രണ്ടര വർഷമായി തുടരുന്ന റഷ്യ - ഉക്രൈൻ യുദ്ധത്തിന്റെ വിരാമത്തിന് വഴിയൊരുങ്ങുന്നു. റഷ്യൻ പ്രസിഡണ്ട് വ്ളാഡിമിർ പുടിൻ ചർച്ചയ്ക്ക് തയ്യാറാണെന്ന് അറിയിച്ചതോടെ വീണ്ടും പ്രതീക്ഷകൾക്ക് ചിറക് മുളക്കുകയാണ്.ബ്രസീലിൻറെ ഇന്ത്യയുടെ മധ്യസ്ഥതയിൽ ചർച്ച ആകാമെന്നാണ് പുടിൻ്റെ പക്ഷം. എന്നാൽ സമാധാന ചർച്ച ഇന്ത്യയിൽ വച്ച് ആകാമെന്നാണ് ഉക്രൈൻ പ്രസിഡൻറ് സെലൻസ്കിയുടെ നിർദ്ദേശം.

ഇക്കഴിഞ്ഞ ജൂലൈ എട്ടാം തീയതി പ്രധാനമന്ത്രി നരേന്ദ്രമോദി റഷ്യ സന്ദർശിച്ചിരുന്നു.ഈ സന്ദർശനത്തിൽ റഷ്യയും ഭാരതവുമായുള്ള ബന്ധം മെച്ചപ്പെടുത്തുന്നതിനപ്പുറം ഉക്രൈനുമായുള്ള യുദ്ധം അവസാനിപ്പിക്കുന്നതിന് നരേന്ദ്രമോദി മുൻകൈ എടുക്കുകയായിരുന്നു.അന്ന് നടന്ന ചർച്ചകൾ ഫലവത്താകുന്നു എന്നതിന്റെ സൂചനയാണ് പുടിന്റെ പ്രഖ്യാപനത്തിൽ കൂടി വെളിവാകുന്നത്.