മേടമാസപ്പിറവി കാർഷികസമൃദ്ധിയുടെ ആഘോഷമായി കൊണ്ടാടിയ പഴയ കാലം ഇന്നില്ല. എങ്കിലും പ്രകൃതി ശുഭകരമായി ഇന്നും മനസ്സുകളിൽ കണിയൊരുക്കുന്നു. കൊടും വേനൽച്ചൂടിലും കർണ്ണികാരങ്ങൾ നിറയെ മഞ്ഞപ്പൂക്കൾ മാനത്തുയർത്തി നില്ക്കുന്ന കാഴ്ച സംസ്ഥാനത്തെമ്പാടും വിഷു വർഷം നിറയ്ക്കുന്നു.

ഇതര സംസ്ഥാനത്തിലെ കാർഷിക വിളകൾ കൊണ്ടാണെങ്കിലും കണിയൊരുക്കാൻ മലയാളി മറക്കാറില്ല.. ഇന്നലെ പാതയോരങ്ങളിൽ കണിക്കൊന്ന പൂവിന് ആവശ്യക്കാരേറെയായിരുന്നു.

കൊന്നപ്പൂവ്, കൈതച്ചക്ക, ജാംബക്കായ, മാങ്ങ, കണിവെള്ളരി തുടങ്ങിയവ ഒരുമിച്ച് വിറ്റവരുമുണ്ട്.120മുതൽ 150 വരെയായിരുന്നു ഇങ്ങനെയുള്ള വിഷു ക്കിറ്റിന് വില.

സാധന വില റോക്കറ്റു പോലെ കുതിച്ചുയരുമ്പോഴും വിപണിയിലിട പെടാൻ സപ്ലൈകോയുടെ നേതൃത്വത്തിൽ സർക്കാർ ശ്രമം നടത്തിയത് തെല്ല് ആശ്വാസമായി. എങ്കിലും അനിയന്ത്രിതമായ ചെലവാണ് വിഷു മലയാളിക്ക് ഇക്കുറി സമ്മാനിച്ചത്.

വിഷു: മനസ്സിനും മണ്ണിനും. 

നീതിയും ന്യായവും  താഴെ തട്ടു മുതൽ മേൽതട്ടിലുള്ള എല്ലാ ഉദ്യോഗസ്ഥർക്കും ഒരു പോലെയാകണം. ചാർജ് മെമ്മോ ലഭിച്ച ഏതെങ്കിലുമൊരു പ്യൂൺ തന്റെ ഹിയറിംഗ് ലൈവ് സ്ട്രീം കാണിക്കണമെന്ന് തന്റെ മേലുദ്യോഗസ്ഥരോട് ആവശ്യപ്പെട്ടാലത്തെ പുകിൽ ഓർത്തുനോക്കൂ. അയാൾക്ക് നിയമം അത് അനുവദിച്ച് നൽകുന്നില്ലെങ്കിൽ ഐഎഎസ് കാർക്ക് അതെങ്ങനെ സാധ്യമാകും. ഐ എ എസ് കാർക്ക് എന്താ കൊമ്പുണ്ടോ എന്ന് ചോദിച്ചു പോകുന്നത് ഇവിടെയാണ്. 

മലയാറ്റൂർ രാമകൃഷ്ണനിൽ നിന്ന് തുടങ്ങി മറ്റു പലരിലൂടെ മുൻ ഡിജിപി ജേക്കബ് തോമസ്, സെൻകുമാര്‍, പി വിജയൻ, രാജു നാരായണ സ്വാമി, തുടങ്ങി ഈ തലമുറയിലെ ഐഎഎസ് - ഐപിഎസ് ഉദ്യോഗസ്ഥർ വരെ എത്തിനിൽക്കുന്ന അഭിപ്രായ വ്യത്യാസങ്ങളുടെ എന്തെല്ലാം അനുഭവങ്ങൾ വാർത്തകളായി പൊതുസമൂഹത്തിന് മുന്നിൽ എത്തിയിരിക്കുന്നു. പ്രശാന്ത് എന്ന ഐഎഎസ് കാരനും സീനിയർ ഉദ്യോഗസ്ഥരിൽ നിന്നുള്ള പീഡന സമാനമായ വിഷയങ്ങളിലൂടെ കടന്നു വന്നിട്ടുണ്ടാകാം. പക്ഷേ വിചിത്ര വാദങ്ങൾ ഉന്നയിച്ച് പോരാടാൻ ഇത് സിനിമാലോകം ഒന്നുമല്ല.  സർവീസ് ചട്ടങ്ങൾക്കുള്ളിൽ നിന്നു കൊണ്ടാകണം പോരാട്ടം. സ്വകാര്യമായ കേസുകൾ കോടതികൾ പോലും ലൈവ് സ്ട്രീം ചെയ്യുന്നു എന്നാണ് പ്രശാന്ത് പറയുന്നത്. ഒക്കെ അറിയാൻ പൊതുജനത്തിന് അവകാശം ഉണ്ട് താനും. ഈ പറയുന്നതൊക്കെ നിലവിലെ ചട്ടങ്ങൾക്ക് ഉള്ളിൽ നിന്നു കൊണ്ടാണെങ്കിൽ സർക്കാർ പ്രശാന്തിന് വഴങ്ങണം. മാത്രമല്ല ഭാവിയിൽ  പ്യൂൺ മുതൽ നേരിടേണ്ടിവരുന്ന സർവ്വമാന ഹിയറിങ്ങും പ്രശാന്ത് ബ്രോ ആവശ്യപ്പെടുന്ന രീതിയിൽ നടപ്പാക്കാനുള്ള സന്മനസ്സും സർക്കാർ കാട്ടണം. വിചിത്രമായ ആവശ്യം എന്ന് തോന്നാമെങ്കിലും അഡ്മിനിസ്ട്രേറ്റീവ് ചിട്ടവട്ടങ്ങൾ മറികടക്കുന്ന ഒന്നും ഐഎഎസ് തലത്തിലെ ഉദ്യോഗസ്ഥരിൽ നിന്ന് ഉണ്ടാകാനും പാടില്ല.


അഡ്മിനിസ്ട്രേറ്റീവ് രംഗത്ത് തലപ്പത്തിരിക്കുന്നവരാണ് ഐഎഎസ് ഉദ്യോഗസ്ഥർ. അവർ തമ്മിൽ പല കാരണങ്ങൾ കൊണ്ടും പല പടല പിണക്കങ്ങളും ഉണ്ടാകാം . മേലുദ്യോഗസ്ഥർ അഴിമതിക്കാരാണെങ്കിൽ അത് തുറന്നു കാട്ടാനുള്ള നിയമപരമായ പോരാട്ടങ്ങൾ ആകാവുന്നതാണ്. പകരം ഉദ്യോഗസ്ഥ  തലങ്ങളെ മൊത്തം വഴിമാറി ചിന്തിപ്പിക്കുന്ന തരത്തിലുള്ള ചില പുത്തൻ പ്രവണതകൾക്ക് തുടക്കം ഇടാം എന്നാണ് ധാരണയെങ്കിൽ അത് സർക്കാർ സർവീസിൽ വരുത്തിവെക്കാൻ പോകുന്ന പ്രവണതകൾ ചെറുതായിരിക്കില്ല. 
മുതിർന്ന ഉദ്യോഗസ്ഥർ അവരുടെ കീഴിലുള്ള ഉദ്യോഗസ്ഥരെ സമ്മർദ്ദത്തിൽ ആക്കുന്നത് പുതിയ കാര്യമല്ല. അതിൽ സമ്മർദ്ദം അനുഭവിക്കുന്നത് ഐ എസ് കാർ മാത്രവുമല്ല. പ്രവർത്തന സ്വാതന്ത്ര്യം എന്നത് ഐഎഎസ് കാർക്ക് മാത്രമല്ല പൂന്തോട്ടം പരിപാലിക്കുന്നവനും കൂടി അവകാശപ്പെട്ടതാണ്. 



ഇത്തരം വിഷയങ്ങളിൽ മേൽ പൊതു താൽപര്യം ഉണ്ടാകുന്നത് സ്വാഭാവികം മാത്രം. എത്രയും വേഗം അത് പരിഹരിക്കുന്നതാണ് സാമൂഹ്യ നന്മയ്ക്ക് ഉചിതം. സർക്കാർ ഉദ്യോഗസ്ഥൻ അത് പ്യൂൺ ആയാലും ഐഎഎസ് ഉദ്യോഗസ്ഥൻ ആയാലും, സസ്പെൻഷൻ കാലയളവിൽ മറ്റ് മാധ്യമങ്ങളോട് തൻ്റെ ഭാഗം വിശദീകരിക്കുന്നത് ശരിയാണോ എന്നത് സർവീസ് ചട്ടങ്ങൾ പ്രകാരം ഔദ്യോഗികമായി പരിശോധിക്കപ്പെടേണ്ടതാണ്. പ്രശാന്തിന് അനുവദിച്ചു നൽകുന്ന പരിരക്ഷ സർക്കാരിലെ ഏറ്റവും താഴെത്തട്ടിലെ ഉദ്യോഗസ്ഥനും കൂടി അനുവദിക്കപ്പെടേണ്ടതാണ്.

സർക്കാരിന്റെ ഭാഗമായി നിൽക്കുന്ന പ്രശാന്തിനു മാത്രമല്ല ഇന്നാട്ടിലെ സാധാരണക്കാർക്ക് പോലും കാലാകാലങ്ങളിലെ സർക്കാരുകളുടെ പ്രവർത്തനങ്ങളിൽ ആശങ്കയും അത്ഭുതവും സംശയവും ഏറെ ഉണ്ട് . അത് അത് പരിഹരിക്കേണ്ടുന്ന ഉത്തരവാദിത്വം പ്രശാന്ത് സ്വയം ഏറ്റെടുക്കേണ്ടതില്ല.  അതിന് അതിന് അദ്ദേഹത്തെ ആരും ഏൽപ്പിച്ചിട്ടുമില്ല. അതല്ല പൊതു താൽപര്യപ്രകാരമാണ് തന്റെ പോരാട്ടമെങ്കിൽ അതും കൂടി പ്രശാന്ത് തുറന്നുപറയണം. പിന്തുണയേറട്ടെ . പ്രശാന്തിൻ്റെ ആരോപണങ്ങൾ വ്യക്തിപരമായി മാത്രം കണക്കാക്കപ്പെടേണ്ടതല്ല. അതിലുപരി ഒരു സംസ്ഥാനത്തിന്റെ ജനതയുടെയും മൊത്തം സർക്കാർ ജീവനക്കാരുടെയും  ആശങ്കകളും ആവലാതികളും പ്രശാന്തിലൂടെ വെളിവാക്കപ്പെടുന്നു എന്ന് കരുതുകയും വേണം.

ഹിയറിങ്ങിൽ ഉണ്ടാകുന്ന അഭിപ്രായങ്ങൾ ലൈവ് സംപ്രേഷണം ചെയ്യുക വഴി മാലോകരെ മുഴുവൻ അറിയിക്കുന്നത് ഗുണകരമാണോ എന്ന് കൂടി ചിന്തിക്കേണ്ടതാണ്.  അദ്ദേഹവും സർക്കാരിൻ്റെ ഭാഗമാണ്. ആ സർക്കാരിന് വരുന്ന നേട്ടങ്ങളും കോട്ടങ്ങളും അദ്ദേഹത്തിനും കൂടി അവകാശപ്പെട്ടതാണ്. നികുതി ദായകരായ പൊതുജനങ്ങളിൽ നിന്ന്  ഇതേ ആവശ്യം നാളെ ഉണ്ടായാൽ ഉദ്യോഗസ്ഥരായ പ്രശാന്ത് കൂട്ടരും എന്തു നടപടി എടുക്കും എന്നും കൂടി ചിന്തിക്കേണ്ടതാണ്. അങ്ങനെ ആയാൽ അതിനു മാത്രമേ സർക്കാർ സംവിധാനങ്ങൾക്ക് സമയം ഉണ്ടാകൂ.  നീതി നീതി നിഷേധം പ്രശാന്തിന് ന് മാത്രമല്ലല്ലോ ഉണ്ടാവുക, സാധാരണ പൗരന്മാർക്കും സർക്കാർ സർവീസ് ജീവനക്കാർക്കും കൂടി ബാധകമല്ലേ .

സർക്കാർ ജീവനക്കാരുടെ സർവീസ് ചട്ടങ്ങളിൽ ഇത്തരത്തിലുള്ള ഒരു സംവിധാനത്തിന് സാധ്യതയും സാധുതയും ഉണ്ടോ എന്നും കൂടി പരിശോധിക്കപ്പെടേണ്ടതാണ്. സുതാര്യതയെ മുൻനിർത്തി അങ്ങനെ ആയാൽ ഏറ്റവും നല്ലത്. പക്ഷേ  അത് എല്ലാ സർക്കാർ ജീവനക്കാർക്കും ബാധകമാക്കണം. പ്രശാന്തിന് മാത്രമായി പരിമിതപ്പെടുത്തരുത്. 


Prashant nair IAS, demands live streaming of his hearing with chief secretary sarada muralidharan 

പ്രശാന്തിന്റെ പ്രശ്നങ്ങൾ...!

ഷൈലോക് കോൺട്രാക്റ്റർ , കള്ളു കച്ചവടക്കാരൻ  , വർഗ്ഗീയ വിഷം ചീറ്റുന്ന ,  ഇഷ്ടമില്ലാത്തവരെ തരം താഴ്ന്ന വാക്കുകൾ കൊണ്ട് ഭർത്സിക്കുന്ന മനോ വൈകൃതമുള്ളവൻ .... ഇങ്ങനെയൊക്കെയുള്ള ഒരു വ്യക്തിയെ ആദരണീയനായ കുമാരനാശാൻ്റെ പേരുമായി ചേർത്ത് പറയുന്നത് പോലും തെറ്റ്. 


പിണറായി സ്ഥിതി ചെയ്യുന്ന തലശ്ശേരിയിൽ SNDP രൂപവത്കരണത്തിന് മുൻകയ്യെടുത്തത് വി. ആർ . കൃഷ്ണയ്യരും എൻ .ഇ .ബാലറാമും സി.എച്ച്. കണാരനുമൊക്കെയായിരുന്നു . ജാതി ചോദിക്കരുത് പറയരുത് എന്ന ഗുരുവാക്യം പ്രാവർത്തികമാക്കാൻ മുന്നിൽ നിന്നവരിൽ നിരവധി കമ്യൂണിസ്റ്റ് നേതാക്കളുമുണ്ടായിരുന്നു. 

മലപ്പുറത്തെക്കുറിച്ച് രണ്ട് ദിവസം മുൻപ് നടത്തിയ നുണപ്രചാരണം മാത്രം മതി അയാളിലെ വർഗീയ വാദിയെ തിരിച്ചറിയാൻ . പോഷക സംഘടനകളിൽ സ്വന്തം വീട്ടുകാരെ പ്രതിഷ്ഠിച്ച് ഗുരുദേവൻ സ്ഥാപിച്ച സംഘടനയെ സ്വന്തം കീശയിലാക്കി

മലപ്പുറത്തെ കുറിച്ച് നടത്തിയ  വർഗീയ പ്രസ്താവന കണക്കിലെടുത്ത് സർക്കാർ  മുൻകയ്യെടുത്ത് രൂപവത്കരിച്ച  നവോത്ഥാന സമിതിയിൽ നിന്ന് പുറത്താക്കേണ്ടയാളെ വെള്ളപൂശി  അങ്ങ് സ്വയം അപഹാസ്യനാകരുത് .

CM Praises vellappally and says he is superior to Kumaranasan

മുഖ്യമന്ത്രീ ...അങ്ങ് പറയുന്നതെന്തെന്ന് അങ്ങറിയുന്നില്ല.

തിരുവനന്തപുരം: ജാര്‍ഖണ്ഡ് സ്വദേശികളായ അച്ഛനമ്മമാര്‍ സ്വകാര്യ ആശുപത്രി ഐസിയുവില്‍ ഉപേക്ഷിച്ച് പോയ മൂന്നാഴ്ച മാത്രം പ്രായമായ പെണ്‍കുഞ്ഞ്  എറണാകുളം ജനറല്‍ ആശുപത്രിയില്‍ പൂര്‍ണ ആരോഗ്യവതിയായി കഴിയുന്നു.

കോട്ടയത്തെ ഫിഷ് ഫാമില്‍ ജോലി ചെയ്തിരുന്ന ജാര്‍ഖണ്ഡ് സ്വദേശികളായ ദമ്പതികള്‍, പ്രസവത്തിനായി നാട്ടിലേക്ക് പോകുന്ന സമയത്താണ് ട്രെയിനില്‍ വച്ച് ഭാര്യയ്ക്ക് അസ്വസ്ഥതകളുണ്ടായത്. തുടര്‍ന്ന് തൊട്ടടുത്തുള്ള ആശുപത്രിയിലെത്തിക്കുകയും പെണ്‍കുഞ്ഞിന് ജന്മം നല്‍കുകയും ചെയ്തു. ഒരു കിലോയില്‍ താഴെ മാത്രം ഭാരമുള്ളതിനാല്‍ വിദഗ്ധ ചികിത്സയ്ക്കായി കുഞ്ഞിനെ അവര്‍ സ്വകാര്യ ആശുപത്രിയിലെ എന്‍ഐസിയുവിലേയ്ക്ക് മാറ്റി. 


എറണാകുളം ജനറല്‍ ആശുപത്രിയിലെ സ്‌പെഷ്യല്‍ ന്യൂ ബോണ്‍ കെയര്‍ യൂണിറ്റിലെ എല്ലാവരുടേയും പൊന്നോമനയാണ് 'നിധി' ഇന്ന്. ഇവിടെ എത്തിക്കുമ്പോള്‍ 950 ഗ്രാം മാത്രമായിരുന്നു കുഞ്ഞിന്റെ തൂക്കം. മെഡിക്കല്‍ ബോര്‍ഡ് രൂപീകരിച്ചാണ് ചികിത്സ ഏകോപിപ്പിച്ചത്. ഒരാഴ്ചയോളം കുഞ്ഞിന് ഓക്‌സിജന്‍ നല്‍കിയിരുന്നു. അനീമിയ ഉണ്ടായിരുന്നതിനാല്‍ രണ്ട് പ്രാവശ്യം രക്തം നല്‍കി. ആശുപത്രിയിലെ മില്‍ക്ക് ബാങ്കില്‍ നിന്നും കുഞ്ഞിനാവശ്യമായ മുലപ്പാല്‍ നല്‍കുന്നുണ്ട്. പൂര്‍ണ ആരോഗ്യവതിയായ കുഞ്ഞിനിപ്പോള്‍ മള്‍ട്ടി വിറ്റാമിനും അയണ്‍ ഡ്രോപ്‌സും മാത്രമാണ് നല്‍കുന്നത്.

ആശുപത്രി സൂപ്രണ്ട് ഡോ. ഷഹിര്‍ഷായുടെ ഏകോപനത്തില്‍ പീഡിയാട്രിക് വിഭാഗം മേധാവി ഡോ. വിനീത, സ്‌പെഷ്യല്‍ ഓഫീസര്‍ ഡോ. വിജിയുടെ നേതൃത്വത്തിലുള്ള വിദഗ്ധ ഡോക്ടര്‍മാരടങ്ങിയ ടീമാണ്  കുഞ്ഞിനെ ചികിത്സിച്ചത്. 


ബന്ധുക്കളാരും ഇല്ലാത്തതിനാല്‍ കുഞ്ഞിന്റെ പ്രത്യേക പരിചരണം നടത്തിയത് ന്യൂബോണ്‍ കെയറിലെ നഴ്‌സുമാരാണ്. വനിതാ ശിശു വികസന വകുപ്പ് ജീവനക്കാരുടെ പിന്തുണയുമുണ്ടായിരുന്നു. കുഞ്ഞിന് മികച്ച പരിചരണവും ചികിത്സയും ഉറപ്പാക്കിയ എറണാകുളം ജനറല്‍ ആശുപത്രിയിലെ  ടീം അംഗങ്ങളെ മന്ത്രി അഭിനന്ദിച്ചു.

അനാഥക്കുഞ്ഞിനെ 'നിധി'യായി സ്വീകരിച്ച് സർക്കാർ

വിവിധതരത്തിലുള്ള നിരോധിത മയക്കുമരുന്ന് കൈവശം വച്ചതിന് 114 കേസുകള്‍ രജിസ്റ്റര്‍ ചെയ്തു. 134 പേരാണ് അറസ്റ്റിലായത്. 

നിരോധിത മയക്കുമരുന്നുകളുടെ സംഭരണത്തിലും വിപണനത്തിലും ഏര്‍പ്പെട്ടിരിക്കുന്നവരെ കണ്ടുപിടിച്ച് കര്‍ശന നിയമനടപടികള്‍ സ്വീകരിക്കുന്നതിനാണ് 2025 ഏപ്രില്‍ മൂന്നിന്  സംസ്ഥാന വ്യാപകമായി ഓപ്പറേഷന്‍ ഡി-ഹണ്ട് നടത്തിയത്. 


പൊതുജനങ്ങളില്‍ നിന്ന് മയക്കുമരുന്ന് സംബന്ധിച്ച വിവരങ്ങള്‍ സ്വീകരിച്ച് നടപടികള്‍ കൈക്കൊള്ളുന്നതിനായി 24 മണിക്കൂറും പ്രവര്‍ത്തിക്കുന്ന ആന്‍റി നര്‍ക്കോട്ടിക്ക് കണ്‍ട്രോള്‍ റൂം (9497927797) നിലവിലുണ്ട്. ഈ നമ്പറിലേക്ക് ബന്ധപ്പെടുന്നവരുടെ വിവരങ്ങള്‍ രഹസ്യമായാണ് സൂക്ഷിക്കുന്നത്.


ഓപ്പറേഷന്‍ ഡി-ഹണ്ട്: 134 പേരെ അറസ്റ്റ് ചെയ്തു; 


വനിതകൾക്ക് സിനിമാ സാങ്കേതിക രംഗത്ത് തൊഴിൽ പരിശീലനം നൽകുന്ന പദ്ധതിയുടെ രണ്ടാം ഘട്ടമായ പ്രായോഗിക പരിശീലന പരിപാടി ഉദ്ഘാടനം ചെയ്തു സംസാരിക്കുകയായിരുന്നു ചീഫ് സെക്രട്ടറി.   സ്ത്രീ പ്രതിനിധ്യം കുറഞ്ഞ മേഖലകളിൽ അത് വർധിപ്പിക്കുന്നതിനുള്ള ശ്രമങ്ങൾ സർക്കാർ നടത്തി വരുകയാണ്. സ്ത്രീകൾ കടന്നു വരുമ്പോൾ ഏത് തൊഴിലന്തരീക്ഷവും മാറുമെന്നും ചീഫ് സെക്രട്ടറി കൂട്ടിച്ചേർത്തു.


തിരുവനന്തപുരം ഗുരു ഗോപിനാഥ് നടനഗ്രാമത്തിൽ ഏപ്രിൽ രണ്ടു മുതൽ ആറുവരെ നടക്കുന്ന പ്രായോഗിക പരിശീലന ശിൽപശാലയുടെ ഉദ്ഘാടന ചടങ്ങിൽ ചലച്ചിത്ര അക്കാദമി ചെയര്‍മാന്‍ പ്രേംകുമാര്‍ അധ്യക്ഷത വഹിച്ചു. 

സാംസ്‌കാരിക വകുപ്പ് ഡയറക്ടര്‍ ഡോ.ദിവ്യ എസ്. അയ്യര്‍ ഐ.എ.എസ്, സാംസ്‌കാരിക പ്രവര്‍ത്തകക്ഷേമനിധി ബോര്‍ഡ് ചെയര്‍മാന്‍ മധുപാല്‍, ഫെഫ്ക വർക്കിംഗ് സെക്രട്ടറി സോഹന്‍ സീനുലാൽ, ചലച്ചിത്ര അക്കാദമി സെക്രട്ടറി സി.അജോയ്, ഗുരു ഗോപിനാഥ് നടനഗ്രാമം സെക്രട്ടറി ശബ്‌ന ശശിധരന്‍, ക്യാമ്പ് ഡയറക്ടര്‍ കുക്കു പരമേശ്വരന്‍ എന്നിവര്‍ പങ്കെടുത്തു

 അഡ്വ.ജെ. സന്ധ്യ തൊഴിലിടത്തിലെ നിയമ പരിരക്ഷയുമായി ബന്ധപ്പെട്ട ബോധവത്കരണ ക്ലാസ് നടത്തി. മന്ത്രിസഭയുടെ നാലാം വാർഷികാഘോഷങ്ങളുടെ ഭാഗമായാണ് പരിപാടി സംഘടിപ്പിച്ചിരിക്കുന്നത്.

കേരള നോളജ് ഇക്കോണമി മിഷന്റെയും കെ എസ്‌.എഫ്.ഡി.സി യുടെയും സഹകരണത്തോടെയാണ് പദ്ധതി നടപ്പാക്കുന്നത്. ചലച്ചിത്രമേഖലയില്‍ തൊഴില്‍ ചെയ്യാന്‍ താല്‍പ്പര്യമുള്ള വനിതകളെ നിശ്ചിത മാനദദണ്ഡങ്ങളുടെ അടിസ്ഥാനത്തില്‍ രണ്ട് ഘട്ടങ്ങളായാണ് തെരഞ്ഞെടുത്തത്്. ചലച്ചിത്ര അക്കാദമി, നോളജ് ഇക്കോണമി മിഷന്‍, ലേബര്‍ കമ്മീഷണറേറ്റ് എന്നിവയിലെ പ്രതിനിധികളടങ്ങുന്ന സമിതി അപേക്ഷകരില്‍നിന്ന് നിശ്ചിത യോഗ്യതയുള്ളവരെ ആദ്യഘട്ടമായ ഓറിയന്റേഷന്‍ ക്യാമ്പിലേക്ക് തെരഞ്ഞെടുത്തു.  2024 സെപ്റ്റംബര്‍ 27,28,29 തീയതികളില്‍ തിരുവനന്തപുരം വൈലോപ്പിള്ളി സംസ്‌കൃതി ഭവനില്‍ നടന്ന ക്യാമ്പില്‍ 30 വനിതകള്‍ പങ്കെടുത്തിരുന്നു. ഈ ക്യാമ്പിലെ പ്രകടനത്തിന്റെ അടിസ്ഥാനത്തില്‍ ഏഴുവിഭാഗങ്ങളില്‍നിന്നും തെരഞ്ഞെടുക്കപ്പെട്ട 13 പേര്‍ക്കാണ് അതത് മേഖലകളില്‍ പ്രായോഗിക പരിശീലനം നല്‍കുന്നത്. പരിശീലന കാലയളവില്‍ ചലച്ചിത്ര അക്കാദമി മുഖേന നിശ്ചിത തുക സ്‌റ്റൈപ്പന്റ് അനുവദിക്കും. പരിശീലനത്തിനുശേഷം പ്രൊഫഷണല്‍ ഫിലിം പ്രൊഡക്ഷന്‍ കമ്പനികളില്‍ തൊഴിലവസരത്തിന് വഴിയൊരുക്കും.

Women representation in cenema shall be increased.

Recent in Kerala