സകല റെക്കോർഡുകളും ഭേദിച്ചു മുന്നേറുകയാണ് മോഹൻലാൽ നായകനായ വിവാദ പൃഥ്വിരാജ് ചിത്രം എമ്പുരാൻ. പുതിയകാല മാർക്കറ്റിംഗ് സങ്കേതങ്ങൾ ഇത്ര ഫലപ്രദമായി പ്രയോജനപ്പെടുത്തിയ മറ്റൊരു മലയാള സിനിമയില്ല. 'ആൾക്കാരെ പിരി കയറ്റി കാശടിക്കാനുള്ള പരിപാടിയാണ് വിവാദ'ങ്ങളെന്ന് സിനിമാതാരം കൂടിയായ കേന്ദ്രമന്ത്രി സുരേഷ് ഗോപി പറഞ്ഞത് വെറുതെയല്ല.
ആൾക്കാരുടെ വികാരങ്ങളെയാണ് എമ്പുരാൻ മാർക്കറ്റ് ചെയ്യുന്നത്. 

എമ്പുരാൻ സിനിമയിൽ ഗുജറാത്ത് കലാപത്തെ ഏകപക്ഷീയമായി ചിത്രീകരിക്കുക മാത്രമല്ല മുഖ്യമന്ത്രി പിണറായി വിജയന്റെ സ്തുതിപാടൽ  തിരുവാതിരയെ കളിയാക്കുകയും കോൺഗ്രസിനിട്ട് കണക്കിന് കൊടുക്കുകയും ചെയ്യുന്നുണ്ട്. എങ്കിലും കോൺഗ്രസിനും ഇടതുപക്ഷത്തിനും കയ്ച്ചിട്ട് ഇറക്കാനും മധുരിച്ചിട്ട് തുപ്പാനും വയ്യാത്ത അവസ്ഥയാണ്.
മകൻ മരിച്ചാലും മരുമകളുടെ കണ്ണീര് കണ്ടാൽ മതിയല്ലോ.

ചിത്രത്തിൽ 15ൽ പരം വെട്ടുകൾ വെട്ടി തീയേറ്ററിൽ വീണ്ടുംഎത്തിക്കുമ്പോൾ വെട്ടിയത് എന്തെന്നറിയാൻ വീണ്ടും തലകൊണ്ട് വെച്ചുകൊടുക്കും മലയാളി. അതാണ് മാർക്കറ്റിംഗിന്റെ  മേന്മ. വെ
വെട്ടാത്ത എച്ച് ഡി പ്രിന്റ് ഇപ്പോൾ എല്ലായിടത്തും കറങ്ങിനടപ്പുണ്ട്. ഇന്ത്യക്ക് പുറത്തേക്ക് പോയ പ്രിന്റുകൾ വെട്ടേല്ക്കാതെ സംഘകളെ നോവിക്കുകയും ചെയ്യും.

പറയുക മാത്രമല്ല, വേണമെങ്കിൽ അതും ചെയ്തു കളയും പൃഥ്വിരാജും മുരളി ഗോപിയും. ശാസ്ത്രം ഇത്രയേ ഉള്ളൂ കാശു വാരുക ! സിനിമയെ സിനിമയായി കാണണം എന്ന വാദമാണ് ഇപ്പോൾ എമ്പുരാനെ അനുകൂലിക്കുന്നഎല്ലാവരും ഉയർത്തുന്നത്. എന്നാൽ സിനിമയെ സിനിമയായി കാണാൻ സിനിമയ്ക്ക് സിനിമയുടേതായ ഗുണങ്ങൾ വേണമെന്ന കാര്യം ഇപ്പോൾ എല്ലാവരും മറന്ന മട്ടാണ്.

Empuran franchisy3 will settle all issues.

L3 വരും... എല്ലാം ശരിയാകും.

പ്രദർശനം തുടങ്ങുന്നതിന് മുൻപ് ആരാധകർക്കും സിനിമാ പ്രേമികൾക്കുമിടയിൽ മലയാള സിനിമാ ചരിത്രത്തിൽ ഇതുവരെ കാണാത്ത ‘ഓളം’ ആണ് എമ്പുരാൻ ഉണ്ടാക്കിയത്. പ്രീ-റിലീസ് ടിക്കറ്റ് ബുക്കിംഗിലും സിനിമ ചരിത്രമായി. ദേശീയ തലത്തിൽ സിനിമ ചർച്ച ചെയ്യപ്പെട്ടു.പൃഥീരാജ് സുകുമാരൻ സംവിധാനം ചെയ്ത് അഞ്ച് ഭാഷകളിൽ നിർമ്മിച്ച എമ്പുരാൻ, മാർച്ച് 27 ന് രാജ്യത്ത് പ്രദർശനം ആരംഭിച്ചു.
കേരളത്തിൽ രാവിലെ 6 മണിക്ക് തുടങ്ങിയ ആദ്യ ഷോ കഴിഞ്ഞപ്പോൾ തന്നെ പ്രേക്ഷകരിൽ നിന്ന് സിനിമക്കെതിരെ
കടുത്ത പ്രതിഷേധം ഉയർന്നു. 
ഇക്കാലത്ത് ഒരു സിനിമയുടെ ജയ-പരാജയങ്ങൾ തീരുമാനിക്കപ്പെടുന്നത് സോഷ്യൽ മീഡിയയിൽ കൂടിയാണല്ലോ. സ്വാഭാവികമായും അവിടെ പ്രതിഷേധം അണ പൊട്ടി.
രണ്ട് വിഷയങ്ങൾ ചൂണ്ടിക്കാട്ടി ആയിരുന്നു പ്രതിഷേധം-
1.മോഹൻലാലിനെ ചതിച്ചു.
2.ഹിന്ദു വിരുദ്ധ പ്രൊപ്പഗാണ്ട.


47 വർഷങ്ങളായി മലയാള സിനിമയിൽ നിറഞ്ഞ് നിൽക്കുന്ന അഭിനയ പ്രതിഭയാണ് മോഹൻലാൽ. സിനിമാ പ്രേക്ഷകരുടെ ‘പ്രിയ താരവും’ ആരാധകരുടെ’ സൂപ്പർ സ്റ്റാറുമായ’
അദ്ദേഹത്തിൻ്റെ ഓരോ സിനിമയും മലയാളത്തിൽ ആഘോഷിക്കപ്പെട്ടിട്ടുണ്ട്.
എന്നാൽ വൻ പ്രതീക്ഷയായിരുന്ന എമ്പുരാൻ
ആരാധകരുടെ അപ്രീതിക്ക് പാത്രമായി. മുഴുനീള മോഹൻലാൽ ചിത്രം പ്രതീക്ഷിച്ച് സിനിമയെ സ്വീകരിച്ച ആരാധകർ എമ്പുരാനിൽ അദ്ദേഹത്തിൻ്റെ ‘ഗസ്റ്റ് റോൾ’ കണ്ട് ഞെട്ടി. മൂന്ന് മണിക്കൂർ ദ്യൈർഘ്യമുള്ള സിനിമയിൽ 
മോഹൻലാലിന് ആകെ കുറച്ച് സീനുകൾ മാത്രം,
ഡയലോഗുകളും കുറവ്. വെറും അര മണിക്കൂർ താഴെ മാത്രം
’ സ്ക്രീൻ പ്രസൻസ്’. സഹിക്കുമോ ആരാധകർ, അവർ ആക്രോശിച്ചു; ‘പൃഥിരാജ് മോഹൻലാലിനെ ചതിച്ചു’.

എമ്പുരാനിൽ കൂടി മോഹൻലാൽ ചതിക്കപ്പെട്ടു എന്ന ആരോപണം ഉന്നയിച്ച മറ്റൊരു കൂട്ടർ ‘ഓൺലൈൻ സംഘികൾ എന്ന വിളിപ്പേരുള്ള രാജ്യസ്നേഹികൾ’ ആയിരുന്നു. സോഷ്യൽ മീഡിയയിലെ ‘സവർണ്ണനായ’ എക്സ്( ട്വിറ്റർ) ൽ കൂടിയായിരുന്നു അവരുടെ പ്രതിഷേധം.ED, NIA, CBI എന്നീ കേന്ദ്ര അന്വേഷണ ഏജൻസികളെ സിനിമയിൽ മോശമായി അവതരിപ്പിച്ചിരിക്കുന്നു, ലഫ്റ്റനന്റ് കേണൽ പദവി അലങ്കരിക്കുന്ന മോഹൻലാൽ എന്ത് കൊണ്ട് ഇതിന് കൂട്ടുനിന്നു? 
എന്നീ ആരോപണങ്ങൾ ഉന്നയിച്ചായിരുന്നു പ്രതിഷേധം. മാത്രമല്ല,മോഹൻലാൽ സംഘിയാണെന്ന അവരുടെ വിശ്വാസവും പൊളിഞ്ഞു. ലാലേട്ടനെ പൃഥീരാജ്  ചതിക്കുകയായിരുന്നത്രെ.
ഇവിടെയും ‘വില്ലൻ’ പൃഥീരാജ് തന്നെ.


സിനിമയുടെ സ്റ്റോറി ബിൽഡ് അപിൽ ദൃശ്യവത്ക്കരിച്ചിരിക്കുന്ന സംഭവത്തെ കുറിച്ചായിരുന്നു പ്രധാന വിമർശനങ്ങൾ.2002 ൽ ഗുജറാത്തിലെ ഗോധ്രയിൽ നടന്ന കൂട്ടക്കൊലയെ തെറ്റായ രീതിയിൽ, രാഷ്ട്രീയ ദുരുദ്ദേശത്തോടെ അവതരിപ്പിച്ച സംവിധായകനെ ‘എയറിൽ’ കയറ്റുന്ന രീതിയിലായിരുന്നു എക്സിലെ പ്രതിഷേധം. മലയാളത്തിലും ഇംഗ്ലീഷിലും പ്രധാനമന്ത്രി, ആഭ്യന്തര മന്ത്രി, അന്വേഷണ ഏജൻസികൾ എന്നിവരെ ടാഗ് ചെയ്ത് പോസ്റ്റുകളുടെ പ്രളയം തീർത്തു. എമ്പുരാൻ്റെ’ അജണ്ട’ സംഘികൾ ചർച്ചയാക്കി. സംസ്ഥാന ബി ജെ പി നേതൃത്വത്തെ അവർ പ്രതികൂട്ടിലാക്കി. കാരണം സിനിമ സെൻസർ ചെയ്ത പാനലിൽ ഉണ്ടായിരുന്ന നോമിനികൾ എല്ലാം ബി ജെ പി യിലെ പ്രധാനികൾ. രാജ്യവിരുദ്ധവും ഹിന്ദു വിരുദ്ധവുമായ, സത്യത്തെ വളച്ചൊടിക്കുന്ന സിനിമയെ, സിനിമയായി കാണാൻ കഴിയില്ല എന്ന അവരുടെ നിലപാട് ദേശീയ തലത്തിൽ ശ്രദ്ധിക്കപ്പെട്ടു. RSS ൻ്റെ മുഖപത്രമായ ഓർഗനൈസറിൽ എമ്പുരാൻ സിനിമക്കെതിരെ ലേഖനം പ്രത്യക്ഷപ്പെട്ടു. അതിൽ 
പൃഥീരാജിൻ്റെ രാജ്യവിരുദ്ധ രാഷ്ട്രീയം വിശദമായി പ്രതിപാദിക്കപ്പെട്ടു- 
വാര്യൻ കുന്നൻ മുതൽ CAA വിരുദ്ധ നിലപാട് വരെ.


നിൽക്കകള്ളിയില്ലാതെ സിനിമയുടെ നിർമ്മാതാവ് ഗോകുലം ഗോപാലൻ തെറ്റ് പറ്റിയെന്ന് സമ്മതിച്ച് രംഗത്തെത്തി. തിരുത്തലുകൾ വരുത്താൻ സംവിധായകന് നിർദ്ദേശം നൽകി. ഫലമോ, സിനിമയിൽ 17 ‘കട്ടുകൾ’, ചില്ലറ
മാറ്റങ്ങൾ എന്നിവ നടത്താൻ തീരുമാനിച്ചു. വ്യാഴാഴ്ച മുതൽ 
‘ തിരുത്തൽ എമ്പുരാൻ’ തീയേറ്ററുകളിൽ കളിക്കും എന്നറിയുന്നു. അപ്പോഴേക്കും നിർമ്മാതാക്കളുടെ അജണ്ട പരമാവധി പ്രചരിപ്പിക്കപ്പെടും.


കലാകാരൻ്റെ സ്വാതന്ത്ര്യത്തിൽ കൈകടത്തരുത് എന്നാണല്ലോ പ്രമാണം. ഒരു തരം നിർവ്വചിക്കപ്പെടാത്ത സ്വാതന്ത്ര്യം. അതിനാലായിരിക്കാം ആ സ്വാതന്ത്ര്യം ദുരുപയോഗം ചെയ്യപ്പെടുന്നത്.മനുഷ്യനെ സ്വാധീനിക്കാൻ കഴിവുള്ള മാധ്യമമാണ് സിനിമ. സങ്കുചിത രാഷ്ട്രീയ താത്പര്യങ്ങൾക്ക് വേണ്ടി ചരിത്ര സത്യങ്ങളെ വക്രീകരിച്ച് സിനിമകൾ ചിത്രീകരിക്കുമ്പോൾ തെറ്റിദ്ധരിപ്പിക്കപ്പെടുന്നത് നമ്മുടെ പുതു തലമുറയാണ്. സ്ത്രീകളും കുട്ടികളും ഉൾപ്പെടെ നിരപരാധികളായ 59 ഹിന്ദു തീർത്ഥാടകരെ സബർമതി എക്സ്പ്രസ് ട്രെയിനിന്റെ S6 ബോഗിയിൽ പച്ചയ്ക്ക് കത്തിച്ച് കൊലപ്പെടുത്തിയ മതഭ്രാന്തിനെ  ‘വെളുപ്പിക്കാൻ’ ശ്രമിച്ച എമ്പുരാൻ്റെ ദുരുദ്ദേശ്യം കടന്ന കൈ ആയിപ്പോയി. ചരിത്ര സംഭവങ്ങളുടെ ചിത്രീകരണം തെളിവുകളും രേഖകളും പരിശോധിച്ചാകണം ചെയ്യേണ്ടത്. ഇക്കാര്യം അറിയാത്ത ആളല്ല പൃഥ്വീരാജ് സുകുമാരൻ.   അന്വേഷണ കമ്മീഷനുകൾ കണ്ടെത്തിയ സത്യം മുന്നിലുള്ളപ്പോൾ, ഗോധ്ര കൂട്ടക്കൊലയെ വക്രീകരിച്ച് ഹിന്ദു വിരുദ്ധമാക്കിയ വൈഭവത്തെ ‘പ്രൊപ്പഗാണ്ട’ എന്ന് വിശേഷിപ്പിക്കുന്നതിൽ ന്യായമുള്ളതായി കാണാം.
റിലീസിന് മുൻപ് സോഷ്യൽ മീഡിയയിലും ദേശീയ മാധ്യമങ്ങളിലും തിളങ്ങി നിന്ന പൃഥീരാജിനും മോഹൻലാലിനും സിനിമയുടെ പ്രദർശനം തുടങ്ങിയ ശേഷം മാളത്തിൽ ഒളിക്കേണ്ടി വന്നത്, ചെയ്ത പ്രവൃത്തിയുടെ ഗൗരവം മനസ്സിലാക്കിയാകണം.


Mohanlal’s film Empuraan, directed by Prithviraj Sukumaran, has generated intense controversy for its portrayal of the 2002 post-Godhra riots and its perceived anti-Hindu political agenda. 

ഓടാൻ തുടങ്ങും മുമ്പേ മുട്ട് മടക്കി ‘എമ്പുരാൻ’


മലയാള സിനിമാ പ്രേമികളും മോഹൻലാൽ ആരാധകരും കാത്തിരുന്ന എമ്പുരാൻ സിനിമയുടെ പ്രദർശനം ഇന്ന് മുതൽ ആരംഭിച്ചു. രാവിലെ ആറ് മണിക്ക് തുടങ്ങിയ ആദ്യ പ്രദർശനം കണ്ടിറങ്ങിയ പ്രേക്ഷകർ ഒന്നടങ്കം പറയുന്നു,'കിടിലം പടം'.

ചിത്രീകരണം, ശബ്ദലേഖനം, എന്നിവ ഹോളിവുഡ് നിലവാരത്തിൽ ഉള്ളവയാണെന്ന് പ്രേക്ഷകർ പ്രതികരിച്ചു. സിനിമയുടെ ആദ്യ പകുതി സ്റ്റോറി ബിൽഡ് അപ് ആയതിനാൽ ലേശം ഇഴയുന്ന 'ഫീൽ' അനുഭവപ്പെട്ടതായും പറയുന്നു." "ഗർഭിണി, ശൂലം തുടങ്ങിയ പഴകി തേഞ്ഞ അടിസ്ഥാനമില്ലാത്ത കാര്യങ്ങളെ കുറിച്ചുള്ള പ്രതിപാദനം പ്രൊപ്പഗാണ്ട പോലെ തോന്നി". ഒരു പ്രേക്ഷകൻ പ്രതികരിച്ചു. CBI, ED എന്നീ കേന്ദ്ര ഏജൻസികൾക്കെതിരെ
 പരിഹാസം ആവോളം ഉണ്ടെന്നും അദ്ദേഹം പറഞ്ഞു. എന്തായാലും സിനിമയെ ജനം വലിയ തോതിൽ സ്വീകരിക്കുന്ന ലക്ഷണമാണ് പ്രേക്ഷകരുടെ പ്രതികരണങ്ങൾ വ്യക്തമാക്കുന്നത്.

Empuran,the big budget movie of Mohanlal released today in cinemas in India.responses from the audience after the first screening show that it will hit the Box office 

എമ്പുരാൻ കസറി... പ്രേക്ഷകരുടെ ആദ്യ പ്രതികരണം


വ്യാഴാഴ്ച തിയേറ്ററുകളിലെത്തുന്ന മലയാളത്തിലെ എക്കാലത്തെയും ബിഗ് ബജറ്റ് ചിത്രമായ എമ്പുരാനിൽ കാമിയോ ആയി എത്തുന്ന താരം ആരാണ് എന്നതറിയാൻ പ്രേക്ഷകർ കാത്തിരിക്കാൻ തുടങ്ങിയിട്ട് നാളുകളേറെ യാവുന്നു. 

മെഗാ സ്റ്റാർ മമ്മൂട്ടിയാണ് അതിഥി വേഷത്തിലെത്തി എമ്പുരാന്റെ ഓളം മാനം മുട്ടിക്കുകയെന്ന ഗോസിപ്പ് ഏറെ നാളായി അന്തരീക്ഷത്തിലുണ്ട്.
മലയാളത്തിലെ തന്നെ യുവ 
താരം ഫഹദ് ഫാസിലാണ് എമ്പുരാനിലെത്തുകയെന്നും പോസ്റ്ററിൽ വ്യാളീമുഖചിത്രം ധരിച്ച് തിരിഞ്ഞു നില്ക്കുന്ന കഥാപാത്രത്തെ കണ്ട് പ്രേക്ഷകർ അനുമാനിച്ചു. അതേ സമയം ബോളിവുഡ് സൂപ്പർ സ്റ്റാർ ഷാരൂഖ് ഖാനാണ് എമ്പുരാനിലെ സർപ്രൈസെന്നും പ്രവചനങ്ങൾ വന്നു. 

സിനിമയുടെ  പ്രാമോഷനുമായി ബന്ധപ്പെട്ട വാർത്താ സമ്മേളനങ്ങളിലും അഭിമുഖങ്ങളിലും ഇതുസംബന്ധിച്ച ചോദ്യമുയർന്നിരുന്നുവെങ്കിലും പൃഥ്വിരാജും മോഹൻലാലുമുൾപ്പെടെ ഒരാളും ആ സസ്പെൻസ് വെളിപ്പെടുത്താൻ തയാറായില്ല.





ചിത്രത്തിന്റെ നിർണ്ണായകമായ അവസാന ഭാഗത്താണ് പ്രണവ് മോഹൻലാൽ പ്രത്യക്ഷപ്പെടുന്നത്. മോഹൻലാൽ കഥാപാത്രത്തിന്റെ കൗമാര കാലമവതരിപ്പിക്കുന്ന നടനായാണ് പ്രണവിനെ ചിത്രത്തിൽ അവതരിപ്പിക്കുന്നത്. 

ലൂസിഫറിന് മൂന്നാം ഭാഗമുണ്ടായാൽ അതിൽ പ്രണവിന് പ്രാധാന്യമുണ്ടാവുമെന്ന സൂചനകളും എമ്പുരാൻ നൽകുന്നു.

എമ്പുരാന്റെ ആദ്യ അരമണിക്കൂർ പൂർണ്ണമായും ഹിന്ദിയിലാണെന്ന് വാർത്തകളുണ്ടായിരുന്നു. രാജ്യത്ത് പ്രമാദമായ ഗോധ്രാ കലാപമാണ് ഈ ഭാഗത്ത് ദൃശ്യവത്കരിച്ചിരിക്കുന്നതെന്ന വിവരമുണ്ട്.

അതേസമയം എല്ലാ പ്രവചനങ്ങളെയും അസാധുവാക്കിക്കൊണ്ട്, ഡ്രാഗൺ ചിത്രമുള്ള വേഷം ധരിച്ച് പിന്തിരിഞ്ഞു നില്ക്കുന്നത് ഒരു ജാപ്പനീസ് അഭിനേതാവാണെന്നും വ്യക്തമായിട്ടുണ്ട്.

Reachmalayalam break the suspense in EMPURAN the big budget movie.

എമ്പുരാനിലെ സർപ്രൈസ് പൊളിയുന്നു.

വമ്പൻ ഹൈപ്പിലാണ് പൃഥ്വിരാജ്‌സംവിധാനം ചെയ്യുന്ന ചിത്രം L2 എമ്പുരാൻ റിലീസിനൊരുങ്ങുന്നത്. മോഹൻലാൽ നായകനായെത്തുന്ന ലൂസിഫർ സിനിമയുടെ ഈ രണ്ടാം ഭാഗം പലതു കൊണ്ടും ഏറെ നാളായി വാർത്തകളിൽ നിറഞ്ഞു നില്ക്കുകയാണ്.


മോഹൻലാൽ സുഹൃത്തുക്കൾക്കൊപ്പമെത്തിയത്. പമ്പയിൽ നിന്ന് സ്വാമി അയ്യപ്പൻ റോഡ് വഴി കാൽനടയായെത്തിയ മോഹൻലാലിനെ സന്നിധാനത്ത് ദേവസ്വം പ്രതിനിധികൾ സ്വീകരിച്ചു. മേൽശാന്തി അദ്ദേഹത്തിന് പ്രസാദം നൽകി. മലയാളത്തിന്റെ പ്രിയ നടനും സുഹൃത്തുമായ മമ്മൂട്ടിക്കായി  വിശാഖം നക്ഷത്രത്തിൽ അർച്ചനയും മോഹൻലാൽ നടത്തി.

എമ്പുരാന്റെ ട്രയിലർ സൂപ്പർ താരത്തെ കാണിച്ച് അനുഗ്രഹം വാങ്ങാനായിരുന്നു സന്ദർശനമെന്ന് പിന്നീട് ഫേസ്ബുക്കിൽ കുറിച്ചു. 'എമ്പുരാന്റെ ട്രയിലർ ആദ്യമായി കാണിക്കേണ്ടത് രജനീകാന്തിനെയല്ലാതെ മറ്റാരെയാണ്. അദ്ദേഹത്തിന്റെ ഫാൻ ബോയ് എന്ന നിലയ്ക്ക് അദ്ദേഹത്തിന്റെ വാക്കുകൾ എനിക്ക് ആവേശം നൽകുന്നു. ധന്യമായ നിമിഷമാണിത്....' പൃഥ്വിരാജ് കുറിക്കുന്നു.


അമേരിക്കയിൽ റിലീസിന് ദിവസങ്ങൾ ബാക്കിനിൽക്കേ 1500 ൽപ്പരം ടിക്കുകൾ വിറ്റു കഴിഞ്ഞു. ഒരു ഇന്ത്യൻ ചിത്രത്തിനു ലഭിക്കുന്ന ഏറ്റവും മികച്ച പ്രീ റിലീസ് ടിക്കറ്റു വില്ലനയാണിതെന്ന് റിപ്പോർട്ടുകളുണ്ട്.

mohanlal visits Sabarimala and prithvi meets Rajani

എൽ ടു എമ്പുരാൻ: മോഹൻലാൽ ശബരിമലയിൽ; പൃഥ്വി രജനീ സന്നിധിയിൽ




" എൻ്റെ ഈ ജീവിതം ഒരു ഹിറ്റാണ്... ഇന്ത്യൻ സിനിമയുടെ ചരിത്രമെഴുതുമ്പോൾ തീർച്ചയായും അതിൽ ഞാൻ പരാമർശിക്കപ്പെടും."മിഥുൻ ചക്രവർത്തി 
ഒരു മാധ്യമത്തോട് മുൻപ് പറഞ്ഞിരുന്നു .
 പ്രശസ്ത നടനായ മിഥുൻ, മൂന്ന് ദേശീയ അവാർഡുകൾ നേടിയിട്ടുണ്ട് . 2000 ത്തിൻ്റെ അവസാനത്തിൽ ടെലിവിഷനിലേക്ക് കടക്കുന്നതിന് മുമ്പ് ബോളിവുഡിനും ബംഗാളി സിനിമയ്ക്കും ഇടയിൽ തൻ്റെ കരിയറിനെ സമർത്ഥമായി സന്തുലിതമാക്കിയ നടനാണ് മിഥുൻ ചക്രവർത്തി. ഡാൻസ് ഇന്ത്യ ഡാൻസ് എന്ന  റിയാലിറ്റി ഷോയുടെ വിധി കർത്താവായിരുന്നു അദ്ദേഹം. പ്രൈം വീഡിയോയിൽ ലഭ്യമായ ബെസ്റ്റ് സെല്ലർ എന്ന സൈക്കോളജിക്കൽ ത്രില്ലർ സീരീസിലൂടെ മിഥുൻ ചക്രവർത്തി ഡിജിറ്റൽ സ്ട്രീമിംഗ് ലോകത്തേക്ക് തൻ്റെ ആദ്യ കാൽവെയ്പ് നടത്തി.

മൃണാൾ സെൻ സംവിധാനം ചെയ്‌ത 1976-ലെ ദേശീയ അവാർഡ് നേടിയ മൃഗയ എന്ന സിനിമയിൽ കൂടിയാണ് മിഥുൻ  തൻ്റെ കരിയർ ആരംഭിച്ചത്.  ഈ ചിത്രത്തിൽ കൂടി  മികച്ച നടനുള്ള   ദേശീയ ചലച്ചിത്ര അവാർഡ് ആദ്യമായി നേടി. 1979-ലെ സ്‌പൈ ത്രില്ലറായ സുരക്ഷാ, തുടർന്ന് ഡിസ്കോ ഡാൻസർ, ഡാൻസ് ഡാൻസ്, പ്യാർ ജുക്താ നഹിൻ, കസം പൈദ കർനെ വാലെ കി, കമാൻഡോ തുടങ്ങിയ സിനിമകൾ ഹിറ്റായി .
1980-കളിൽ അദ്ദേഹം താര പദവിയിലേക്കുള്ള തൻ്റെ ഉയർച്ച ഉറപ്പിച്ചു. ഒരു പതിറ്റാണ്ടിനിടെ നൂറിലധികം സിനിമകളിൽ നായക വേഷം ചെയ്ത് മിഥുൻ റെക്കോർഡ് സൃഷ്ടിച്ചു. "ഐ ആം എ ഡിസ്കോ ഡാൻസർ", "ജിമ്മി ജിമ്മി" തുടങ്ങിയ ഗാനങ്ങളിലെ അദ്ദേഹത്തിൻ്റെ നൃത്ത പ്രകടനങ്ങൾ അദ്ദേഹത്തെ 'ഡിസ്കോ ഡാൻസർ' എന്ന പേരിൽ ആരാധകർക്കിടയിൽ ജനപ്രിയനാക്കി.

പുരസ്ക്കാര വാർത്തയോട്
 പ്രതികരിച്ചുകൊണ്ട് മിഥുൻ ANI യോട് പറഞ്ഞു,"എനിക്ക് എന്ത് തോന്നുന്നുവെന്ന് പ്രകടിപ്പിക്കാൻ കഴിയുന്നില്ല .  നാ മെയിൻ ഹാസ് സക്ത ഹൂൻ, ന ഖുഷി മേം റോ സക്താ ഹുൻ (എനിക്ക് ചിരിക്കാനും കഴിയുന്നില്ല സന്തോഷത്താൽ കരയാനും കഴിയില്ല) കൊൽക്കത്തയിലെ ഒരു സാധാരണ ആൺകുട്ടി ,ഇത്തരമൊരു ബഹുമതി  ... ഇത് എൻ്റെ കുടുംബത്തിനും ലോകമെമ്പാടുമുള്ള ആരാധകർക്കും ഞാൻ സമർപ്പിക്കുന്നു.

പ്രധാനമന്ത്രി നരേന്ദ്ര മോദി താരത്തെ അഭിനന്ദിച്ചു. "ശ്രീ മിഥുൻ ചക്രവർത്തി ഇന്ത്യൻ സിനിമയ്ക്ക് അദ്ദേഹം നൽകിയ സമാനതകളില്ലാത്ത സംഭാവനകൾ പരിഗണിച്ച്, അദ്ദേഹത്തിന് അഭിമാനകരമായ ദാദാസാഹിബ് ഫാൽക്കെ അവാർഡ് ലഭിച്ചതിൽ സന്തോഷമുണ്ട്. വൈവിധ്യമാർന്ന പ്രകടനങ്ങൾക്ക് തലമുറകളോളം ആദരിക്കപ്പെടുന്ന ഒരു സാംസ്കാരിക ഐക്കൺ ആണ് അദ്ദേഹം. അദ്ദേഹത്തിന് അഭിനന്ദനങ്ങളും ആശംസകളും ."

എഴുപതാമത് ദേശീയ ചലച്ചിത്ര പുരസ്കാര വേളയിൽ മിഥുൻ ചക്രവർത്തിയെ ആദരിക്കും . ഒക്ടോബർ 8 ന് അദ്ദേഹത്തിന് ഫാൽക്കെ പുരസ്കാരം നൽകും .

Veteran Bollywood actor Mithun Chakraborty, 74, will be honoured with the Dadasaheb Phalke Award.

Information & Broadcasting Minister Ashwini Vaishnaw shared the news on X. He wrote, "Mithun Da’s remarkable cinematic journey inspires generations! Honoured to announce that the Dadasaheb Phalke Selection Jury has decided to award legendary actor, Sh. Mithun Chakraborty Ji for his iconic contribution to Indian Cinema."

Recent in Cinema