വഖഫ് ഭേദഗതി ബിൽ 2025

വഖഫ് ബിൽ ഏതെങ്കിലും മതങ്ങളുടെ കാര്യങ്ങളിലോ, ആരാധനാ സ്വാതന്ത്ര്യത്തിലോ കൈ കടത്തുന്നില്ല. ഇത് പ്രോപ്പർട്ടി മാനേജ്മെൻ്റ് സംബന്ധിച്ച വിഷയം മാത്രമെന്നും ബിൽ അവതരിപ്പിച്ചു കൊണ്ട് മന്ത്രി പറഞ്ഞു. വഖഫ് ബോർഡിന് മുസ്ലിം സമുദായവുമായി യാതൊരു ബന്ധവുമില്ല എന്ന കേരള ഹൈക്കോടതിയുടെ വിധി ചൂണ്ടിക്കാട്ടിയ മന്ത്രി, സമാനമായ വിധികൾ മറ്റ് കോടതികളിൽ നിന്നും ഉണ്ടായതായി മന്തി പറഞ്ഞു. ഇന്ത്യയിലെ ഏറ്റവും വലിയ മൂന്നാമത്തെ ഭൂമി ഉടമയായ വഖഫ് ബോർഡ് രാജ്യത്തെ ദരിദ്രരായ മുസ്ലിങ്ങൾക്ക് വേണ്ടി ഒന്നും ചെയ്തിട്ടില്ല എന്നും അദ്ദേഹം പറഞ്ഞു. വഖഫ് ഭേദഗതി ബിൽ എത്രയും പെട്ടെന്ന് പാസാക്കണമെന്ന് ആവശ്യപ്പെട്ട് ധാരാളം മുസ്ലിം ഗ്രൂപ്പുകൾ ന്യൂനപക്ഷ കാര്യം കൈകാര്യം ചെയ്യുന്ന എൻ്റെ ഓഫീസിൽ വരാറുണ്ടെന്നും മന്ത്രി പറഞ്ഞു.