ഒരു ചോദ്യം ചോദിക്കണം എന്നുണ്ടായിരുന്നു. അദ്ദേഹത്തിൻ്റെ ആത്മകഥയിൽ എഴുതിയിരുന്നു. ചെറുപ്പത്തിൽ ഒരു അർദ്ധരാത്രി തൃശ്ശൂർ വെച്ച് കൊള്ളി ജോസ് എന്ന അന്നത്തെ കുപ്രസിദ്ധ ഗുണ്ടയെ കണ്ടു മുട്ടിയ കാര്യം.. (അനുശ്രീ ആണ് എഴുതിയത് ) ഒന്ന് വിരട്ടി കാര്യങ്ങൾ ചോദിച്ചറിഞ്ഞ ശേഷം പയ്യനായ മോഹനെ 'രാത്രി ഇങ്ങനെ കറങ്ങി നടക്കരുത്. സ്ഥലം ശരിയല്ല' എന്ന സ്നേഹപൂർണമായ താക്കീതോടെ വീട്ടിൽ കൊണ്ടാക്കിയ കഥ.

"പിന്നീട് വർഷങ്ങൾക്കു ശേഷം പത്മരാജനുമായി ഈ കഥ പറഞ്ഞപ്പോൾ 'ജോസ് നമ്മുടെ പഴയ കക്ഷിയല്ലെ?' എന്നു പറഞ്ഞു ചിരിച്ചു. ഞാൻ ദയന്നു പോയി. കാരണം ജോസ് അന്ന് ഞങ്ങൾക്കൊക്കെ ടെറർ ആയിരുന്നു ".

വിയ്യൂർ സെൻട്രൽ ജയിലിലെ അവസാനത്തെ തൂക്കു കയർ കൊള്ളി ജോസിന് ആയിരുന്നു....

ആ കൊള്ളി ജോസ് ആണ് ഉദകപ്പോളയിലെ ആൻ്റപ്പൻ . അച്ഛൻ്റെ തൃശ്ശൂർ ആകാശവാണിക്കാലത്ത് പുള്ളി 'തങ്ങളി'ൻ്റെ അപ്രൻ്റീസ് ആയിരുന്നു.

തൂവാനത്തുകളി ൽ ഒരു രംഗത്തിൽ മാത്രമാണ് ആൻ്റപ്പൻ വരുന്നത്. ക്ലാരയുടെ രണ്ടാനമ്മയെ വിരട്ടുന്ന രംഗത്തിൽ മാത്രം. ശ്രീമൂലനഗരം മോഹൻ ചേട്ടൻ്റെ റെക്കമെൻ്റേഷനിൽ ആ വേഷം ചെയ്തത് അലിയാർ എന്ന നാടക നടനാ യിരുന്നു. അദ്ദേഹവും ഇന്നില്ല.

ആ കൊള്ളി ജോസിൻ്റെ രാത്രിയെ പറ്റി നേരിട്ട് ചോദിക്കണം എന്നുണ്ടായിരുന്നു. അച്ഛൻ മോഹൻ അങ്കിളിനോട് പങ്കു വെച്ചു കഥയും....