മരണസംഖ്യ കുറയുന്നതനുസരിച്ച് പെൻഷൻ നൽകാനുള്ള പുതിയ പോംവഴികൾ കണ്ടെത്തണം എന്നുള്ള എൽഡിഎഫ് കൺവീനർ ടിപി രാമകൃഷ്ണന്റെ അഭിപ്രായത്തെ സജി ചെറിയാന്റെ പ്രസംഗവുമായി കൂട്ടി വായിക്കണം. കേരളത്തിലെ ജീവിക്കാൻ നട്ടംതിരിയുന്ന സർവ്വ സാധാരണക്കാരായ ബഹുഭൂരിപക്ഷം പേരുടെ ജീവിതസാഹചര്യങ്ങൾ മനസ്സിലാക്കിയിരുന്നെങ്കിൽ “എൻ്റെ പൊന്നു തള്ളേ നിങ്ങൾക്ക് എന്തിനാണ് ഈ 50,000 രൂപ പെൻഷൻ കാശ് “ എന്ന പരാമർശം മന്ത്രി നടത്തില്ലായിരുന്നു. ഒരു പുതിയ പെൻഷൻ സ്കീം രൂപപ്പെടുത്തണം എന്ന ഒരു പൊതു കാഴ്ച്ചപ്പാടാണ് ഇപ്പോൾ ഉയർത്തിപ്പിടിച്ചിരിക്കുന്നത് അത്തരം ഒരു സാഹചര്യം രൂപപ്പെടുത്തുന്നതിന് വേണ്ടി ആവശ്യമായ പഠനം നടത്തി മുന്നോട്ടു കൊണ്ടുപോകാനാണ് ശ്രമം എന്നായിരുന്നു സജി ചെറിയാനെ പിന്തുണച്ച് രാമകൃഷ്ണന്റെ പ്രതികരണം. എന്ന സാംസ്കാരിക വകുപ്പ് മന്ത്രി സജി ചെറിയാന്റെ വാക്കുകളിൽ

എന്തിലും ഏതിലുമുള്ള താൻ പ്രമാണിത്തം , കാഴ്ചപ്പാടുകളിലെ വ്യതിയാനം. മുതലാളിത്ത ചങ്ങാത്തത്തോടുള്ള അതിരുവിട്ട അവിഹിതം, സാധാരണക്കാരിൽ നിന്നുള്ള അകന്നു പോക്ക്, സാമൂഹ്യ വിപ്ലവം എന്ന രീതിയിൽ വിവിധ മേഖലകളിൽ കാട്ടിക്കൂട്ടുന്ന കോപ്രായങ്ങൾ, അടിസ്ഥാന പ്രമാണങ്ങളിൽ നിന്ന് വ്യതിചലിച്ചുള്ള ജീവിതരീതികൾ എന്നിങ്ങനെ പാർട്ടിയെ ഗ്രസിച്ചിരിക്കുന്ന രോഗങ്ങൾ പലതാണ്.

ആദ്യ സാമ്പിൾ വെടിക്കെട്ട് നടത്തി പൊതുസമൂഹത്തിന്റെ പൾസ് വായിച്ചെടുത്ത് പിന്നീട് ആശയങ്ങൾ നടപ്പാക്കുക എന്ന സ്ഥിരം പരിപാടിയാണ് പെൻഷൻ കാര്യത്തിലും ഇപ്പോൾ സംഭവിച്ചിരിക്കുന്നത്.