പി. പി ദിവ്യ പുഞ്ചിരിച്ച് അധിക്ഷേപം ചൊരിയവേ തല താഴ്ത്തി ആസ്വദിച്ചിരുന്ന കണ്ണൂർ ജില്ലാ കളക്ടറും , സദസ്സിൽ മൗനം നിറച്ച് മാറാല തീർത്ത ഉദ്യോഗസ്ഥരും അത്യാവശ്യം അഴിമതി നടത്തുന്നവരോ , അഴിമതിക്ക് കൂട്ട് നിൽക്കുന്നവരോ ആണെന്ന സത്യം നാം തിരിച്ചറിയണം . കമ്യൂണിസ്റ്റ് ഭീകരത ഭരിക്കുന്ന കണ്ണൂരിൽ നവീൻ ബാബുവിനെ പോലെ സത്യസന്ധരായ ഉദ്യോഗസ്ഥർക്ക് സ്ഥാനമില്ല . നിരവധി അഴിമതി ആരോപണങ്ങളിൽ മുങ്ങി നിൽക്കുന്ന മുഖ്യമന്ത്രിയുടെ ഓഫീസ് മുതൽ വില്ലേജ് ഓഫീസ് വരെ അഴിമതിക്കാരായ ഉദ്യോഗസ്ഥരുടെ ലാവണമാണ് . അപൂർവ്വമായി മാത്രം കാണപ്പെടുന്ന നവീൻ ബാബുമാർ ഇവർക്കിടയിൽ ചക്രശ്വാസം വലിച്ച് കഴിയുന്നു . കേരളത്തിലെ സർക്കാർ ഓഫീസുകളിൽ അഴിമതി സ്ഥാപനവത്ക്കരിക്കപ്പെട്ടു കഴിഞ്ഞു . അതിന് നേതൃത്വം നൽകുന്നത് ഇടത് സംഘടനകളിലെ തൊരപ്പൻമാരായ നേതാക്കൾ .പാർട്ടി നേതാക്കൾക്കും ബന്ധുക്കൾക്കും യഥേഷ്ടം അഴിമതി നടത്താൻ എല്ലാ ഒത്താശയും ചെയ്തു കൊടുക്കുന്ന ഇക്കൂട്ടർ സ്വന്തം നിലനില്പിന് വേണ്ടി എന്ത് വൃത്തികേടും ചെയ്യുന്നവരാണ് . സാധാരണക്കാർക്ക് സർക്കാർ സേവനം അപ്രാപ്യമാക്കുന്നതും ഈ രാഷ്ട്രീയ അടിമകളാണ് .

ഓരോ ഫയലും ഓരോ ജീവിതമെന്ന് പാടി നടക്കുന്ന മുഖ്യമന്ത്രിയും അത് ഏറ്റുപാടിയ ദിവ്യയും കമ്യൂണിസ്റ്റ് പൊള്ളത്തരങ്ങൾ മാത്രമാണ് . ഇതിനിടയിൽ പരമാവധി കൈക്കൂലി വാങ്ങി മണിമാളികകൾ പണിഞ്ഞും ആഡംബര ജീവിതം നയിച്ചും വാണരുളുന്ന ഉദ്യോഗസ്ഥർ നവീൻ ബാബുമാർക്ക് വേണ്ടി ശബ്ദം ഉയർത്തില്ല , പ്രതിഷേധിക്കില്ല .

ഇവരാണ് കേരളത്തിലെ സിവിൾ സർവ്വീസിനെ രാഷ്ട്രീയ അടിമയാക്കി മാറ്റിയത് . ഈ അടിമ മനോഭാവമാണ് കണ്ണൂരിലെ യാത്രയയപ്പിൽ കണ്ട മൗനം . കമ്യൂണിസ്റ്റ് യജമാനൻമാരാൽ ഷണ്ഡരാക്കപ്പെട്ട കളക്ടർ ഉൾപ്പെടെയുള്ള ഉദ്യോഗസ്ഥരാണ് നവീൻ ബാബുവിൻ്റെ മരണത്തിന് ഉത്തരവാദികൾ . വലിഞ്ഞ് കയറി വന്നവളുടെ പുഞ്ചിരിയിൽ ചാലിച്ച വിഷ വാക്കുകൾക്കെതിരെ ഒരാളെങ്കിലും പ്രതിഷേധിച്ചിരുന്നെങ്കിൽ ഒരു പക്ഷേ , നവീൻ ബാബു കടുംകൈ ചെയ്യില്ലായിരുന്നു . യാത്രയയപ്പ് യോഗത്തിൽ പങ്കെടുത്തവർ മന:സാക്ഷി ഉളളവരും മനുഷ്യരും ആണെങ്കിൽ ഈ മരണത്തിൻ്റെ പാപഭാരം നിങ്ങളെ വേട്ടയാടും ....