മിഡിൽ ഈസ്റ്റിലെ സംഘർഷങ്ങൾക്കിടയിൽ, ഇസ്രായേൽ സൈന്യം വെസ്റ്റ് ബാങ്കിലെ റമല്ലയിലെ അൽ ജസീറ ഓഫീസുകൾ റെയ്ഡ് നടത്തുകയും അടച്ചുപൂട്ടുമെന്ന് പ്രഖ്യാപിക്കുകയും ചെയ്തു. കനത്ത ആയുധധാരികളായ ഇസ്രായേൽ സൈനികർ ഖത്തർ വാർത്താ ബ്യൂറോ ഓഫീസിലേക്ക് ഇരച്ചു കയറി .അൽ ജസീറ പറയുന്നതനുസരിച്ച്, ഒരു കോളിളക്കം സൃഷ്ടിച്ച ശേഷം, ഇസ്രായേലി ഉദ്യോഗസ്ഥർ 45 ദിവസത്തെ അടച്ചുപൂട്ടൽ ഉത്തരവ് നെറ്റ്‌വർക്കിൻ്റെ വെസ്റ്റ് ബാങ്ക് ബ്യൂറോ ചീഫ് വാലിദ് അൽ-ഒമാരിക്ക് ഞായറാഴ്ച പുലർച്ചെ കൈമാറി. അടച്ചുപൂട്ടലിന് ഒരു കാരണവും നൽകിയിട്ടില്ല, എന്നിരുന്നാലും, മേഖലയിൽ പ്രവർത്തിക്കുന്ന പല പത്രപ്രവർത്തകരും ഈ വിഷയത്തിൽ "ആശ്ചര്യപ്പെടേണ്ടതില്ല" എന്ന അഭിപ്രായം പ്രകടിപ്പിച്ചു. ഇസ്രയേലിനുള്ളിൽ റിപ്പോർട്ട് ചെയ്യുന്നതിൽ നിന്ന് അൽ ജസീറയെ നേരത്തെ തന്നെ വിലക്കിയിട്ടുണ്ട് എന്നതും ശ്രദ്ധേയമാണ്. ഹമാസ് , ഹിസ്ബുള്ള തീവ്രവാദികളെ പിന്തുണക്കുകയും ഇസ്രായേലിനെതിരെ അവാസ്തവമായ വാർത്തകൾ പ്രചരിപ്പിക്കുന്നതായും സൈന്യം ആരോപിച്ചു