിറ്റികാരൻ സലൂട്ടടിച്ചു. എന്നിട്ട് പറഞ്ഞു: "സർ, എന്നെ അറിയുമോ? നാലാം ക്ളാസിൽ ഒരു ബഞ്ചിലിരുന്നു പഠിച്ചവരാണ് നാം. നന്ദി സർ..."

കാലം കഴിഞ്ഞപ്പോൾ ഒരാൾ കുടുംബക്കാരൻ. അപരൻ കുതിരക്കാരൻ. !

സ്മൈൽ പ്ലീസ്





ദിവസം മൂന്ന് കിലോ ചെമ്പരത്തിപ്പൂമൊട്ട്, പത്തമ്പത് കോഴിമുട്ട, നാരങ്ങാനീര്, ഏലാദി വെളിച്ചെണ്ണ എന്നിവ അശാസ്ത്രീയ വിധിപ്രകാരം  ചേർത്ത് തയ്യാറാക്കുന്ന വിശിഷ്ടൗഷധം വികസിപ്പിച്ചെടുത്താൽ 'ഗപ്പ് 'ഒന്നും കൊടുക്കണ്ട. ഒന്നു പ്രശംസിക്കുകയെങ്കിലും വേണ്ടേ? കേരളത്തിൽ സൗന്ദര്യമാഗ്രഹിക്കുന്ന ചെറുപ്പക്കാർക്കു മാത്രമല്ല തൈ-തള്ള വൈബുകാർക്കും പ്രയോജനപ്പെടട്ടെ എന്നു കരുതിയാണ് ഔഷധി ചെയർപേഴ്സൺ തന്നെ ഇതിന് മുൻകൈയ്യെടുത്തത്. എന്നിട്ട് കിട്ടിയതോ ട്രോളുകളും കുറ്റം പറച്ചിലും നിയമസഭയിൽ പോലുമുണ്ടായ കളിയാക്കലും മാത്രം. ഗോഡ്‌സ് ഓൺ കൺട്രിക്കു.വേണ്ടി ചെയ്തതാണ്. പരിഹസിക്കുന്നവർക്ക് ഗോഡ് തന്നെ കൊടുത്തോളും.



ഔഷധിയുടെ തന്നെ പഞ്ചകർമ്മആശുപത്രിയിലെ ഡീലക്സ് എസി മുറിയിൽ സ്വയം പരീക്ഷണത്തിന് വിധേയയാകുമ്പോൾ ലക്ഷോപലക്ഷം സാധാരണക്കാരായ സൗന്ദര്യാരാധകരായിരുന്നു മനസ്സു നിറയെ..
ഉല്പന്നത്തിന്റെ വിജയമുറപ്പായാൽ  ബോച്ചെയെപ്പോലെ സ്വയം ബ്രാൻഡ് അംബാസഡറാകാമെന്നും തീരുമാനിച്ചിരുന്നതാണ്. പക്ഷേ ഇതൊന്നുമറിയാതെ പാവം ലക്ഷോപലക്ഷം പേർ വോട്ടു മാറ്റിക്കുത്തി. പേറ്റന്റെടുക്കും മുമ്പ് ഔഷധം ചീറ്റി. ഈശ്വരാ... എന്തെല്ലാം പരീക്ഷണങ്ങൾ.



നമ്മുടെ മോൻസൺ മാവുങ്കൽ മോശയുടെ അംശവടിയുടെ ഒറിജിനലിന് പേറ്റന്റെടുക്കുന്നതിനും ദശാബ്ദങ്ങൾക്കു മുൻപേ 
അന്നത്തെ ടൂറിസം മന്ത്രി കെ.വി. തോമസിന് 336 കോടി രൂപയുടെ ഹവാല ഇടപാടുമായി ബന്ധമുണ്ടെന്ന് ആരോപിക്കുന്ന കേരള പോലീസിന്റെ ഒരു ഇന്റലിജൻസ് റിപ്പോർട്ടിന്റെ  ഒറിജിനൽ സ്വകാര്യ രേഖയായി നിർമ്മിച്ച സ്റ്റാർട്ടപ്പിന്റെ സഹപ്രവർത്തകയെന്ന് ആരോപണം നേരിട്ടയാളാണ്. അങ്ങനെ എന്തെന്തെല്ലാം ഇന്നൊവേഷൻസ്.എന്നാൽ വേണ്ട രീതിയിൽ അംഗീകാരം കിട്ടിയിട്ടുണ്ടോ? എവട !



കേരളത്തിൽ ഇതിനു മുമ്പ് എത്രയോ പേർ ഔഷധി ചെയർമാൻമാരായിരിക്കുന്നു. എന്തെങ്കിലും പുതുതായി കൊണ്ടുവരാൻ അവർക്ക് കഴിഞ്ഞിട്ടുണ്ടോ ? ഇവിടത്തെ വേലിപ്പടർപ്പുകളിൽ പണ്ട് സുലഭമായുണ്ടായിരുന്നതും ഇപ്പോൾ നൊസ്സുള്ളവർക്ക് ചെവിയിൽ തിരുകാൻ അയൽ സംസ്ഥാനങ്ങളിൽ നിന്ന് കൊണ്ടുവരുന്നതുമായ തനതു പുഷ്പം ചെമ്പരത്തിക്ക് പുനർജന്മം കിട്ടിയേക്കുമായിരുന്ന ഒരു പരീക്ഷണമാണ്. നാടൻ കോഴിക്കർഷകർക്കും നാരങ്ങാത്തൊഴിലാളികൾക്കും മാത്രമല്ല ഏലം കൃഷിക്കാർക്കും നാളികേര ബോഡിനും പോലും സുകൃതമായേക്കുമായിരുന്ന ചുവടുവയ്പ്പ്. മുളയിലേ നുള്ളിക്കളഞ്ഞു എന്നു പറയുന്നില്ല. ആരോഗ്യ മന്ത്രിയെന്ന നിലയിൽ മുരളിയേട്ടൻ തന്നെ ഔഷധിയിലെ എ.സി മുറിയിൽ താമസിച്ച് കേശാദിപാദം ഇതൊന്നു പരീക്ഷിക്കണം. പുറത്തിറങ്ങിയാൽ പെറ്റ തള്ളയല്ല,മെറ്റ എ ഐയ്ക്കു പോലും തിരിച്ചറിയാൻ കഴിയാത്തത്ര യൗവ്വനയുക്തനായിപ്പോകും. കണ്ടാലറിഞ്ഞില്ലെങ്കിൽ കൊണ്ടറിയണം. മുരളിയേട്ടാ....പ്ലീസ്.



പിണറായി വിജയൻ സഖാവിന്റെ മൂന്നാം സർക്കാർ വന്നിരുന്നെങ്കിൽ ഇന്നൊവേഷൻസ് ഇൻ ഗവണ്മെന്റ് സെക്ടർ കാറ്റഗറിയിൽ അംഗീകാരം കിട്ടേണ്ടിയിരുന്നതാണ്. ദുഷ്ടനായ എസ്.ഐ.ആർ എല്ലാ പ്രതീക്ഷകളും തകർത്തു.

അതുകൊണ്ട് -

"ഗ്യാനേഷ് കുമാർ രാജി വയ്ക്കുക.
പേപ്പർ ബാലറ്റ് തിരികെക്കൊണ്ടുവരിക....

ഇൻക്വിലാബ്.. ഇൻക്വിലാബ്..
ഇൻക്വിലാബ് സിന്ദാബാദ്...."





ചെമ്പരത്തിപ്പൂവേ, ചൊല്ല്....






ചെറ്റപ്പുരകളിൽ അന്തിയുറങ്ങി അവരുടെ കരിക്കാടിയും  മോന്തിക്കുടിച്ച്  ആയിരക്കണക്കിനു നിരപരാധികളെ ചോറ്റു പട്ടാളത്തിന് എറിഞ്ഞു കൊടുത്തു വളർന്ന ഒരു  രാഷ്ട്രീയ റൊമാന്റിക്  മൂവ്മെന്റ്  തന്നെയാണ് സമകാലിക രാഷ്ടീയ വ്യവഹാരത്തിൽ രാജ്യത്തെ ഏറ്റവും വലിയ അഴിമതിയുടെ മുഖപാളിയിലേക്ക് മാറിയതും  ഈ ജനുസിൽ അവർ സംഘടിച്ച് സംഘടിച്ച് ശക്തരാവുക തന്നെ ചെയ്തു. 'തിരുപ്പതി'യായി എല്ലാർക്കും.




അഭിമുഖമുള്ള എല്ലാ തസ്തികകളും സ്വാധീനവും സ്വജന പക്ഷപാതവും അഴിമതിയും പാർട്ടി ശിപാർശകളും മാത്രമായി റാങ്ക് ലിസ്റ്റിൽ വരാനും ജോലികിട്ടാനുമുള്ള യോഗ്യതകൾ
പാർട്ടി കോട്ടകളിലെ എഴുത്തു പരീക്ഷകൾ ബീഹാറിലെക്കാൾ കേമമായി.



ഇക്കഴിഞ്ഞ തെരഞ്ഞെടുപ്പിനു തൊട്ടുമുമ്പ് ഗാലറിയിൽ കയറിയാണ് ഈ ഏജൻസി ഗോളടിച്ചു കളിച്ചത്.മൈജിയുടെ  സൗജന്യ നിശാ വില്പന മേളയായിരുന്നു;
വിജ്ഞാപനങ്ങളുടെ സുനാമി യായിരുന്നു ഈ അന്ധകാരനഴിയിൽ ആഞ്ഞു വീശിയത്. അപ്ലൈ ചെയ്യിച്ച് ചെയ്യിച്ച് ഉദ്യോഗാർത്ഥികളെ പിഎസ് സി വശം കെടുത്തി.



ക്ലാസ് മുറികൾ ശൂന്യമായാലും, പിള്ളേരില്ലെലും പണിവേണമെന്നാണ് റാങ്കുകാരുടെ ആവശ്യം. ന്യായം. ശൂന്യമായ പഠന മുറികളും പിള്ളാരുടെ കുറവും ഇപ്പോൾ തന്നെ പ്രകടമാണ്. പത്തും പതിനഞ്ചും പിള്ളാരെ വച്ചാണ് നൂറുകണക്കിനു സ്ക്ളുകൾ ഇപ്പോൾ തന്നെ ഉരുണ്ടു  പോകുന്നത്. പിന്നല്ലേ 25 എന്ന അനുപാതം.



പിന്നെ വർഗബോധമുള്ള അധ്യാപഹയരെല്ലാം  സ്വന്തം പൈതങ്ങളെ  പ്രൈവറ്റ് സ്കൂളിൽ അയച്ച ശേഷമാണ് സർക്കാർ പാഠശാലയിൽ ജീവനത്തിന് എത്തുന്നത്.

ക്ലാസ് മുറികളെല്ലാം ടീച്ചേഴ്സ് റൂമുകൾ മാത്രമായി മാറിയേക്കാം.പഠിച്ചു തുലഞ്ഞ ഒരു യുവതയുമാണ് നമ്മുടെ നവകേരളം കുതിക്കുന്നതും കിതക്കുന്നതും

നാട്ടുവഴികളിലെ എൻജിനിയറിംഗ് കോളെജുകളാണ് പിന്നീട്  കോഴി ഫാമുകളായാണ് മാറിയത് . താലൂക്കിൽ മൂന്നു വീതമുള്ള  സ്വകാര്യ ടീച്ചർ ട്രെയിനിംഗ് സെന്ററുകളിലാണ് സ്വപ്നങ്ങളുടെ വാനിറ്റി ബാഗുമായി നാം നമ്മുടെ കുട്ടികളെ പറഞ്ഞയച്ചത്. കണ്ണീരിനും കിനാവിനുമിടയിലാണ് ഇന്നവർ .
ആന കൊടുത്താലും ആശ കൊടുക്കരുതല്ലോ ?


തലമുണ്ഡനം ചെയ്യേണ്ട പി എസ് സി





വൈദേകം എന്നതിന്  പഴയവിദേഹത്തെ അരചന്മാരെന്നും വേദജ്ഞാനികളുമെന്ന്   അന്വയം.

എന്നാൽ  ഈ വൈദേകം
കണ്ണൂരിലെ  ധർമ്മശാലയ്ക്ക് സമീപമുള്ള  ഒരു പ്രമുഖ ആയുർവേദ വെൽനസ് റിസോർട്ടാണ്
ആയുർവേദ ചികിത്സകൾ, യോഗ, സുഖവാസ സൗകര്യങ്ങൾ ഉള്ള ഒരു  ഹീലിംഗ് വില്ലേജ്.

മുതിർന്ന  നേതാവ്  ഇപിയുടെ ഭാര്യ പി.കെ. ഇന്ദിര, മകൻ ജെയ്സൺ എന്നിവർക്ക് ഈ റിസോർട്ടിൽ ഓഹരി യുണ്ടെന്നത്  പഴയ  വിവാദം. .



റിസോർട്ടിലെ മുൻ ജീവനക്കാരിയായ ഈപിയുടെ അനന്തരവളും ശ്രീജിത്തിന്റെ ഭാര്യയുമായ ദീപയെ സാമ്പത്തിക ക്രമക്കേടിന് പുറത്താക്കിയതിന്റെ പ്രതികാരമാണ് ആരോപണങ്ങൾക്ക് പിന്നിലെന്നും മാനേജ്മെന്റ് പറയുന്നു

ഇവിടെ തനിക്ക് യാതൊരുവിധ സാമ്പത്തിക ബന്ധമോ ഷെയറുകളോ ഇല്ലെന്ന് ഈപിയും പറയുന്നു. ..

ജയരാജൻ്റെ ഭാര്യ  കർത്തയുടെ പണം വാങ്ങി എന്ന ആരോപണം നിഷേധിച്ച് വൈദേകം റിസോർട്ട് ജനറൽ മാനേജരുമുണ്ട്... ശ്യാംജിത്തിന്റെ ഫേസ്ബുക്ക് പോസ്റ്റ് പ്രതികാരം മൂലമെന്നും അദ്ദേഹം പറയുന്നു.



മുതലാളിമാർ കാര്യമേതുമില്ലാതെ നാടിന്റെ നാനാഭാഗത്തും വിപ്ലവകാരികളെ തപ്പുന്ന കാലമാണിത്.സൂക്ഷിക്കണം അരയിൽ തിരുകിയ വിപ്ലവ ഏലസ് കക്കാനാവും വരവ് .വിപ്ലവവീര്യത്തിന്റെ പാതിവ്രത്യവും അവർ കവർന്നേക്കാം




മുതലാളിമാരുടെ അതിരില്ലാത്ത കനിവുകളിലാണ് നമ്മുടെ കുട്ടികൾക്ക് ശീമയിൽ പോയി പഠിക്കാൻ കഴിഞ്ഞത്.അവരുടെ സംരംഭങ്ങളിൽ മുന്തിയ പണി തരപ്പെട്ടത്.കമ്പനികളിൽ ഓഹരി കിട്ടിയത്. നിക്ഷേപങ്ങൾ തരപ്പെട്ടത്.

വച്ചടി വച്ചടി വിദേശ യാത്രകളും ശാപ്പാടും പാർപ്പും വാത ചികിൽസയും അങ്ങനെയാണ്  തരമായത്.
കുത്തക മുതലാളിമാരേ, നിങ്ങൾ അനുഗ്രഹിക്കപ്പെട്ടവരാണ്.
സ്വർഗരാജ്യവും നിങ്ങൾക്കായി സംവരണം ചെയ്യപ്പെട്ടിരിക്കുന്നു.



കർത്താവ് ദേശീയ സംസ്ഥാന കമ്മിറ്റി ക്ഷണിതാവല്ലെങ്കിലും എല്ലാ കമ്മറ്റി അംഗങ്ങളുടെയും ക്ഷണിതാവാണ്. ഏതു അഴിമതിയുടെ അപസർപ്പക കഥയിലും  ഒരു  തല കർത്താവാണ് മേലേ തല മറ്റാരാ?ചുക്കില്ലാത്ത കഷായമുണ്ടോ ?

ഇ പി ക്ക് ഒന്നുമറിയില്ല പക്ഷേ നാളും തിഥിയും തെറ്റാതെ വൈദേകത്തിന്റെ കഥ പറയുന്നു. അകത്തെ അക്കാണ്ട് ബുക്കിലെ കണക്കും അറ്റാദായവും കിറുകൃത്യമായി  മാപ്രകൾക്കു മുന്നിൽ. പ്രഖ്യാപിക്കുന്നു .  ഒരു ചാനലിനെതിരെ കടലാസ് കോടുക്കുമെന്നും പറയുന്നു. ഇവനൊക്കെ ഇങ്ങനെ മാന്യൻമാരെ അപമാനിച്ച് നടക്കാതെ നയിച്ച് ജീവിച്ചു കൂടേ?

വെറുതെ കിടന്നു ബലം പിടിക്കാതെ അനന്തവരനെയും കളത്രത്തെയും വി ളിച്ച് വിരുന്നു കൊടുത്ത് പറഞ്ഞു തീർക്കരുതോ ? വെറുതെ ഒലക്ക എടുത്ത് കാലിലിടുന്നതെന്തിന്?

പാർട്ടിക്കാർ തൊട്ടതെല്ലാം പണമായും പണിയായും പണതൂക്കമായും മാറിക്കഴിഞ്ഞു.
ഇപ്പോൾ സാമ്രാജ്യത്വ വിരുദ്ധ കുത്തക വിരുദ്ധ പ്രക്ഷോഭത്തിന്റെ സമയമാണ്.  രണ്ടാം സ്വാതന്ത്ര്യ സമരത്തിനും. സമയമായി.
ഒതളങ്ങ വർത്തമാനം നിർത്തി അന്തിമ പോരാട്ടത്തിനിറങ്ങുക സഖാക്കളെ!

വലിയ ബലം വേണ്ട. ചെറുങ്ങനെ വിളിക്കാം

മുതലാളിത്തം മൂർദ്ദാബാദ്...
സോഷ്യസിസം സിന്ദാബാദ്...


അമ്മാവനാരാ മരുമോൻ!



 തൊണ്ണൂറുകളിലെ തമിഴ് ഗ്രാമീണ പശ്ചാത്തലത്തിലെ രണ്ടു സുഹൃത്തുക്കളുടെ കഥയാണ് ഡോറോത്തി പറയുന്നത്. വളരെ റസ്റ്റിക് ആയ ഒരു ഗ്രാമീണജീവിതത്തില്‍ നിന്നും ആരംഭിക്കുന്ന സിനിമ സാര്‍വലൗകികമായ ഒരു തലത്തിലേക്ക് ഉയര്‍ത്തപ്പെടുകയാണ്. 



ഷോക്ക്, കണ്‍ഫ്രണ്ടേഷന്‍, അക്‌സെപ്റ്റന്‍സ് എന്നിങ്ങനെ വിവിധ തലങ്ങളിലൂടെ വികസിക്കുന്ന ഒരു സീനിന്റെ ഇമോഷണല്‍ കണ്ടിന്യൂയിറ്റി ടോപോഗ്രഫിയുടെ വിവിധ തലങ്ങളില്‍ ; നിരത്തില്‍, പടികളില്‍, മലമുകളില്‍ എന്നിങ്ങനെ പ്രസന്റ് ചെയ്യുന്നതു പോലുള്ള രസകരമായ സീക്വന്‍സുകള്‍  ഡോറോത്തിയില്‍ കാണാം.

 



ആക്ഷന്‍ സീനുകള്‍ ചിത്രീകരിച്ചിരിക്കുന്നത് അപൂര്‍വമായൊരു രീതിയിലാണ്. അത്രമേല്‍ റിയലിസ്റ്റിക്കും നാടകീയവുമാണത്.

സിനിമയുടെ ക്ലൈമാക്‌സിനോടടുത്തൊരു രംഗമുണ്ട്,  രണ്ടു കഥാപാത്രങ്ങള്‍ കൂറ്റന്‍ പാറക്കെട്ടുകള്‍ക്കു മുന്നില്‍ സംസാരിക്കുന്ന ഒരു ഫ്രെയിം. സമൂഹം എന്തു വിചാരിക്കുമെന്നതാണ് വിഷയം. ഈ വലിയ ലോകത്തില്‍ ഒരു പാട്രിയാര്‍ക്കിയല്‍ സമൂഹത്തിന്റെ കണ്‍സേണ്‍ എന്നത് അത്ര വലിയ കാര്യമൊന്നുമല്ലെന്ന് പറയാതെ പറയുന്നതാണ് ആ ഫ്രെയിം. Sublime എന്ന തച്ചുശാസ്ത്ര സിദ്ധാന്തമാണത്. വലിയ ക്ഷേത്രഗോപുരങ്ങളും അകത്തളങ്ങളും സാധാരണ മനുഷ്യനോട് നീ നിസ്സാരനാണെന്ന് പറയുന്ന പോലെ. കാര്‍ത്തിക് അതെടുത്ത് തിരിച്ച് പ്രയോഗിക്കുകയാണിവിടെ.  



ഡൊറോത്തി



ഭരണഘടനയുടെ ആർട്ടിക്കിൾ 163 പ്രകാരം മന്ത്രിസഭയുടെ ഉപദേശ നിർദ്ദേശങ്ങൾക്കനുസരിച്ച് മാത്രമേ ഗവർണർക്ക് പ്രവർത്തിക്കാനാകൂ. ഈ വിഷയത്തിൽ ഗവർണർക്ക് സ്വതന്ത്രമായ അധികാരമില്ല. സംസ്ഥാന സർക്കാരുകൾ മാറിവരുമ്പോൾ നിലവിലുള്ള പി.എസ്.സി അംഗങ്ങളെ പുറത്താക്കുന്ന പതിവ് കേരളത്തിലില്ലെന്നും രാഷ്ട്രീയ വൈരനിര്യാതന ബുദ്ധിയോടെ പി.എസ്.സിയെ സമീപിച്ച ചരിത്രം സംസ്ഥാനത്തിനില്ലെന്നും പിണറായി വ്യക്തമാക്കുന്നു.



കേരളത്തിലെ പബ്ലിക് സർവീസ് കമ്മിഷൻ നടത്തിയ പല നിയമനങ്ങളും സംശയമുനയിൽ നിൽക്കേ വർഷങ്ങളായി ഉറക്കമിളച്ച്  പരീക്ഷയെഴുതിയ പതിനായിരക്കണക്കിന് ഉദ്യോഗാർത്ഥികളുടെ ആശങ്കകളും അവസര നഷ്ടവും എന്തുകൊണ്ടാണ് ഇടതുപക്ഷത്തിന്  പ്രശ്നമേ അല്ലാതാവുന്നതെന്ന് മനസ്സിലാവുന്നില്ല. ഭരണഘടനാസ്ഥാപനമാണ്. അതിൽ രാഷ്ട്രീയം നോക്കേണ്ടതുമില്ല. പി.എസ്.സിയുടെ ഭരണഘടനാപരമായ അവകാശം സംരക്ഷിക്കാൻ അവർക്ക് സംവിധാനവുമുണ്ട്. എന്നാൽ നിയമനങ്ങളിൽ ഗുരുതരമായ ക്രമക്കേടുകളുണ്ടെന്ന് ആഭ്യന്തര വിജിലൻസ് പോലും കണ്ടെത്തുമ്പോൾ പിന്നെന്തിനാണ് ഭരണ -പ്രതിപക്ഷങ്ങൾ യുവജന വിരുദ്ധ നിലപാടുകളിലേക്ക് പോകുന്നത്. എന്തുകൊണ്ടാണ് അതിനെതിരേ ശക്തമായ നിലപാടുകളെടുക്കാത്തത്?



അവനവന്റെ സൗകര്യത്തിനും തൃപ്തിക്കുമനുസരിച്ചാണ് നമ്മുടെ ഏത് അഭിപ്രായവും.

ഇന്ത്യയിൽ ആര് എന്ത് ഭക്ഷണം കഴിക്കണം ഏത് വസ്ത്രം ധരിക്കണമെന്നൊക്കെ തീരുമാനിക്കുന്നത് സംഘ പരിവാർ ശക്തികളാണ് എന്നാണ് കഴിഞ്ഞ കുറേക്കാലമായി നമ്മൾ കേൾക്കുന്നത്. ബീഫ് ഫെസ്റ്റിവൽ നടത്തിയും മറ്റും നമ്മൾ അതിനെതിരേ പ്രതിഷേധിക്കുകയും പ്രതികരിക്കുകയും ചെയ്യുന്നുമുണ്ട്. എന്നാൽ ആരെങ്കിലും സസ്യാഹാരിയാണെന്ന് കേട്ടാൽ നമ്മൾ ഹാലിളകുന്നത് എന്തുകൊണ്ടാണ്.



ഇടതു മുന്നണിയുടെ ജനകീയ പ്രക്ഷോഭത്തിൽ പങ്കെടുക്കാനെത്തിയ പിണറായി വിജയൻ ഉച്ച ഭക്ഷണത്തിന് മുന്തിയ മീൻ കിട്ടാത്തതിന് ക്ഷുഭിതനായതും അടുത്ത ദിവസം ജില്ലാ നേതാവു തന്നെ നേരിട്ടിടപെട്ട് ഒന്നാം തരം മീൻ തരപ്പെടുത്തി നൽകിയപ്പോൾ സന്തോഷം പ്രകടിപ്പിച്ചതും തുറന്നു പറഞ്ഞത് മുന്നണിയിൽ തന്നെയുള്ള മുതിർന്ന നേതാവ് സി ദിവാകരനാണ്. പഴയ ഗവർണർ, മുൻ കോൺഗ്രസ്സുകാരൻ കൂടിയായ ആരിഫ് മുഹമ്മദ് ഖാൻ അന്നത്തെ രാജ്ഭവനിൽ മട്ടനും ചിക്കനും ഇഷ്ടവിഭവങ്ങളാക്കിയയാളാണ്. കേരളത്തിൽ തൂഫാൻ ആഞ്ഞു വീശും മുൻപ് വൈകിട്ടത്തെ പരിപാടിയിൽ പതിവായി ലേശം മദ്യം ഉൾപ്പെടുത്തിയ ഗവർണറും ഉണ്ടായിരുന്നത്രേ.
കെ.സി വേണുഗോപാലുൾപ്പെടെ നമുക്കാർക്കും അതിൽ പ്രതിഷേധം തോന്നേണ്ടതില്ല. 



Latest News