സൈന്യത്തിൻ്റെ ധ്രുവ് ഹെലികോപ്ടർ ബൈസരൺ ഏരിയയിൽ ഭീകരർക്കായി തെരച്ചിൽ തുടരുകയാണ്. ആറോളം ഭീകരർക്ക് കൃത്യത്തിൽ പങ്കുള്ളതായി സംശയിക്കുന്നു. അതിനിടെ ദൃക്സാക്ഷികളിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ അന്വേഷണ ഉദ്യോഗസ്ഥർ തയ്യാറാക്കിയ

മൂന്ന് ഭീകരരുടെ രേഖാചിത്രങ്ങൾ പുറത്തു വന്നു. പാകിസ്താൻ ആസ്ഥാനമായി പ്രവർത്തിക്കുന്ന ലഷ്കർ- ഇ-തയ്ബ എന്ന ഭീകര സംഘടനയുടെ ഉപ വിഭാഗമായ റെസിസ്റ്റൻസ് ഫ്രണ്ടിൻ്റെ കൊലയാളികളാണ് ആക്രമണത്തിന് പിന്നിൽ പ്രവർത്തിച്ചത്. LeT തലവൻ സൈഫുള്ള കസൂരി ആയിരിക്കാം സൂത്രധാരൻ എന്ന് അന്വേഷണ ഏജൻസികൾ സംശയിക്കുന്നു.

പ്രാഥമിക അന്വേഷണത്തിൽ മിലിട്ടറി നിലവാരത്തിലുള്ള AK-47 തോക്കുകൾ ഉപയോഗിച്ചാണ് ഭീകരർ വിനോദ സഞ്ചാരികളെ വെടി വെച്ച് വീഴ്ത്തിയതെന്നും സംശയിക്കുന്നു.

ദുരന്തസ്ഥലം സേനയുടെ പൂർണ്ണ നിയന്ത്രണത്തിൻ കീഴിലാണ്.