GDP വളർച്ചാ നിരക്കിൽ അമേരിക്കയും ചൈനയും ഇന്ത്യക്ക് പിന്നിൽ
പ്രത്യേക ലേഖകൻ
27 March 2025, 7:34 am
New Delhi :ലോകത്തിലെ വലിയ സമ്പദ് വ്യവസ്ഥകളെ അമ്പരപ്പിച്ച് കഴിഞ്ഞ 10 വർഷത്തിനുള്ളിൽ ഇന്ത്യയുടെ GDP നിരക്കിൽ ഉണ്ടായ വളർച്ചയെ പ്രശംസിച്ച് അന്താരാഷ്ട്ര നാണയനിധി( IMF)
ജപ്പാനെ പിന്തള്ളി ഇന്ത്യ ലോകത്തിലെ നാലാമത്തെ വലിയ സമ്പദ്‌വ്യവസ്ഥയായി മാറാനുള്ള പാതയിലാണെന്ന് അന്താരാഷ്ട്ര നാണയ നിധിയുടെ (IMF) കണക്കുകൾ സൂചിപ്പിക്കുന്നു.
2024-25 സാമ്പത്തിക വർഷത്തിന്റെ മൂന്നാം പാദത്തോടെ ഇന്ത്യ നാലാം സ്ഥാനത്ത് എത്താനുള്ള സാഹചര്യമാണ് നിലവിലുള്ളതെന്നും റിപ്പോർട്ടിൽ പരാമർശിക്കുന്നു.
കഴിഞ്ഞ ദശകത്തിൽ രാജ്യത്തിന്റെ മൊത്ത ആഭ്യന്തര ഉത്പാദനം (GDP) ഇരട്ടിയിലധികമായി.
2015 ൽ 2.1 ട്രില്യൺ ഡോളറിൽ നിന്ന് 2025 ൽ ഇത് 4.3 ട്രില്യൺ ഡോളറായി ഉയർന്നു. നിലവിൽ അഞ്ചാമത്തെ വലിയ സമ്പദ്‌വ്യവസ്ഥയായ ഇന്ത്യ, 4.4 ട്രില്യൺ ഡോളറുള്ള ജപ്പാനെ മറികടക്കുകയാണെന്ന് IMF ഡാറ്റ കാണിക്കുന്നു. കഴിഞ്ഞ പത്ത് വർഷത്തിനിടെ ഇന്ത്യയുടെ സമ്പദ്‌വ്യവസ്ഥ 105% വികസിച്ചു. എന്നാൽ ജപ്പാന്റെ GDP നിശ്ചലമായി തുടരുന്നതായും IMF റിപ്പോർട്ടിൽ പറയുന്നു.
2025 ൽ ഇന്ത്യ ലോകത്തിലെ ഏറ്റവും വലിയ നാലാമത്തെ സമ്പദ് വ്യവസ്ഥയായി മാറും
കഴിഞ്ഞ ദശകത്തിൽ നിരവധി പ്രധാന ആഗോള സമ്പദ്‌വ്യവസ്ഥകളേക്കാൾ ഉയർന്ന ജിഡിപി വളർച്ചാ നിരക്ക് ഇന്ത്യ രേഖപ്പെടുത്തിയിട്ടുണ്ട്. ചൈന, അമേരിക്ക, കൂടാതെ മുൻനിര യൂറോപ്യൻ രാജ്യങ്ങൾ എന്നിവയെ
മറികടക്കുന്ന രീതിയിലായിരുന്നു
രാജ്യത്തിന്റെ സാമ്പത്തിക വികാസം.
ഇതേ കാലയളവിൽ, ചൈനയുടെ ജിഡിപി 76%, യുഎസ് 66%, ജർമ്മനി 44%, ഫ്രാൻസ് 38%, യുകെ 28% എന്നിങ്ങനെ വളർന്നു.
2007 ൽ രാജ്യത്തിന്റെ ജിഡിപി ആദ്യത്തെ 1 ട്രില്യൺ ഡോളറിൽ എത്താൻ ആറ് പതിറ്റാണ്ടുകൾ എടുത്തു.2014 ൽ അത് 2 ട്രില്യൺ ഡോളർ കടന്നു. കോവിഡ്-19 പാൻഡെമിക് ഉണ്ടായിരുന്നിട്ടും, നരേന്ദ്ര മോദി സർക്കാരിൻ്റെ കാലയളവിൽ ഇന്ത്യയുടെ സമ്പദ്‌വ്യവസ്ഥ 2021 ൽ 3 ട്രില്യൺ ഡോളറായി വികസിച്ചു, വെറും നാല് വർഷത്തിനുള്ളിൽ ഇത് 4.3 ട്രില്യൺ ഡോളറിലെത്തുമെന്ന് പ്രതീക്ഷിക്കുന്നു. നിലവിലെ വേഗതയിൽ ഇന്ത്യയ്ക്ക് ഓരോ ഒന്നര വർഷത്തിലും ജിഡിപിയിൽ 1 ട്രില്യൺ ഡോളർ കൂട്ടിച്ചേർക്കാൻ കഴിയുമെന്ന് വിദഗ്ദ്ധർ അഭിപ്രായപ്പെടുന്നു.
GDP വളർച്ചാ നിരക്ക് ഇതേ രീതിയിൽ തുടരുകയാണെങ്കിൽ 2029 ൽ ജർമ്മനിയെ പിന്തള്ളി, ഇന്ത്യ ലോകത്തിലെ ഏറ്റവും വലിയ സമ്പദ് വ്യവസ്ഥയായി മാറുമെന്ന് സാമ്പത്തിക വിദഗ്ധർ കണക്ക് കൂട്ടുന്നു.
Keywords:
Recent in Business
Must Read
Latest News
In News for a while now..