ആശമാർക്ക് തദ്ദേശ സ്വയം ഭരണ സ്ഥാപനങ്ങളുടെ ഫണ്ടിൽ നിന്നും ആയിരവും രണ്ടായിരവും നൽകാനുള്ള തീരുമാനങ്ങളിലും ഒടുവിൽ ഉടക്കുവയ്ക്കുകയാണ് ഈ മന്തന്മാർ.

പാവപ്പെട്ടവരുടെ അത്താഴവും മുത്താഴവും വലിച്ചു തോട്ടിലെറിയുകയാണ് ഈ സാമുഹിക ദ്രോഹികൾ..ആശമാർ തദ്ദേശത്തിനു കീഴിൽ വരില്ലെന്നും തനതു ഫണ്ട് ഇതിനായി വിനിയോഗിക്കാൻ കഴിയില്ലെന്നും വിനിയോഗിച്ചാൽ ചെറുക്കും എന്നുമാണ് പാർട്ടി പത്രം വലിയ വായിൽ ഗവേഷിക്കുന്നത്. അനുമതി നൽകിയാൽ പഞ്ചായത്ത് സെക്രട്ടറിമാർ വിവരമറിയും എന്ന ഭീഷണിയും സഖാക്കളായ സെക്രട്ടറിമാർക്കുള്ള ഈ നിർദ്ദേശ, ഭീഷണി സർക്കുലറിൽ പാർട്ടി ഗസറ്റ് പ്രഖ്യാപിക്കുന്നു. വാർത്തയുടെ വർണക്കടലാസിലാണ് ഈ വിഷം വിളമ്പുന്നത്.

പരിഹാരത്തിനു പണത്തിന്റെ കുറവല്ല മറിച്ചു കഴപ്പിന്റയും സ്വയം കൃതാനാർത്ഥം തകർത്ത, വില കൊടുത്തു വാങ്ങുന്ന അഹങ്കാരത്തിന്റെയും ശക്തമായ സൂചനയാണ്. പാവപ്പെട്ടവർക്കു പണി കൊടുത്തു സമരം തകർക്കുന്ന തമോ വൈകൃതങ്ങൾ ചുവപ്പണിയുകയാണ് ഇവിടെ.