ത്രിശ്ശൂർ പൂരം കലക്കലിൽ അജിത് കുമാറിന്റ വീഴ്ച ചൂണ്ടിക്കാട്ടി ഡിജിപി റിപ്പോർട്ട് നൽകിയ ശേഷവും മുഖ്യമന്ത്രി കുലുക്കമില്ലാതെ നില്ക്കുകയായിരുന്നു. ഡിജിപി ഇതേക്കുറിച്ച് വിശദമായി അന്വഷിക്കട്ടെയെന്നും തുടർ നടപടികൾ അതിനു ശേഷം മാത്രമെന്നും രണ്ടു ദിവസം മുമ്പ് നിലപാട് ആവർത്തിച്ച മുഖ്യമന്ത്രി, തിങ്കളാഴ്ച സഭ തുടങ്ങുന്ന പശ്ചാത്തലത്തിൽ കൂടിയാണ് കൺകെട്ടു പോലെ തന്റെ വിശ്വസ്തനെ മാറ്റിയത്.