കരിയറിസവും അധികാര മോഹവും സാമ്പത്തിക ടാർജറ്റുകളും പിൻപറ്റുന്ന പുതിയ നേതൃത്വ ദളങ്ങൾ ആശങ്ക ഉയർത്തുന്നു.. അടിത്തറ ചീട്ടു കൊട്ടാരം പോലെ മറിയാം. പ്രതിബദ്ധമായ ഒരു തലമുറ കുറ്റിയറ്റു പോയിരിക്കുന്നു. ആളൂപിടിക്കാനും ഓളം നിനിർത്താനും പഴയ തുറുപ്പുകൾ പോരാതെ വരുന്നു. രക്സാക്ഷി നിർമാണത്തിനും സ്കോപ്പു കുറവാണ്.

അനുഷ്ഠാന സമര അഭ്യാസം മുറതെറ്റാതെ നടത്തി, മുഷ്കിന്റയും എണ്ണത്തിന്റെയും വണ്ണത്തിന്റെയും അധികാരത്തിന്റെയും ഭീഷണിയുടെയും ബലത്തിൽ ഔപചാരിക അനൗപചാരിക തൊഴിൽ മേഖലകളിലെ തൊഴിൽ ശക്തിയെ കൈയ്യടക്കിയവർക്ക് ആശാ സമരത്തിൽ അടിതെറ്റി.നിനച്ചതല്ല നടക്കുന്നത്. അവയ്ലബിൾ സെക്രട്ടേറിയറ്റ് ദിർസവും കൂടി വീതംവച്ച് പുലഭ്യം പറഞ്ഞിട്ടും ഭീഷണി മുഴക്കിയിട്ടും സമരം കടുക്കുന്നു.ജനപിന്തുണ ഏറുന്നു. സമരംഅനിശ്ചിമായി നീട്ടികൊണ്ടു പോകാൻ എല്ലാവരും ചേർന്ന് ഗൂഡാലോചന നടത്തുകയാണെന്നു പാർട്ടി പത്രം നെഞ്ചത്തടിച്ചു വിലപിക്കുന്നു. എങ്കിലും ദുരഭിമാനം വെടിയാൻ തയ്യാറുമല്ല. മീഡിയാ അറ്റൻഷൻ മാറ്റാനും വ്യക്തിഗത തേജോവധത്തിനും ശശിമാരുടെ ബോംബു നിർമാണവും പുരോഗമിക്കൂന്നു.