മോദി സർക്കാരിൻ്റെ നയങ്ങൾ ബിസിനസ് തുടങ്ങാൻ തുണയായി : സൊമാറ്റോ സി ഇ ഒ ദീപീന്ദർ ഗോയൽ
സൊമാറ്റോ സി ഇ ഒ ദീപീന്ദർ ഗോയൽ തൻ്റെ സ്റ്റാർട്ടപ്പ് യാത്രയുടെ ആദ്യ നാളുകളെക്കുറിച്ചുള്ള രസകരവും എന്നാൽ ഉൾക്കാഴ്ചയുള്ളതുമായ ഒരു കഥ അടുത്തിടെ പങ്കിട്ടു.
കേന്ദ്രമന്ത്രി ഹർദീപ് സിംഗ് പുരി സംഘടിപ്പിച്ച വിശേഷ് സമ്പർക്കിൽ സംസാരിക്കവെ, തൻ്റെ ബിസിനസ്സ് ആശയത്തോടുള്ള പിതാവിൻ്റെ ആദ്യ പ്രതികരണം ഗോയൽ പങ്കുവെച്ചു. ഗോയലിൻ്റെ പ്രസംഗത്തിൻ്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്
16 വർഷം മുമ്പ്, 2008 ൽ സൊമാറ്റോ ആരംഭിച്ചതും പിതാവ് തൻ്റെ തീരുമാനത്തെ എങ്ങനെ സംശയിച്ചുവെന്നും അദ്ദേഹം ഓർക്കുന്നു. "ഞാൻ സൊമാറ്റോ തുടങ്ങുന്നതിനെക്കുറിച്ച് എൻ്റെ അച്ഛനോട് പറഞ്ഞപ്പോൾ, അദ്ദേഹം പറഞ്ഞു, 'ജാൻതാ ഹേ തേരാ ബാപ് കൗൻ ഹേ?' അതിൻ്റെ അർത്ഥം 'നിങ്ങൾക്ക് ഒരു സ്റ്റാർട്ടപ്പ് ചെയ്യാൻ കഴിയില്ല.' എന്ന ചിന്തയായിരുന്നു
2008-ൽ ഞാൻ സൊമാറ്റോ തുടങ്ങുമ്പോൾ, ഞങ്ങളുടെ എളിയ പശ്ചാത്തലം കണക്കിലെടുത്ത് എനിക്ക് ഒരിക്കലും ഒരു സ്റ്റാർട്ട് അപ്പ് ചെയ്യാൻ കഴിയില്ലെന്ന് അച്ഛൻ കരുതിയിരുന്നതിനാൽ 'തു ജാൻ താ ഹേ തേരാ ബാപ് കൗൻ ഹേ' എന്ന് അച്ഛൻ പറയുമായിരുന്നു. ഇന്ന് ലക്ഷക്കണക്കിന് ആളുകൾക്ക് തൊഴിൽ നൽകുന്ന സൊമാറ്റോ പോലെയുള്ള ഒരു സംരംഭം തുടങ്ങാൻ മോദി സർക്കാരും അവരുടെ നയങ്ങളും ഒരു ചെറിയ പട്ടണത്തിലെ എന്നെപ്പോലുള്ള ആൺകുട്ടിയെ പ്രാപ്തമാക്കി.
മെയ് 20 ന് മന്ത്രി ഹർദീപ് സിംഗ് പുരിയുടെ വസതിയിൽ നടന്ന പരിപാടിയിൽ രാജ്യത്തുടനീളമുള്ള സംരംഭകർ, ബുദ്ധിജീവികൾ, സ്റ്റാർട്ടപ്പ് ഉടമകൾ, ഐടി പ്രൊഫഷണലുകൾ എന്നിവരെ ഒരുമിച്ച് കൊണ്ടുവന്നിരുന്നു. ഈ പരിപാടിയിലാണ് ദീപീന്ദർ ഗോയൽ തൻ്റെ ബിസിനസ് അനുഭവം പങ്ക് വച്ചത്.
ദീപീന്ദർ ഗോയൽ ഷാർക്ക് ടാങ്ക് ഇന്ത്യയുടെ മൂന്നാം സീസണിൽ വിധികർത്താവായി പങ്കെടുത്തിരുന്നു. അദ്ദേഹത്തിൻ്റെ കഥകളും നേട്ടങ്ങളും സംരംഭക സമൂഹത്തിലെ പലർക്കും പ്രചോദനം നൽകുന്നവയാണ്.
ദിപീന്ദർ ഗോയലിനെ അഭിനന്ദിച്ച് പ്രധാനമന്ത്രി നരേന്ദ്ര മോദി.
ഗോയലിൻ്റെ എക്സിൽ പോസ്റ്റ് ചെയ്ത വീഡിയോ ക്ലിപ്പ് റീപോസ്റ്റ് ചെയ്ത പ്രധാനമന്ത്രി മോദി, വിജയം കുടുംബപ്പേരുകളാൽ ബന്ധിതമല്ലെന്നും ഗോയൽ നേടിയ നേട്ടങ്ങൾ നിരവധി സംരംഭകർക്ക് പ്രചോദനമായെന്നും പറഞ്ഞു.
Food delivery giant Zomato's ceo said, policies of Modi government made him successful in startup
"ഇന്നത്തെ ഇന്ത്യയിൽ ഒരാളുടെ കുടുംബപ്പേര് പ്രശ്നമല്ല. കഠിനാധ്വാനമാണ് പ്രധാനം. ദീപീന്ദർ ഗോയൽ, നിങ്ങളുടെ യാത്ര ശരിക്കും പ്രചോദനകരമാണ്! ഇത് എണ്ണമറ്റ യുവാക്കളെ അവരുടെ സംരംഭകത്വ സ്വപ്നങ്ങൾ പിന്തുടരാൻ പ്രേരിപ്പിക്കുന്നു. സ്റ്റാർട്ടപ്പുകൾക്ക് തഴച്ചുവളരാൻ അനുയോജ്യമായ അന്തരീക്ഷം പ്രദാനം ചെയ്യാൻ ഞങ്ങൾ പ്രതിജ്ഞാബദ്ധരാണ്. ' പ്രധാനമന്ത്രി മോദി പറഞ്ഞു.
2008-ൽ സൊമാറ്റോ ആരംഭിച്ചതിന് ശേഷം, ദീപീന്ദർ ഗോയൽ ഒരു റെസ്റ്റോറൻ്റ് ലിസ്റ്റിംഗിൽ നിന്നും , ഫുഡ് ഡെലിവറി ഭീമനായി സ്റ്റാർട്ടപ്പിനെ അതിവേഗം വളർത്തി. 1000-ലധികം ഇന്ത്യൻ നഗരങ്ങളിലേക്ക് സൊമാറ്റോയുടെ വ്യാപനത്തിന് അദ്ദേഹം മേൽനോട്ടം വഹിച്ചു.
Keywords:
Recent in Business
Must Read
Latest News
In News for a while now..