Coimbatore: സംസ്ഥാന പ്രസിഡൻ്റ് തെരഞ്ഞെടുപ്പ് പ്രക്രിയയിൽ നിന്ന് മാറി നിൽക്കുമെന്ന ഉറച്ച തീരുമാനത്തോടെ അണ്ണാമലൈ പറഞ്ഞു, "അടുത്ത സംസ്ഥാന പ്രസിഡന്റ് സ്ഥാനത്തേക്കുള്ള മത്സരത്തിൽ ഞാൻ ഇല്ല. ഒരു രാഷ്ട്രീയ ഊഹാപോഹങ്ങൾക്കും ഞാൻ മറുപടി നൽകില്ല. ഞാൻ ഒരു മത്സരത്തിനും ഇല്ല" ഇപ്രകാരം മാധ്യമങ്ങളോട് വെള്ളിയാഴ്ച വൈകുന്നേരം സംസാരിച്ച അണ്ണാമലൈ മണിക്കൂറുകൾക്കകം രാജി വച്ചതായി അറിയിച്ചു.

മുൻ ഐപിഎസ് ഉദ്യോഗസ്ഥനായ അണ്ണാമലൈ, തുടർച്ചയായി ഭരണത്തിലെ പ്രശ്‌നങ്ങൾ ഉയർത്തി , പാർട്ടിയെ ശ്രദ്ധാകേന്ദ്രത്തിൽ നിർത്തിക്കൊണ്ട്, സംസ്ഥാനത്ത് ബിജെപിയുടെ സാന്നിധ്യം ഉറപ്പാക്കി. സംസ്ഥാന മേധാവി സ്ഥാനത്ത് നിന്ന് അണ്ണാമലൈ പുറത്തുപോകാനുള്ള ഒരു പ്രധാന കാരണം ബിജെപിയുടെ ആകർഷണീയത വർദ്ധിപ്പിക്കാനുള്ള തന്ത്രമാണ്. അണ്ണാമലൈയും എഐഎഡിഎംകെ നേതാവ് എടപ്പാടി പളനിസ്വാമിയും പടിഞ്ഞാറൻ തമിഴ്‌നാട്ടിൽ നിന്നുള്ള ഗൗണ്ടർ സമുദായത്തിൽ പെട്ടവരാണ്. അണ്ണാമലൈയെ മാറ്റി മറ്റൊരു ജാതിയിൽ നിന്നോ പ്രദേശത്തു നിന്നോ ഉള്ള ഒരാളെ നിയമിക്കുന്നത് ബിജെപിക്ക് കൂടുതൽ വോട്ടർ അടിത്തറയിലേക്ക് എത്താൻ സഹായിക്കുമെന്ന് വിലയിരുത്തപ്പെടുന്നു.